Jeheskel 5:8 - সান্তালী বাইবেল

⁸ Ona iạte ińge am upạrte, ar boṅgan hoṛ jạtrenkoakʼ mẽtʼ samaṅreń sạjạimea.

Jeheskel 5:8 Referans Kwoze

Jeheskel 15:7

Iń do onko upạrteń teṅgona. Ar seṅgel khonko oḍoklenre hõ onko do seṅgelgeye jomkoa. Iń do tinre onko upạrteń teṅgona unrepe baḍae daṛeakʼa, iń kangeạń Probhu Isor do.

Jirimiạ 24:9

Ar jãhãrege onkoń sạṅgiń giḍikako onḍege onko do botorankoń hoyocokoa, dhạrtiren sanam jạtrenko ṭhen hirkhạwanko, landa-dhutʼanko, henostako ar kạhtukgeń hoyocokoa. Ar onkoakʼ ńutum iạte hoṛko do onkoko sarapakoa.

Jeheskel 21:3

Unim metaea, Probhu Isore meneda, ‘iń do am upạrte minạńa. Iń do khap khon ińakʼ tarwaṛeń oḍoka ar am tala khon dhorom hoṛ ar bedhorom hoṛ jotogeń gocʼkoa.

Jirimiạ 21:13

E Jerusalem, buru nala otetre tahenkanicʼ iń do enhõ am upạrte minạńa. Am dom meneda, ape upạrte do okoege bako hecʼdaṛeakʼa, ar apeakʼ tahen ṭhạ̃ire okoehõ bako bolo daṛeakʼa;

Jirimiạ 21:5

Ińge ape upạrteń lạṛhạiya ińiń tiyạr akatʼ ti ar keṭecʼ sopote, edre raṅgao ar maraṅ kurkurạukʼtege.

Mathae 22:7

Unre raj doe raṅgaoena ar acʼren palṭonkoe kolketʼkote khũniạhikoe maraoketʼkoa ar onkoakʼ nagrahakoe jeretʼ giḍikatʼtakoa.

Jeheskel 39:1

“E manwa hopon, Gog upạrte am do noa nạbi katha roṛme, Probhu Isore menetʼkana, ‘E Mesok ar Tubạlren maraṅ disạm cakʼlaoyicʼ Gog, am secʼ do bạnuńa.

Jeheskel 35:3

Probhu Isore menetʼkana, E Seyir buru, iń do am upạrte minạńa; iń do am upạrte tiyiń tultińạ ar ujạṛ utạrakʼ ṭhạ̃igeń hoyocomea.

Jeheskel 28:22

Probhu Isore menetʼkana, ‘E Sidon, iń doń am upạrten kana; am upạrte okań cekae onate ińakʼ ṭhonok do sodorokʼa. Iń do tinre amiń sạjạimea ar am talare ińakʼ sonottetʼ iń sodortińạ unre amren hoṛko baḍae daṛeakʼa, ińkangeạń Probhu Isor do.

Jeheskel 11:9

Iń do nagraha khon okoń laga ńirkote bidisiạkoakʼ tireń soprotkoa ar apeń sạjạipea.

Rak̕joṅ 3:3

sạrige goṭa din iń upạrte uni do ghane ghane acʼakʼ tiye tuletʼtaea.

Rak̕joṅ 2:5

Probhu Isor do bạiriko lekae hoyakana; uni do Israele utʼ akadea. Uni do ona reakʼ sanam dolankoe mohor meṭaokeda ar uniyakʼ sanam gaṛko hõe jarkhar akatʼtaea. Uni do Jihudạ hoponerawakʼ homor halaṅe ḍherakatʼtaea.

Jirimiạ 50:7

Ar jãhãege onkoko ńametʼko onkogeko tạhuṛetʼkoa; onkoren bạiriko meneda, ‘ale do dusi dole baṅkana, ente Probhu Isor upạrte, onkoakʼ sạriyakʼ reakʼ ạtiń ṭạnḍi upạrte, onkoren hapṛamkoren asicʼ uni Probhu Isor birudre onko doko kại akada.’

Dosar Biboron 29:20

Probhu Isor do tishõ uni ikạkae do bae rạjikʼa. Ar uniyakʼ raṅgao ar ãṭ do uni hoṛ upạrte dhũạkʼa. Noa puthire oka sarap reakʼ kathako roṛakan ona sanamakʼ do uni cetanre paṛaokʼa. Ar Probhu Isor do dhạrti khon uniyakʼ ńutumme meṭao utạrtaea.

Jeheskel 5:15

Iń do tinre heṛan edre, ar raṅgao ar heṛan eger hotete amiń sạjạimea unre am beṛhaeten jạtrenko do am ńelteko tharbasaokʼa; onko ṭhen am do nihạ̃t ar landa-dhutʼicʼgem hoyokʼa ar mitʼṭecʼ sontoricʼ lekage.

Jeheskel 13:8

“ ‘Iń Probhu Isorgeń meneda, onkoakʼ eṛe katha ar eṛe dorson lạgitʼ iń do onko upạrte minạńa.

Jeheskel 30:19

Nonkate iń do Misoriń sạjạiyea, ar unre onko doko baḍae daṛeakʼa, ińkangeạń Probhu Isor do.’ ”

Jeheskel 34:10

Iń Probhu Isorgeń menetʼkana, iń do gukʼpiko secʼ do bạnuńạ; ar onkoakʼ ti khon ińren bhiḍikoń hataokoa. Ar ińren pal gukʼpiko khoniń ocokʼkoa jemon apnartetʼ aloko lab daṛeakʼ. Onkoakʼ moca khon ińakʼ palrenkoń rukhiyạkoa ar bhiḍiko do onkoren jomakʼ bako hoyokʼa.

Nạhum 2:13

Phạdkoren Probhu Isore meneda, “E Niniwi, iń do am upạrte; amakʼ rãt gạḍikoń jeretʼ giḍikakʼa, ar tarwaṛe do amren dhạcri kulkoe jomkoa. Iń do amren sikạr lạgitʼ celege noa dhạrtire bạń doho oṭokakoa. Ar amren sombat emokʼkoakʼ aṛaṅ hõ ar baṅ ańjomokʼtakoa.”

Jeheskel 16:41

Onko do amakʼ oṛakʼ-duạrko jeredtama ar ḍher maejiuko samaṅre amiń sạjạimea. Nonkate iń do amakʼ laṭghaṭiń mokoń ocoytama; ar amren dulạṛiạko do ṭaka poesa ar bam emakoa.