Biblia Todo Logo
Bib sou entènèt

- Piblisite -




Jeheskel 7:2 - সান্তালী বাইবেল

2 “E manwa hopon, Israel disạm ṭhen iń Probhu Isor do noa kathań menetʼkana, ‘ńelme, sesokʼ reakʼ okte! Sesokʼ do disạm beṛhae khon daraekana!

Gade chapit la Kopi




Jeheskel 7:2
28 Referans Kwoze  

Uni doe kulikedińa, “Amos, am do cetʼem ńeleda? Iń doń roṛ ruạṛkeda, “Mitʼ ḍạlicʼ jo.” Unre Probhu Isor do ińe metadińạ, “Ińren hoṛ Israelakʼ okte do caba hecʼakana; iń do ar bạń sa paromkoa.


Nitokʼ do sanamakʼ reakʼ mucạtʼ okteko seṭer akana. Onate apeakʼ mon do kajak akae dohoytape ar apnarte sambṛaokʼpe jemonpe koejoṅ.


Apeakʼ sanam hulạs do dukte ar sanam sereń doń homor halaṅ ocoya. Sanamkoge gõṛẽ kicricʼ iń horokʼ ocopea ar bohokʼ doń hoyo ceḍeytapea. Ona okte do sadher hoponakʼ gujukʼ reakʼ homor lekań hoeocoya ar ona do mucạtʼ hạbicʼ ạḍi dukge hoyokʼa.”


Ńitge ona okte do am cetanre hecʼpaṛao akana ar am upạrte ińakʼ edre doń dula. Amakʼ colon lekań bicạrmea ar sanam hirkhạwakʼ kạmiko iạte amiń sạjạimea.


Iń do nạbi lekate tinre kathań roroṛkan tahẽkana unre Benayaren hopon Pelatiạ doe gocʼena. Unre iń do ombakʼkate ãṭ aṛaṅteń menkeda, “Hae, Probhu Isor! Am do cetʼ Israelren sarecʼ sanam hoṛkom marao cabakoa?”


Hoṛko do abo lạgitʼ tãṛãkʼ akaeko tahenkan tahẽkana, onate abo do phaelao ṭhạ̃ikore babon taṛam daṛeakʼkan tahẽkana. Aboakʼ ses dinko do sorakan tahẽkana, ar aboakʼ dinko hõ caba akan tahẽkana, ente aboakʼ ses okte do seṭer akan tahẽkana.


Ape do lạṛhại reakʼ saḍekope ańjomma. Menkhan sontorokʼpe! Noate alope botorokʼa, ente noako do hoyokʼgea; menkhan unre hõ mucạtʼtetʼ do ạuriyakʼa.


Isor emakʼ dorson talate uni do Israel disạmteye idikedeńte mitʼṭecʼ usul buru cetanreye dohokedińa. Ona buru reakʼ dạkhin aṛere adom dolan oṛakʼko tahẽkana onako do ńelokʼte nagraha leka tahẽkana.


“E manwa hopon, amakʼ mẽtʼãhã do Jerusalem secʼ samaṅkate koejoṅ oṛakʼ upạrte katha roṛme ar Israel disạm upạrte nạbi katha roṛme.


“E Manwa hopon, Israel disạmre noa do cetʼ lekan katha kana, ‘din do parom calakʼ kana ar mimitʼ dorsonko do ạuṛiyakʼ hoyokʼ kana?’


Uniyakʼ mạilạ do uniyakʼ kicricʼrege laṭkao akantaea; darakan din reakʼ do bae dạndilena. Uni doe sombotʼ bhindạṛ akana; jiwi raṛecʼtae lạgitʼ do celege bạnukʼkotaea. Uniye meneda, “E Probhu Isor, ińakʼ duk baṛe ńeltińme, ente bạiriko doko jitạu akana. ”


E Babel, am do ḍher dakʼ aṛerem thamgạḍi akana ar ḍher dhonem ạidạri akawana; amakʼ ses do seṭerakana, ar am kamanme reakʼ okte hõ seṭerakana.


Nạbiko do eṛeyakʼko nạbiyeda, naekeko do akoakʼ tirege ạidạri dohokateko ḍanṭao kana, ar ińren hoṛko do nonkageko dulạṛkana. Menkhan E ińren hoṛko, ona reakʼ mucạtʼ hecʼlenre cetʼpe cekaea?”


Uni doe menkeda, “Iń do onko khon ińakʼ mẽtʼãhãń danaṅtińạ, ar sesre cetʼ hoyokʼtako onań ńela; ente onko do peṛta pirthimi ar bin pạtiạran hoponko kanako.


Noa ńelte Isor do Nohae metadea, “Manwa jạtrenko doń maraokoa. Ente dhạrti do onkoakʼ santao ar behokte perecʼ akana. Iń do manwa sãote dhạrti reakʼ jotowakʼiń marao giḍikakʼa.


Niạ tayom iń do ponea serma goḍetko dhạrti reakʼ ponon konḍre teṅgo akaniń ńelketʼkoa. Onko do dhạrti ponon kona reakʼ hoeko esetʼ dohoakatʼ tahẽkana, jemon dhạrtire, jalapurire se jãhãn dare cetanre aloe hoe.


Unre uni do goṭa dhạrtire senkate jạt jạtrenko, metakʼme Gog ar Magoge bulạukinạ ar onkin do lạṛhại lạgitʼe jarwakinạ. Ar onko do lekhare jalapuri reakʼ gitil lekako hoyokʼa.


Amem menleda, ‘iń do jaejug hạbicʼ rạniń tahena.’ Menkhan niạko reaṅ am do hudis hõ bam hudisleda, se mucạtʼ jo cetʼ hoyokʼtama mente ona hõ bam hudisleda.


Disạm do tinạkʼ dine homor halaṅa ar ṭạnḍi reakʼ ghãs hõ tinạkʼ din tolmocʼ akae tahena? Okoe onḍeko girobasokʼ kan onkoko bạṛicʼgete janwar ar cẽṛẽko hõko marao akana. Onko hoṛko meneda, “Abo cetʼ bon cekayetʼ do bae ńeńelkana.”


Probhu Isor do arhõe metadińa,


Dhorom hoṛ ar bedhorom hoṛ sanamko gocʼko lạgitʼ ińakʼ tarwaṛe do khap khoniń or oḍoka ar dạkhin khon utạr hạbicʼ sanam hoṛkoń gocʼkoa.


“E besonot ar Israelren dusṭạmi raj, amakʼ din do seṭer akana, amakʼ sạjại reakʼ okte do seṭer akana.


“ ‘Ḍher din khon am do Israelren bạirim hoyakana ar onkoakʼ muhinre tinre onkoakʼ sạjại do purạteko em ocoakana unre am do tarwaṛe reakʼ daṛerem soprotketʼkoa.


Hae, hae, ona botoranakʼ din do! Ente Probhu Isorakʼ din do seṭerakana; jarkharakʼ din lekate ona din do phạdkoren Probhu Isor ṭhen khonge hijukʼkana.


Onko do tinre amko kulimea, ‘cedakʼem kũhrạukʼ kana?’ Am dom mena, ‘okaṭakʼ sombat hijukʼkan ona lạgitʼ iń kũhrạukʼ kana. Unre sanamkoakʼ mon do udạsokʼa ar ti do lạbṛujokʼtakoa; onkoakʼ mon do latwagokʼa ar gunṭhi do nijor cabakʼtakoa. Probhu Isore menetʼ kana, ona do hijukʼkana; ar hoyokʼte hõ hoyokʼgea.’ ”


Swiv nou:

Piblisite


Piblisite