Jeheskel 7:7 - সান্তালী বাইবেল

⁷ Disạmre okoepe girobasokʼ kan ape cetanre sorbonas do hecʼ seṭerakana. Okte do hoyena, din hõ sorena; unre buru boṭkocʼko cetanre rạskạ reakʼ andoṛ bodolte botor reakʼ aṛaṅge ańjomokʼa.

Jeheskel 7:7 Referans Kwoze

Jeheskel 12:28

Onate onkom metakoa, Probhu Isore menetʼ kana, ‘ińakʼ jãhãn kathage purạukʼ do baṅ bilomokʼa; iń okań men ona doń hoeocoygea. Iń Probhu Isorge noa katha doń meneda.’ ”

Jeheskel 7:12

Okte do hoyena, din hõ seṭerena. Onate jumi kirińetʼkan hoṛ do aloko rạskạkʼma ar ạkhrińetʼko hõ aloko dukokʼ ma, ente onko sanamko cetanre edre do seṭerakana.

Jesaea 22:5

Phạdkoren Probhu Isor ṭhen khon dorson reakʼ buru nalare do heṛan botorge hoyakana, onḍe do ḍamaḍol ar lebetʼ gańjao ar andmandao reakʼ dinge hecʼakana. Ona do pạcri rạputʼ giḍikakʼ ar buru-nala ṭhen rakʼjoṅ reakʼ mitʼṭecʼ din kangea.

Genesis 19:15

Setakʼen khan unkin serma goḍet do Lot usạrae lạgitʼkin metadea, “Ma usạragod me. Amren bạhu ar amren banar kuṛi okoe do nonḍe menakʼkin unkin salakʼ oḍok hijukʼme. Ar baṅkhan oka sạjại noa nagraha cetanre pheḍ hijukʼkan onare am hõm paṛaokʼa arem ḍahao marao utạrokʼa.”

1 Patras 4:17

Bicạr reakʼ okte do hoyakana ar ona do Isorakʼ gharońjren hoṛko khonge ehobokʼa. Ar ona bicạr do abo khonge ehopʼlen khan, enḍekhan okoe Isorakʼ bhage sombat bako manao akatʼ onko do cetʼ dosa hoyokʼtakoa?

Amos 4:13

Disạipe, okoe buru boṭkocʼkoe benao akatʼ, ar hoeye sirjạu akatʼ ar manwa ṭhen acʼakʼ ganḍon joṅakʼkoe sodor ocoy, okoe do marsale ńut ocoy ar dhạrti reakʼ buru boṭkocʼko cetanteye daṛan kan uniyakʼ ńutum do phạdkoren Probhu Isorge.

Jirimiạ 20:7

E Probhu Isor, am dom bulạu kedeńte ińakʼ nonka dosa do hoyakantińạ; ar iń khonem daṛegete am dom jitạu akana. Iń do goṭa dinge landa-dhutʼạń kan hoṛgeń hoyakana; ar sanam hoṛge ińko siṛogạń kana.

Jesaea 17:14

Ar ạyupʼ jokhecʼ doko torasokʼa ar ạuri setagokʼrege onko doko caba utạrokʼa. Abo luluṭkoakʼ do noage menakʼa, ar noage onkoakʼ bakhra do.

Jesaea 13:22

Onḍenakʼ buruńjre do toyoko raga ar khĩkṛĩ do gaṛreko tahena. Babel reakʼ okte do hecʼakana onako reakʼ din do ar baṅ ḍher ocowakʼa.”

Genesis 19:24

Ona tayomge Probhu do sermaren Probhu Isor ṭhen khon Sodom ar Gomora cetanre gondhok ar seṅgel dakʼe jạ̃ṛĩkeda.

Jirimiạ 50:27

Uniren sanam ḍaṅgrako gocʼkope; onko do gocʼko lạgitʼko idi ocokʼma. Hae, onko do sạjạiyokʼ reakʼ dinge paṛao akatʼkoa.”

Jesaea 16:10

Joanakʼ bagwan khon hulạs ar rạskạ do sạṅgiń ocoakana. Darkha bagwanre do celege bako sereńa ar bako andoṛa, ar darkha lelen kunḍrehõ celege darkha rasa do bako lebetʼ roḍoja, ente ona reakʼ andoṛ do mokoń ocoakana.

Jeheskel 30:3

Mitʼṭecʼ botoranakʼ dinge hijukʼkana, ente Probhu Isorakʼ din do seṭerakana; ona do rimilte danaṅ esetʼ akan din ar boṅgan hoṛ jạtrenkoakʼ mucạtʼ okte kana.

Joel 1:15

Hae, hae, ona botoranakʼ din do! Ente Probhu Isorakʼ din do seṭerakana; jarkharakʼ din lekate ona din do phạdkoren Probhu Isor ṭhen khonge hijukʼkana.