Jeheskel 7:9 - সান্তালী বাইবেল

⁹ Iń do mãyãte bạń beṅgetʼapea ar aṛakʼ hõ bạń aṛakʼpea; apeakʼ colon ar ape tala reakʼ hirkhạwakʼ kạmiko reakʼ kuṛạiyiń emapea. Ar unrepe baḍae daṛeakʼa, iń Probhu Isorgeń hạhạna mente.

Jeheskel 7:9 Referans Kwoze

Johan sodor 20:13

Ar okoe gocʼ hoṛko do jalapurireko tahẽkan, onko do jalapuriye idiketʼkoa. Ona chaḍa moron ar patalpurire okoe gocʼakan hoṛko tahẽkan, onko dokin em ruạṛkatʼkoa. Ar mimitʼko do akoakʼ kạmi lekako bicạr ocoyena.

Galathiko lạgitʼ Pạul Apostolakʼ ciṭhi 6:7

Ape do alope bulạukʼa, Isor do ohoe siṛog ocolena; ente okoe okaṭakʼe era; uni do inạgeye ira.

Mikạ 6:9

Ạkilan hoṛ do Probhu Isorko botoraekana. Ma ańjompe, Probhu Isor do nagraharen hoṛkoe hohoako kana. Uni doe meneda, “Ape do sạjại reakʼ ṭheṅga secʼ ar okoe do onae niṭ akatʼ uni secʼ moneyakʼpe.

Jesaea 9:13

Menkhan okoe onkoe hạn akatʼko uni ṭhen hoṛko do bako ruạṛ hecʼlena, ar phạdren Probhu Isorakʼ sana leka hõ bako calaolena.

Jirimiạ 21:7

Ona tayom iń do mahamạri, lạṛhại ar akal khon bańcao tahen Jihudạren Sedekiạ raj, uniren rajkạmiyạko ar niạ nagraharen sanam hoṛ do Babelren raj Nebukadnesar rajakʼ tire ar okoe onkoakʼ gujukʼko khojkan onko bạirikoakʼ tireń soprotkoa. Nebukadnesar do onkoe gocʼkoa; uni do jãhãn daya ar mãyãge onkore bae dohoya. Iń Probhu Isorge noa katha doń meneda.’ ”

Rak̕joṅ 2:17

Probhu Isor do acʼakʼ goṭawakʼ lekageye kạmi akada; one okaṭakʼ katha ḍher laha khongeye roṛletʼ uni do ona kathae purun akada. Uni do begor mãyãtegeye lebda giḍi akatʼmea; bạiriko hõ am upạrteye rạskạ ocoyetʼkoa, uni do am upạrtenkoakʼ daṛeye ḍher ocoyetʼtakoa.

Jeheskel 7:8

Iń do usạrage ape cetanre ińakʼ edreń dula. Apeakʼ colon lekategeń bicạrpea ar apeakʼ sanam hirkhạwakʼ kạmiko khạtirtegeń sạjạipea.

Jeheskel 7:10

“Ńelpe, din do hecʼena! Ona do seṭerakana! Sorbonas do oḍokʼ hecʼakana, ṭheṅgare baha bhoṭokʼ akana, bạḍại reakʼ baha do saṛ akana.

Jeheskel 23:49

Abenakʼ bạṛicʼ kạmi reakʼ jo do abenge jojom hoyokʼtabena ar boṅga murhutʼko sewawako reakʼ kuṛại do ben asen baṛaea. Ar unre ben baḍae daṛeakʼa, ińkangeạń Probhu Isor do.”

Jirimiạ 13:14

Darkha rasa reakʼ kumko leka mimitʼ hoṛ do eṭakʼ hoṛ cetanreń tawakʼ gejerea; baṅ doe apatkan ar baṅ doe hoponkan jotogeń gejer cabakoa. Iń do daya hõ baṅ ar mãyã hõ bạń mãyãwakoa; onko doń marao cabakoa.’ ”

Jirimiạ 36:31

Iń do am ar amren hoponko ar amren kạmiyạkoakʼ behokakʼko iạteń sạjạipea; iń do ape upạrte okako muhin reakʼ kathań roṛakatʼ ona sanamakʼge ape cetanre, Jerusalemre ar Jihudạren hoṛko cetanreń paṛao ocoya, ente ape do ińakʼ katha bape ańjomletʼtińạ.’ ”

Jeheskel 5:11

Ona iạte iń Probhu Isor do ińre kiriạkateń meneda, amren sanam hirkhạwan boṅga murtiko ar hirkhạwakʼ kạmikote ińakʼ oṛakʼem besapha akatʼte iń do ińakʼ dayań ocogtińạ; ar am secʼ do bạń beṅgeda ar mãyã hõ bạń mãyãwama.

Jeheskel 22:22

Culhạre cetʼ leka rupạ galaokʼ onkage ape hõ onarepe galaokʼa. Unre ape dope baḍae daṛeakʼa, iń Probhu Isorge ape cetanre ińakʼ edreń dul akada mente.’ ”