Jeheskel 7:3 - সান্তালী বাইবেল

³ Ńitge ona okte do am cetanre hecʼpaṛao akana ar am upạrte ińakʼ edre doń dula. Amakʼ colon lekań bicạrmea ar sanam hirkhạwakʼ kạmiko iạte amiń sạjạimea.

Jeheskel 7:3 Referans Kwoze

Jeheskel 18:30

“Ona iạte E Israelko, iń do ape mimitʼko apeakʼ colon lekateń bicạrpea. Ape do ruạṛpe, ar sanam behokakʼ kạmi khon mon ạcurtape; enḍekhan apeakʼ kại iạte ohope maraolena.

Jeheskel 5:13

“Niạko tayom ińakʼ heṛan edre do cabakʼa; onko cetanre ińakʼ edre purạteń upʼako tayom iń doń hapekʼa. Ar unreko baḍae daṛeakʼ, ińakʼ ontor reakʼ jaljalao iạte iń Probhu Isor do noa kathań meneda.

Jeheskel 33:20

Enhõ E Israelko, apepe meneda, ‘Probhu Isorakʼ hor do ṭhikteakʼ baṅkana.’ Ape cetʼlekape calakʼkan onkage mimitʼkoń bicạrpea.”

Jeheskel 16:38

Okoe maejiuko laṭghaṭetʼkan ar okoe mãyãmko joroyetʼkan onko okaṭakʼ sạjạiko ńam am hõ ona sạjạigeń emama. Ińakʼ edre ar mon reakʼ jaljalao iạte am do gujukʼ sạjạiyiń emama.

Jeheskel 36:19

Ona iạte boṅgan hoṛ jạtrenko ar disạmko talareń chir chạturletʼkoa; ar onkoakʼ colon ar kạmi lekateń sạjạiletʼkoa.

Jeheskel 7:27

Raj doe homor halaṅa, rajkumar doe andesalekʼa, ar disạmren hoṛkoakʼ ti do thar tharaokʼtakoa. Iń do onkoakʼ colon lekage onko sãoteń beohara ar onkoakʼ kuṛại lekageń sạjạikoa. Unre onkoko baḍae daṛeakʼa, ińkangeạń Probhu Isor do.”

Genesis 6:13

Noa ńelte Isor do Nohae metadea, “Manwa jạtrenko doń maraokoa. Ente dhạrti do onkoakʼ santao ar behokte perecʼ akana. Iń do manwa sãote dhạrti reakʼ jotowakʼiń marao giḍikakʼa.

Jesaea 47:7

Amem menleda, ‘iń do jaejug hạbicʼ rạniń tahena.’ Menkhan niạko reaṅ am do hudis hõ bam hudisleda, se mucạtʼ jo cetʼ hoyokʼtama mente ona hõ bam hudisleda.

Jeheskel 7:2

“E manwa hopon, Israel disạm ṭhen iń Probhu Isor do noa kathań menetʼkana, ‘ńelme, sesokʼ reakʼ okte! Sesokʼ do disạm beṛhae khon daraekana!

Jeheskel 7:4

Iń do mãyãte hõ bạń beṅgetʼama ar aṛakʼ hõ bạń aṛakʼmea; amakʼ colon ar am bhitri reakʼ hirkhạwakʼ kạmiko iạte iń do khạṭigeń sạjạimea. Ar unrem baḍae daṛeakʼa, ińkangeạń Probhu Isor do. ’ ”

Jeheskel 21:25

“E besonot ar Israelren dusṭạmi raj, amakʼ din do seṭer akana, amakʼ sạjại reakʼ okte do seṭer akana.

Jeheskel 22:31

Onatege ińakʼ edre do onko cetanreń dultińạ ar onkoakʼ colon reakʼ kuṛại do onkoakʼ bohokʼ cetanreń paṛao ocoya ar ińakʼ jolokʼkan edrete onkoń jeretʼ giḍikoa. Iń Probhu Isorge noa katha doń meneda.”

Amos 8:2

Uni doe kulikedińa, “Amos, am do cetʼem ńeleda? Iń doń roṛ ruạṛkeda, “Mitʼ ḍạlicʼ jo.” Unre Probhu Isor do ińe metadińạ, “Ińren hoṛ Israelakʼ okte do caba hecʼakana; iń do ar bạń sa paromkoa.

Jirimiạ 13:14

Darkha rasa reakʼ kumko leka mimitʼ hoṛ do eṭakʼ hoṛ cetanreń tawakʼ gejerea; baṅ doe apatkan ar baṅ doe hoponkan jotogeń gejer cabakoa. Iń do daya hõ baṅ ar mãyã hõ bạń mãyãwakoa; onko doń marao cabakoa.’ ”

Jeheskel 5:12

Amren pe hạṭiń reakʼ mitʼ hạṭiń hoṛ do am talare mahamạrite ar baṅkhan akalteko gujukʼa ar pe hạṭiń reakʼ mitʼ hạṭiń do pạcri bhit bahrere lạṛhạiteko gujukʼa ar pe hạtiń reakʼ mitʼ hạṭiń do beṛhaeteń chirchạturkoa ar tarwaṛe do onkoe khudạu baṛakoa.

Jeheskel 9:10

Ona iạte onko do mãyãte bạń beṅgetʼakoa, ar aṛakʼ hõ bạń aṛakʼkoa; ar okako cekayetʼ ona reakʼ kuṛại do onkoreń dula.”

Jeheskel 11:21

Menkhan okoeyakʼ ontor do bạṛicʼ murhutʼ ar hirkhạwan boṅga muṭhạnko secʼge menakʼa, onkoakʼ kạmi reakʼ kuṛại do onkoregeń dula. Ar iń Probhu Isorge noa katha doń roṛeda.”

Jeheskel 16:43

“Am do amakʼ kuṛi pạṛiạ reakʼ dinko bam disạleda, bickom noako kạmikate ińem ạṛis ocokedińạ; ona iạte ińhõ amakʼ kuṛạiyiń emkatama. Amakʼ eṭakʼ sanam bạṛicʼakʼ kạmi sãote noa hirkhạwanakʼ kạmi hõ cetʼ bam juṭucʼ akawada?

Jeheskel 16:59

“Amakʼ kạmi lekage am sãoteń beohara, ente ińakʼ bondobosem rạputʼ akatʼte ińakʼ kiriạwakʼem nihạ̃t giḍi akada.

Jeheskel 24:14

Ińakʼ kạmi reakʼ okte do seṭerakana. Iń do onań onkaegea, bạń mãyãkʼa se bạń dayakʼa. Amakʼ colon ar amakʼ kạmi lekagem bicạr ocokʼa. Iń Probhu Isorge noa katha doń meneda.’ ”

Hosea 12:3

Eṅgatakʼ kukhire tahenrege Jakob do acʼren boehawakʼ iḍiye sapʼletʼtaea; ar harakate do Isor sãoteye lạṛhạiyena.