Jeheskel 5:2 - সান্তালী বাইবেল

² Ar tinre nagraha reakʼ gherao dinko cabakʼa unre ona upʼ reakʼ pe hạṭiń reakʼ mitʼ hạṭiń do nagraha talare seṅgelrem atar giḍikakʼa. Ar pe hạṭiń reakʼ mitʼ hạṭiń upʼ do tarwaṛete nagraha beṛhaetem samakʼ kuṭrạya, ar pe hạṭiń reakʼ mitʼ hạṭiń upʼ do hoerem uḍiạu gotʼkakʼa. Ar ona tayom tayomte iń do tarwaṛeń kola.

Jeheskel 5:2 Referans Kwoze

Jeheskel 5:12

Amren pe hạṭiń reakʼ mitʼ hạṭiń hoṛ do am talare mahamạrite ar baṅkhan akalteko gujukʼa ar pe hạṭiń reakʼ mitʼ hạṭiń do pạcri bhit bahrere lạṛhạiteko gujukʼa ar pe hạtiń reakʼ mitʼ hạṭiń do beṛhaeteń chirchạturkoa ar tarwaṛe do onkoe khudạu baṛakoa.

Levitikus 26:33

Ar eṭakʼ jạtrenko talareń chirchạturpea ar tarwaṛeteń khudạu baṛapea. Apeakʼ disạm reakʼ sanam jumiko, atoko ar nagrahako do jarkharokʼtapea.

Jeheskel 12:14

Uni beṛhaete sanamko, metakʼme uniren kạmiyạko ar uniren sanam lạṛhại phạdko do beṛhaeteń chirchạturkoa ar tarwaṛeteń lagakoa.

Jirimiạ 15:2

Onko do amko kulilem khan, ‘ale do cetʼ hoyokʼtalea?’ Enḍekhan onkom metakoa, ‘Probhu Isor do noa kathae meneda, ‘okoe mahamạri lạgitʼ kanko onko do mahamạrite, okoe tarwaṛe lạgitʼ kanko onko do tarwaṛete ar okoe akal lạgitʼ kanko onko do akalteko gujukʼa; ar okoe do bondi ocokʼ lạgitʼ kanko doko bondi idi ocokʼa.”

Jirimiạ 9:16

Ar nonkan boṅgan hoṛ jạtrenko talareń chirchạturkoa okoe do akohõ baṅ ar akoren hapṛamko hõ bako baḍae akatʼko. Ar ạuriko marao utạrko hạbicʼ onko tayom tayomte lạṛhạiyiń kola.’ ”

Jirimiạ 38:2

Jirimiạ doe menetʼ tahẽkana, “Probhu Isor do noa kathae meneda, ‘jãhãege noa nagrahareye tahen uni do lạṛhại talate ar baṅkhan akalte ar baṅkhan mahamạriteye gujukʼa, menkhan okoe Babelrenko ṭhene calakʼ uni do bae gujukʼa. Uni do jãhãlekate acʼakʼ jiwiye rukhiyạitaea.

Jirimiạ 24:10

Ar onkoren hapṛamko okaṭakʼ disạmiń emakawatʼko ona disạmre tin hạbicʼ bako marao utạrokʼ un hạbicʼ onko talare lạṛhại, mahamạri ar akal iń kola.”

Jirimiạ 13:24

“Hahaṅkarre hoete oṭaṅ calakʼkan bhusạ leka iń do amren hoṛkoń oṭaṅ idikoa.

Jirimiạ 39:1

Jerusalem do nonka leka dokhol hoylena. Jihudạren Sedekiạwakʼ rajokʼ areakʼ bochor reakʼ gelakʼ candore Babelren raj Nebukadnesar do acʼren sanam lạṛhại phạdkoante Jerusalem upạrte hecʼkate nagrahae gherao esetʼkeda.

Jirimiạ 39:2

Sedekiạ rajakʼ rajokʼ gelmitʼ bochor ponakʼ cando reakʼ areakʼ dinre nagraha pạcri reakʼ mitʼ jaegare bhugạkʼ hoyena .

Jeheskel 5:3

Menkhan thoṛa upʼ dohokate amem horokʼ akatʼ kicricʼrem rebetʼ dohokakʼa.

Jeheskel 5:10

Ona iạte am talaren apatko do akoren gidrạkoakʼ jelko joma ar gidrạko do akoren apatkoakʼ jelko joma. Iń do amiń sạjạimea ar amre sarecʼ jiwetʼ tahen hoṛ do beṛhaeteń chirchạturkoa.

Jeheskel 17:21

Uniren lạṛhại phạdkoren soros utạrko do lạṛhạiteko gujukʼa ar sarecʼ lạṛhại phạdko do beṛhaeteko chirchạturokʼa. Ar unrepe baḍae daṛeakʼa, iń Probhu Isorge noa katha doń meneda.’ ”

Sakariạ 13:8

Goṭa disạm reakʼ pe hạṭiń reakʼ bar hạṭińren hoṛ doko gocʼ ocokʼa, menkhan iń Probhu Isorgeń meneda, ona modre pe hạṭiń do jiwetʼko tahena.

Jirimiạ 9:15

Ona iạte iń do Israelren phạdkoren Probhu Isor ńutumte noa kathań roṛeda, ‘ńelme, noko hoṛ do haṛhatʼ jomakʼ ar bis dakʼ iń ńũ ocokoa.

Amos 9:4

Bạiriko hotete eṭakʼ disạmteko bondi idi ocolenre hõ onko gocʼko lạgitʼ tarwaṛeń hukumaea. Bhạlại lạgitʼ do baṅ menkhan bin bhạlại lạgitʼ onko cetanre mẽtʼ do tahentińạ.”