Jeheskel 9:2 - সান্তালী বাইবেল

² Unre utạr secʼ reakʼ cetan ṭhạ̃i reakʼ phaṭok duạr secʼ khon turui hoṛ hijukʼkan iń ńelketʼkoa; onko mimitʼkoakʼ tire do maraokʼ reakʼ khanḍa bhanḍako tahẽkana. Onko sãote mĩhĩ musnạ kicricʼ horokʼ akatʼ mitʼṭen hoṛe tahẽkana ar uniyakʼ ḍanḍare do olokʼicʼakʼ doat kạli hõ tahẽkana. Onko do bhitrite bolokate pitạl reakʼ pinḍ ṭhenko teṅgoyena.

Jeheskel 9:2 Referans Kwoze

Jeheskel 10:2

Probhu Isor do mĩhĩ musnạ kicricʼe horokʼ akatʼ hoṛe metadea, “Kerubko latarre okaṭakʼ pạihạ̃ko menakʼ am do onako talare calakʼme. Ar onko Kerubko talare tahẽkate am do ańjlete perecʼ aṅgra seṅgel hataome ar nagraha cetanre chiṭiạugotʼkam.” Ińakʼ mẽtʼãhã samaṅrege uni hoṛ do onḍeye boloyena.

Levitikus 16:4

Uni do mĩhĩ musnạ kicricʼ reakʼ sonot kicricʼe horoga ar bhitrire hõ mĩhĩ musnạ kicricʼ reakʼ huḍiń kicricʼe horoga. Ar mĩhĩ musnạ reakʼ paṭheyakʼte ḍanḍae paṭhekʼa ar bohokʼ do mĩhĩ musnạ kicricʼteye dạhṛikʼa. Noa do sonotakʼ kicricʼko kana. Ar noa horog lahare uni doe ḍạbrạ saphakʼa.

Johan sodor 15:6

Unre onko eae goṭen serma goḍet do eae goṭecʼ sạjạiyante mundil khonko oḍok hecʼena. Onko do sapha jhak jhak kicricʼko horokʼ akatʼ tahẽkana ar koṛam do sona reakʼ pạṭkạteko tol ạcurakan tahẽkana.

2 Rapajko 15:35

Menkhan uni do than boṭkocʼko bae marao utạrleda. Ar hoṛko hõ onakore janwar dãṛẽ ar dhupko jeretʼetʼ tahẽkana. Jotham do Probhu Isorakʼ oṛakʼ reakʼ pạcri reakʼ cetan senakʼ duạre jut aro ocokeda.

Jirimiạ 26:10

Jihudạren rajkạmiyạko do noa kathako ańjomketʼ khan raj oṛakʼ khon Probhu Isorakʼ oṛakʼteko hecʼena ar Probhu Isorakʼ oṛakʼ reakʼ nãwã phaṭok duạrte bolokʼ hor ṭhenko duṛupʼena.

Jirimiạ 25:9

Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.

Jirimiạ 1:15

Iń do utạr reakʼ rajosṭiren sanam jạtrenkoń hohoako kana.” Ar rapajko do hecʼkate Jerusalem reakʼ phaṭok duạrko reakʼ bolokʼ horre akoakʼ siṅghạsonko bạisạua. Ar onko do ona beṛhaeteakʼ pạcri ar Jihudạ reakʼ sanam nagrahako esetʼ ạcura.

2 Bõsbudạ 27:3

Jotham do Probhu Isorakʼ oṛakʼ reakʼ cetan senakʼ duạre jut aro ocokeda ar Ophel buru pạcri reakʼ ḍher jaegakoe kajakkeda.

2 Bõsbudạ 4:1

Solomon do bargel moka jeleń, bargel moka osar ar gel moka usul mitʼṭecʼ pitạl reakʼ pinḍe benao ocokeda.

Exodus 40:29

Sekʼwa tạmbu, metakʼme ńapamokʼ tạmbu duạr ṭhen uni do jeredokʼ samaṅokʼ reakʼ pinḍe dohokeda ar Probhu Isorakʼ hukum leka ona cetanre jeredokʼ samaṅokʼakʼ ar anaj samaṅokʼakʼ porobe porobena.

Jeheskel 9:3

Unre Israelren Isorakʼ oka ṭhonok do Kerubkin cetanre tahẽkan ona do onḍe khon rakapʼente mundil reakʼ duạr ganaḍe ṭhene senena. Ar Probhu Isor do mĩhĩ musnạ kicricʼ horokʼ akatʼ uni hoṛe hohowadea.

Jeheskel 9:11

Tayomte mĩhĩ musnạ kicricʼ horokʼ akatʼ uni hoṛ do ruạṛ hecʼkate noa khobore emena, “Iń do amakʼ hukum lekageń kạmi akada.”

Daniel 10:5

Un jokhecʼ iń doń beṅgetʼ rakapʼketʼ khan mĩhĩ musnạ kicricʼ horokʼ akatʼ ar ḍanḍare khạṭi sona reakʼ totolakʼteye tol akan mitʼṭen hoṛiń ńelkeda.

Daniel 12:6

Ar mĩhĩ musnạ kicricʼ horokʼ akatʼ okoe do gaḍa dakʼ cetanreye tahẽkan uni do unkin bar hoṛ modren mitʼhoṛe metadea, “Noako hahaṛawakʼ mucạdokʼ do ar tinạkʼ din lagaokʼa?”

Jirimiạ 4:6

Sion secʼ mitʼṭecʼ nisạn tul rakabtape. Ar bin bilomte ńir bańcaokʼpe, ente iń do utạr secʼ khon maraṅ jarkharokʼgeń ạgu lạgidokʼ kana.

Jeheskel 8:3

Uni do ti tiạrkate ińakʼ bohokʼ upʼe jhuṭiạuketʼtińạ. Ar Isorren Jiu do ot ar serma talareye rakapʼ idikedeńạ ar Isor emakʼ dorsonkote Jerusalem reakʼ koejoṅ oṛakʼ reakʼ bhitri raca reakʼ utạr secʼakʼ phaṭok duạr reakʼ bolokʼ horteye idikedińa. Onḍe do mitʼṭen boṅga muṭhạn tahẽkana ona iạte Isor do edrete pit caṛhaoade tahẽkana,

Amos 9:1

Probhu Isor do pinḍ aṛere teṅgo akaniń ńelkedea. Uniye metadińa, “Khunṭi chatnako kuṭạmme jemon duạr saṅgako daldalaokʼte sanam hoṛkoakʼ bohokʼ cetanre rạputʼ ńurokʼ. Okoe jiwetʼko tahen onko do tarwaṛeteń gocʼkoa. Onko do celege bako ńir phoṛokʼa ar celege bako dạṛ paskaokʼa.