Jeheskel 48:1 - সান্তালী বাইবেল

¹ Ona tayom Probhu Isore menkeda, “Gusṭirenko lekate disạm reakʼ jumi hạṭiń do nonka leka hoyokʼa. Disạm reakʼ utạr simạnare Dan do mitʼṭecʼ hĩse ńama; ona do maraṅ jalapuri khon Hethlon reakʼ hor samaṅ secʼte Hamat hạbicʼ; ar onḍe khon purub secʼ Damesek reakʼ utạr simạ aṛe Hasar-enan hạbicʼ, metakʼme Hamat simạna hạbicʼge.

Jeheskel 48:1 Referans Kwoze

Jeheskel 47:20

Pạchim secʼ reakʼ simạna do maraṅ jalapuri secʼte Hamat reakʼ botolo mũhạ̃ mũhĩ hoyokʼa. Ar noage hoyokʼa pạchim reakʼ simạna do.

2 Samuel 24:2

Unre raj do acʼ sãoten subedar Joabe metadea, “Ape do Dan khon Ber-seba hạbicʼ Israel gusṭiko talare senkate hoṛ lekhakope jemon iń do onkoakʼ lekhań baḍae daṛeakʼ.”

Jeheskel 47:23

Okoe gusṭiko talare onko bidisiạko girobasokʼ kan onḍege onko do jumi reakʼ ạidạri emakope. Iń Probhu Isorge noa katha doń meneda.”

Josuạ 19:48

Niạko nagraha ar ona aḍepase reakʼ atoko do Dan gusṭiren judạ judạ bõsrenkoakʼ sompotti hoyena.

Jeheskel 47:13

Ona tayom Probhu Isore menkeda, “Ape do sompotti lekate Israelren gelbar gusṭiko talare disạm do nonkage hạṭińakope. Ape sanamkoge somantepe hạṭińa menkhan Joseph do bar hạṭińe ńam daṛeakʼ. Noa disạm do aperen hapṛamko emako lạgitʼgeń kiriạlena ar noa disạm do apeakʼ sompottige hoyokʼa.