Jeheskel 7:12 - সান্তালী বাইবেল

¹² Okte do hoyena, din hõ seṭerena. Onate jumi kirińetʼkan hoṛ do aloko rạskạkʼma ar ạkhrińetʼko hõ aloko dukokʼ ma, ente onko sanamko cetanre edre do seṭerakana.

Jeheskel 7:12 Referans Kwoze

Jeheskel 7:10

“Ńelpe, din do hecʼena! Ona do seṭerakana! Sorbonas do oḍokʼ hecʼakana, ṭheṅgare baha bhoṭokʼ akana, bạḍại reakʼ baha do saṛ akana.

Kạhtukko 20:14

Kirińicʼ doe mena, “Ạḍi maṅgna, ạḍi maṅgna.” Ona tayom uni doe kiriń idiya ar ona kiriń jinisteye gorbokʼa.

Sephaniạ 1:14

Probhu Isorakʼ ona maraṅakʼ din do sor hecʼakana ar ạḍi usạrage hijukʼkana. Ote Probhu Isorakʼ din reakʼ sabad ańjompe! Unre lạṛhại birko do hasoteko raga.

Jesaea 21:12

Hohorhoyicʼ doe roṛ ruạṛkeda, “Setakʼ hijukʼ kana, menkhan ona tayom ńindạ hõ darae kana. Arhõ kulijoṅpe menetʼ khan ruạṛ hecʼkate arhõ kuliyińpe.”

Jirimiạ 7:20

Ona iạte Probhu Isor doe meneda, “Ińakʼ edre ar raṅgao do niạ ṭhạ̃i cetanre, manwa ar janwarko cetanre, ṭạnḍi reakʼ dare nạ̃ṛĩko cetanre ar jumi reakʼ phosolko cetanreń paṛao ocoya, ar ona edre do jolokʼtege tahena, baṅge ĩṛĩjokʼa.”

Jeheskel 12:23

Onkom metakoa Probhu Isore menetʼ kana, ‘ińge ona calao hijukʼkan katha doń bạtil gotʼkakʼa; Israelakʼ ona katha do ar okoehõ bako roṛa.’ Ona bodolte onkope metakoa, ‘din seṭer akana, ńitokʼ do mimitʼ dorsonko sạriyagokʼa.

Jeheskel 30:3

Mitʼṭecʼ botoranakʼ dinge hijukʼkana, ente Probhu Isorakʼ din do seṭerakana; ona do rimilte danaṅ esetʼ akan din ar boṅgan hoṛ jạtrenkoakʼ mucạtʼ okte kana.

Joel 1:15

Hae, hae, ona botoranakʼ din do! Ente Probhu Isorakʼ din do seṭerakana; jarkharakʼ din lekate ona din do phạdkoren Probhu Isor ṭhen khonge hijukʼkana.