Jesaea 1:23 - সান্তালী বাইবেল

²³ Amren disạm cakʼlaoko do huhulko ar kombṛokoren gateko hoyakana; sanamkoge ghusko kusiyakʼa ar sandesko khoja. Onko do reṅgecʼ hoṛko secʼ bako teṅgon kana ar rạnḍi maejiukoakʼ mambla hõ onko ṭhen do baṅ seṭerokʼ kana.

Jesaea 1:23 Referans Kwoze

Mikạ 7:3

Onkoakʼ banar ti do behokakʼ kạmi lạgitʼ gạkhuṛgetakoa. Mukhiyạko do sandesko khojkana, bikʼcạrko do ghusko jomeda, ar kisạ̃ṛko okako khojkan onako baḍae ocokana; ar onko jotoge mitʼ domte phundiko aṭaoetʼkana.

Sakariạ 7:10

Ape do rạnḍi maejiuko, ṭuạ̃r amarko, bidisiạko ar reṅgecʼ hoṛko alope santaokoa.’

Exodus 23:8

Ghus alom joma, ente okoeyakʼ mẽtʼ menakʼ uni hõ ghusteye kãṛã ocokʼa. Ghus do dhorom hoṛakʼ katha hõe ulṭạu ocoya.

Luk 19:46

Uni do beparikoe metatʼkoa, “Sonot sostorre ol menakʼa, ‘ińakʼ oṛakʼ do koejoṅ oṛakʼ hoyokʼa,’ menkhan ape do ḍạkukoakʼ danderpe hoyocoakada.”

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

Jesaea 3:14

Probhu Isor do acʼren hoṛko modre haṛam hoṛko ar mukhiyạko upạrte bicạrkateye meneda, “Ape do ińakʼ darkha bagwanpe nosṭo akada; ar reṅgecʼ hoṛkoakʼ jinisko luṭkate apeakʼ oṛakʼtepe idiakada.

Mark 11:17

Ado cetʼako jokhecʼ onko hoṛkoe metatʼkoa, “Sostorre cetʼ nonka baṅ ol akana, ‘ińakʼ oṛakʼ do sanam jạtrenko lạgitʼ koejoṅ oṛakʼ ńumogokʼa mente?’ Menkhan ape do ḍạkukoakʼ danderpe hoyoco akada!”

Mathae 21:13

“Sonot sostorte Isore menakada, ‘ińakʼ oṛakʼ do koejoṅ oṛakʼ ńumogokʼa,’ menkhan ape do ḍạkukoakʼ danderpe hoyocoakada.”

Mikạ 3:11

Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”

Hosea 9:15

Probhu Isore meneda, “Gilgolre onko do akoakʼ joto lekan dusṭạmiko ehopʼleda, ar onḍe onko do hirkhạwakoń ehopʼena. Onkoakʼ kại iạte ińren hoṛko tala khoniń laga oḍokkoa. Onko do ar bạń dulạṛkoa; onkoren mukhiyạko doko huhulko kana.

Hosea 4:18

Onko do bubulakʼko tinreko ńũ sạta unre onko do loṭghuṭiko ehoba; onkoren disạm cakʼlaoko do lajao paṛaoakʼ colongeko kusiyakʼa.

Jirimiạ 22:17

Menkhan amakʼ mẽtʼ ar mon do eken behokakʼ hameṭjoṅ, miridoskoakʼ mãyãm ar santao ar julum reakʼge menakʼa.”

Jirimiạ 5:5

Onatege iń do mukhiyạko ṭheniń senokʼa ariń galmaraoakoa; onko do khạṭige Probhu Isorakʼ hor ar akoren Isorakʼ ạnko baḍaegea.” Menkhan onko do mitʼdomte arãṛ rạputʼkate tonolko topakʼ akada.

Jesaea 33:15

Unigeye daṛeakʼa, okoe do dhoromteye colonetʼkan ar hok reakʼkoe roṛetʼkan, ar okoe do julum reakʼ labkoe hirkhạwakʼ kan ar ghus hatao khon pharakreye tahenkan, okoe hoṛ do khũn reakʼ alo ańjom lạgitʼ luture tubetʼetʼtae ar bạṛicʼakʼ kạmi ńel khon mẽtʼe jạpitʼkatae kan.

Kạhtukko 29:24

Kombṛo tulucʼ bhag hataoicʼ hoṛ do acʼge acʼren bạiriye hoyokʼa; uni do kiriạ ocolere hõ cetʼge bae sodora.

Kạhtukko 17:23

Bedhoromicʼ do gocha khon ghuse hataoeda hok reakʼ horko konḍeyae lạgitʼ.

2 Bõsbudạ 36:14

Ona chaḍa naekekoren sanam mukhiyạko ar disạm hoṛko do eṭakʼ jạtrenko leka hirkhạwakʼ kạmikateko kạikeda ar Probhu Isor Jerusalemre okaṭakʼ oṛakʼ do acʼ ńutumteye begar doholetʼ ona hõe bhonḍ ocokeda.

Dosar Biboron 16:19

Behok lekate alope bicạra se okoeyakʼ mẽtʼãhã hõ alope beṅgetʼakʼa. Ghus hõ alope hataoa, ente ghus do ạkilankoakʼ mẽtʼe kãṛã ocoytakoa ar bin dusạn hoṛakʼ katha hõe ulṭạu ocoya.

Luk 24:27

Inạ tayom uni do Moseyakʼ ar joto nạbikoakʼ olakʼ khon ehopʼkate sanam sonot sostorre acʼ reaṅ okako olakan ona jotoe bujhạuatʼkinạ.

Jakob 1:27

Rạnḍi maejiu ar tũạr amarko dukokʼ jokhecʼ hiriko ar dhạrti reakʼ joto lekan bạṛicʼakʼ khon apnartetʼ sahaṛ akae tahenge hoyokʼkana Isorakʼ mẽtʼre sạri dhorom ar khạṭitetʼ.

Jesaea 1:22

Amakʼ rupạ do mạilạ akana; amakʼ bhage darkha rasare do dakʼ mesal akana.

Jesaea 5:23

okoe do ghus jomkate dusiyicʼko aṛakʼede ar bin dusiyicʼ do hok reakʼ bako bicạretʼtae.

Jesaea 30:1

Probhu Isore meneda, “Hae onko ṭhoṭhok hoponko do, okoe do ponthawakʼko kạmikan menkhan iń leka do baṅa. Onko do bondobosko bandhaoeda menkhan ińren Jiu reakʼ sana leka do baṅ. Jemon kại cetan kạiko ḍạṅjoṅ.

Jesaea 65:2

Keṭecʼ hoṭokʼan hoṛko secʼ siń sạṭupʼ ińakʼ tiyiń tiyạr akatʼtińạ. Onko do apnarakʼ bundisko pańjayetʼte bạṛicʼ horteko calakʼkana.

Jirimiạ 4:17

Khetren pahradarko leka onko do Jerusalemko gherao eseda, ente uni do iń upạrteye hul akada. Iń Probhu Isorge noa katha doń meneda.

Jirimiạ 32:32

ente Israel ar Jihudạren hoṛko, onkoren sanam raj ar rajkạmiyạko, naekeko ar nạbiko, Jihudạ ar Jerusalemren hoṛko do akoakʼ sanam bạṛicʼakʼ kạmi hotete ińko bekusi ocoakadińạ.

Jeheskel 12:2

“E Manwa hopon, am do mitʼṭen huhulkan jạtrenko talarem girobasokʼ kana. Onko do mẽtʼ menakʼgetakoa menkhan bako ńeńel kana, lutur menakʼgetakoa menkhan bako ańjomeda, ente onko do mitʼṭen huhulkan jạtren kanako.

Hosea 5:10

Jihudạren mukhiyạko do simạna dhiri ocokʼko leka kanako. Ińakʼ edre do onkore banbạsi lekageń paṛao ocoya.

Amos 5:12

Ińiń baḍaea apeakʼ behokʼakʼko do tinạkʼ ḍhertapea ar apeakʼ ghạṭko hõ tinạkʼ bạ̃ṛtitapea mente! Ape do dhorom hoṛpe santaoetʼkoa ar ghuspe jomeda; ar nagraha reakʼ phaṭok duạr ṭhen reṅgecʼ hoṛkoakʼ hok reakʼ do bape bicạretʼa.

Mikạ 3:9

E Jakob bõsren mukhiyạko, ar Israelren bõsren disạm cakʼlaoko, ańjompe. Ape do dhorom reakʼ bicạrpe nihạ̃tetʼkana ar sojheakʼ dope konḍea ocoyetʼa.

Mikạ 6:12

Aperen kisạ̃ṛ hoṛko doko sasantaogea, ar ape hõpe ekʼṛegea ar apeakʼ moca hõ phạsiạragetapea.

Numeri 22:7

Unre bhạg ńel ocoy lạgitʼ Moab ar Midiạnren mukhiyạko do ṭaka-poesa soṅgekateko mohnḍayena. Ar Balak okae metatʼko tahẽkan onkage senkate Biliamko metadea.

1 Samuel 8:3

Menkhan unkin do ạkinren apattetʼ leka do bạkin calakʼkan tahẽkana. Unkin do behok secʼte dhon hameṭjoṅ reakʼ aste dhorom reakʼ horkin bạgiyatʼ tahẽkana. Unkin do ghus hataokate hok reakʼakʼ kin behok ocoyetʼ tahẽkana ar behok do hok reakʼ lekakin hoyocoyetʼ tahẽkana.

Jesaea 1:17

Bhageakʼ kạmi reakʼ cetʼ joṅpe, hok reakʼ bicạrpe, sasantaoko sudhrạukope, reṅgecʼko secʼ tahenpe, ar rạnḍi maejiukoakʼ teṅgo goṛowakope.”

Jesaea 1:18

Probhu Isor do arhõe meneda, “Dela hijukʼpe, ńitokʼ bon galmarao phanḍaolege. Ente apeakʼ sanam kạiko sindur leka arakʼ akanre hõ enhõ ona do him leka ponḍokʼa; ar jeṅgetʼ arakʼ kanre hõ enhõ ona do bhiḍi upʼ leka ponḍokʼa.

Jesaea 28:14

Ona iạte E ṭiṭkạrikan hoṛko, okoe do Jerusalemre onko hoṛko cetanre mạlikipe calaoetʼ, ape do Probhu Isorakʼ katha ańjompe.

Jirimiạ 5:6

Ona iạte bir khon mitʼṭen dhạcri kul do oḍok hecʼkate onkoe gocʼkoa. Ar hahaṅkarren mitʼṭen hunḍạr doe maraokoa ar onkoakʼ nagraha ṭhen mitʼṭen tạrupʼ do tãṛãkʼ akane tahena. Ar jãhãege onḍe khonko oḍokokʼ onko doe or cirạkoa, ente onkoakʼ ghạṭ do ḍhergea ar bạṛicʼ horte calakʼ reakʼ ghoṭna hõ maraṅgetakoa.

Jeheskel 22:27

Hunḍạr cetʼleka sikạrko sapʼko onkage onḍenko rajkạmiyạko do mãyãmko joro ocoyeda ar behok lekate lab iạte manwako khũnetʼkoa.