Uni do onḍe ińe idikedińa ar iń do mitʼṭen manwań ńelkedea one uniyakʼ hoṛmo do tama leka jhak jhakaokʼkan tahẽkantae. Uniyakʼ ti re do musnạ reakʼ baber ar jokha reakʼ ḍaṅ tahẽkana ar uni do phaṭok duạr ṭhene teṅgo akan tahẽkana.
Ar okoe iń tulucʼ kathae roroṛkan tahẽkan uniyakʼ tire do mitʼṭecʼ sona reakʼ jokhawakʼ chuci tahẽkana, jemon uni do ona nagraha reakʼ duạrko ar ona reakʼ pạcriye jokha daṛeakʼ.
Ona tayom sosoṅ ṭheṅga lekanakʼ mitʼṭecʼ chuchi ṭheṅga em ocokateń men ocoyena, “Mundil ar pinḍ soṅme ar okoeko onḍe Isorko sewawae kan onko hõ lekhakom.
Isorakʼ jojomsa aṛere duṛubokʼ reakʼ ṭhonok do unigeye dan akawadea are gokʼade tahẽkana sonot Jiu do Isor Baba ṭhen khongeye ńam akadea; ar ńitokʼ ape okape ńeletʼkan arpe ańjometʼkan ona do Jisugeye emakana.
Ona tayom iń doń beṅgetʼ rakapʼketʼ khan jokha baber sapʼakatʼ mitʼ hoṛiń ńelkedea. Iń do uniń kulikedea, “Am do okatem calakʼkana?” Uni doe metadińạ, “Jerusalem tinạkʼ osara ar tinạkʼ jeleńa ona jokha lạgitʼ iń calakʼkana.”