Jeheskel 8:3 - সান্তালী বাইবেল

³ Uni do ti tiạrkate ińakʼ bohokʼ upʼe jhuṭiạuketʼtińạ. Ar Isorren Jiu do ot ar serma talareye rakapʼ idikedeńạ ar Isor emakʼ dorsonkote Jerusalem reakʼ koejoṅ oṛakʼ reakʼ bhitri raca reakʼ utạr secʼakʼ phaṭok duạr reakʼ bolokʼ horteye idikedińa. Onḍe do mitʼṭen boṅga muṭhạn tahẽkana ona iạte Isor do edrete pit caṛhaoade tahẽkana,

Jeheskel 8:3 Referans Kwoze

Dosar Biboron 32:16

Ạnạṛi Isor sewawae iạte uni do ạḍiko ãṭ ocokedea, ar hirkhạwakʼkoteko khĩs ocokedea.

Jeheskel 11:1

Ona tayom Probhu Isorren Jiu do ińe tul rakapʼ idikedeńte mundil oṛakʼ reakʼ purub secʼ phaṭok duạr ṭhene ạgukedińa. Onḍe phaṭok duạr bolokʼ horre do bargel mõṛẽ goṭen herel hoṛko tahẽkana, ar iń do onko talare Asurren hopon Jasaniạ ar Benayaren hopon Pelatiạ tekiniń ńelketʼkinạ; unkin do hoṛkoren mukhiyạkin tahẽkana.

Jeheskel 5:11

Ona iạte iń Probhu Isor do ińre kiriạkateń meneda, amren sanam hirkhạwan boṅga murtiko ar hirkhạwakʼ kạmikote ińakʼ oṛakʼem besapha akatʼte iń do ińakʼ dayań ocogtińạ; ar am secʼ do bạń beṅgeda ar mãyã hõ bạń mãyãwama.

Daniel 5:5

Unre acʼkage manwawakʼ mitʼṭen ti do hecʼkate raj oṛakʼ reakʼ diuhe dohowakʼ ṭhen bhit cetanre okʼolkan ńel ńamena. Ar olokʼkan jokhecʼ raj do ona tiye ńel ńamkeda.

Jeheskel 40:2

Isor emakʼ dorson talate uni do Israel disạmteye idikedeńte mitʼṭecʼ usul buru cetanreye dohokedińa. Ona buru reakʼ dạkhin aṛere adom dolan oṛakʼko tahẽkana onako do ńelokʼte nagraha leka tahẽkana.

Jeheskel 11:24

Ona tayom Isorren Jiu do ińe tul rakapʼ kedińa ar uni emakʼ dorson talate arhõ Babelre bondi akanko ṭhene seṭerkedińa. Ar okaṭakʼ dorson iń ńelletʼ ona tayom ona do cabayena.

Jeheskel 2:9

Unre beṅgetʼkateń ńelkeda iń secʼ mitʼṭecʼ ti do tiạr akana. Ar onare mitʼṭecʼ guṛhe puthi menakʼa.

Dosar Biboron 32:21

Isore baṅkan nonkanicʼko sewawaekante ar bako botorạńkante onko do ińko ãṭ ocoakadińa; ar onkoren boṅga murhutʼko iạte ińko khĩs ocoakadińa. Okoe do jạtrenko baṅkan onkoakʼ tire soprotkate onkoń jaljalao ocokoa; ar mitʼṭen bebuj jạtrenkoakʼ tire soprotkate onkoń khĩs ocokoa.

Dosar Biboron 6:15

ente ape talare aperen okoe Isor menae uni do ãṭicʼ Isor kanae; ar debotakope pańjaleko khan uni do ape upạrteye edre seṅgelokʼa, ar dhạrti khone marao giḍikapea.

Dosar Biboron 5:9

Onako do alom ḍobokʼakʼa, ar sewa hõ alom sewawakʼa, ente iń Probhuge amren Isor do. Iń do ińakʼ paona bhoktiń khojkana. Okoeko kurudạń onkoakʼ kại reakʼ sạjại do onkoren hoponko ṭhen pe pon piṛhi hạbicʼ iń pańja halawako kana.

Dosar Biboron 4:24

ente aperen Probhu Isor doe jojom seṅgel kana; ar acʼakʼ paona bhokti lạgitʼ do ãṭokʼicʼ Isorge.

Exodus 20:5

Onako do alom ḍobokʼakʼa, ar sewa hõ alom sewawakʼa, ente iń Probhuge amren Isor do. Iń do ińakʼ paona bhoktiń khojkana. Okoeko kurudạń onkoakʼ kại reakʼ sạjại do onkoren hoponko ṭhen pe pon piṛhi hạbicʼ iń pańja halawako kana.

Aposkạmi 8:39

Ado dakʼ khonkin rakapʼen khan Probhu Isorren Jiu do ackage Philipe idikedea. Ar uni cạkrạ hoṛ do ghuriạ Philip bae ńel ńamledea. Unre uni do rạskạte oṛakʼe calaoena.

Daniel 10:18

Unre manwa leka ńelokʼicʼ uni serma goḍet do arhõ ińe joṭetʼkedińa ar daṛeye emadińa.

Daniel 10:10

Unre mitʼṭecʼ ti do ińe joṭetʼkedeń khan banar ti ar gunṭhite thar tharaoakʼ tulucʼe kaḍa ocokedińa.

Jeheskel 8:5

Uni do ińe metadińạ, “E manwa hopon, utạr secʼ beṅgedme.” Onate iń do onteń beṅgetʼ rakapʼkeda ar pinḍ reakʼ duạrre, metakʼme utạr secʼ reakʼ phaṭok duạrte bolokʼ horre boṅga muṭhạniń ńelkeda.

Jeheskel 7:20

Onko do mońj mońj gohna iạteko gorbokʼkan tahẽkana ar onate akoren hirkhạwan boṅga muṭhạnko benaojoṅ kan tahẽkana. Onate iń do onako hirkhạwakʼ jinisgeń hoyoco akatʼtakoa.

Jeheskel 3:14

Isorren Jiu do ińe kuṭuṅ rakapʼ idiyiń jokhecʼ iń do ińakʼ mon reakʼ duktegeń calaoena, ar Probhu Isorakʼ keṭecʼ ti do ińre tahẽkana.

Jeheskel 3:12

Ona tayom Isorren Jiu do ińe kuṭuṅ rakapʼkedińa, ar iń tayom secʼre ãṭ aṛaṅte roṛoṛkan noa kathań ańjomkeda, “Coṭ utạrre Probhu Isorakʼ ṭhonok reakʼ sarhao hoyokʼtaema.”

Jirimiạ 32:34

Onko do ińakʼ oṛakʼre akoren hirkhạwan murhutʼko doho akatʼkote onako bhonḍakada.

Jirimiạ 7:30

Probhu Isore meneda, “Jihudạren hoṛ do iń nońjorre bạṛicʼakʼko kạmi akada. Ińakʼ oṛakʼre akoren hirkhạwan boṅgako doho akatʼkote onako bhonḍakada.

Sereńko 78:58

Onko do buru coṭ reakʼ pinḍko beoharkate uniko bekusi ocokedea; ar tite benaoakʼ murtiko pujạwatʼkote uniko edre ocokedea.

2 Rapajko 21:7

Uni do oka Asera muṭhạne benao akatʼ tahẽkan ona do koejoṅ oṛakʼreye dohokeda. Niạ koejoṅ oṛakʼ reaṅge Probhu Isor do Dạud ar uniren hopon Solomone metatʼkin tahẽkana, “Niạ oṛakʼ ar Israelren sanam gusṭiko tala khoniń bachao akawan niạ Jerusalemge iń lạgitʼ jaejug tahen oṛakʼ iń hoeocoya.

2 Rapajko 16:14

Ar Probhu Isor samaṅre dohoakan pitạl reakʼ pinḍ do Probhu Isorakʼ oṛakʼ ar nãwã pinḍ reakʼ tala khon ocokʼkate nãwã pinḍ reakʼ utạr secʼreye dohokeda.

2 Rapajko 2:16

“Ale do amren mõṛẽgel daṛean gutiko nonḍe menakʼlea; ale do senkate amren mạlik le sendra ạguiyea. Hoedaṛeakʼa Probhu Isorren Jiu do uni rakapʼ idikate jãhãn buru se jãhãn soḍokʼreye doho oṭoakadea.” Elisae doe menkeda, “Baṅ, alope calakʼa.”

1 Rapajko 18:12

Ińiń bạgiyam khange Probhu Isorren Jiu do eṭakʼ jãhã secʼe idimea ar iń do bạń baḍae daṛeakʼa. Ar senkate Ahab iń lạiyae ar bae ńamme enḍekhan uni doe gocʼ giḍikạńạ. Menkhan huḍiń khonge amren guti do Probhu Isoriń botorae kana.

Josuạ 24:19

Niạ katha ańjomkate Josuạ do hoṛkoe metatʼkoa, “Menkhan ape do uni bape sewa daṛeaea, ente uni doe sonot Isor kana, acʼakʼ paona bhokti do okoe hõ bae ńam ocoakoa. Uni do apeakʼ kại ar ghạṭko bae ikạitapea.

Exodus 34:14

Cele debotage alope sewawakoa, ente Probhu Isorakʼ ńutum do ãṭicʼ Isor; uni do mitʼṭen ãṭ Isor kanae.

Exodus 20:4

“Sekʼwae lạgitʼ jãhãn muṭhạnko alom benao joṅa, baṅ do coṭ sermarenko reakʼ baṅ do otrenko reakʼ baṅ do ot latar dakʼrenko reakʼ.

Jeheskel 1:1

Pegel bochor reakʼ ponakʼ cando reakʼ mõṛẽakʼ dinre Kebar gaḍa aṛere bondi akan hoṛko talareń tahẽkanre iń samaṅre serma do jhicʼena ar Isorakʼ dorson iń ńelkeda.

Jeheskel 10:3

Unre Kerubko do mundil reakʼ dạkhin secʼreko teṅgo akan tahẽkana, ar bhitri raca do rimilte perecʼena.

Jeheskel 37:1

Probhu Isorakʼ ti do iń cetanre tahẽkana ar uni do acʼren Jiu hoteteye idikedeńte mitʼṭecʼ buru-nala reakʼ otetreye dohokedińa; ona ṭhạ̃i do jaṅkote perecʼge tahẽkana.

Jeheskel 43:5

Unre Probhu Isorren jiu do ińe rakapʼ idikedeńte bhitri racateye idikedeńạ, ar Probhu Isorakʼ ṭhonok do mundil oṛakʼre perecʼena.

Jeheskel 43:8

Onko do ińakʼ oṛakʼ aṛerege akoakʼ oṛakʼko benaoletʼa; onkoakʼ oṛakʼ ar ińakʼ oṛakʼ talare eken mitʼṭecʼ bhitge tahẽkana. Onkoakʼ bạṛicʼakʼ kạmiko hotete onko do ińakʼ sonot ńutumko besonot ocoletʼtińạ. Ar onatege onko do edreteń maraoletʼkoa.

Jeheskel 9:2

Unre utạr secʼ reakʼ cetan ṭhạ̃i reakʼ phaṭok duạr secʼ khon turui hoṛ hijukʼkan iń ńelketʼkoa; onko mimitʼkoakʼ tire do maraokʼ reakʼ khanḍa bhanḍako tahẽkana. Onko sãote mĩhĩ musnạ kicricʼ horokʼ akatʼ mitʼṭen hoṛe tahẽkana ar uniyakʼ ḍanḍare do olokʼicʼakʼ doat kạli hõ tahẽkana. Onko do bhitrite bolokate pitạl reakʼ pinḍ ṭhenko teṅgoyena.