Jeheskel 44:3 - সান্তালী বাইবেল

³ Eken disạm cakʼlaokoge phaṭok duạr ṭhen duṛupʼkate Probhu Isor samaṅreko jom daṛeakʼa. Ar mucạtʼ kandha talate duạrteko bolokʼa ar inạ hortegeko oḍok calakʼa.”

Jeheskel 44:3 Referans Kwoze

Jeheskel 46:2

Unre disạm cakʼlaoyicʼ do bahre khon phaṭok duạr bolokʼ kandhate bolokate phaṭok duạr reakʼ khunṭikin aṛere teṅgokʼ hoyokʼtaea. Ar naekeko do uniyakʼ jeredokʼ samaṅokʼakʼ ar sulukren samaṅokʼakʼ porobko hoeocoya. Phaṭok duạrte bolokʼ horre uni do sekʼwa baṛakateye oḍokokʼa, menkhan ńindạ hạbicʼ phaṭok do jhicʼge tahena.

Jeheskel 37:25

Ar okaṭakʼ disạm do ińren guti Jakob iń em akawadea, ar okaṭakʼ disạmre onkoren hapṛamko girobasokʼ kan tahẽkan onḍege onko hõko girobasokʼa. Onko ar onkoren hoponko, hoponerako ar goṛom gidrạko onḍe jaejugko tahena ar ińren guti Dạud do jaejug hạbicʼ onkoren raje hoyokʼa.

Jeheskel 34:24

Iń Probhu Isorge onkoren Isoriń hoyokʼa ar ińren guti Dạud do onkoren mukhiyại hoyokʼa. Iń Probhuge noa katha doń meneda.

Genesis 31:54

Niạ tayom Jakob do ona burure dãṛẽye samaṅkeda ar peṛa-pạrbhạko jom-ńũ lạgitʼe goṛoatʼkoa. Arko jom-ńũketʼ khan ona bururegeko tahẽ aṅgayena.

Jeheskel 40:9

Ona kandha do jeleńte irạl moka ar ona khon oḍokokʼ hor reakʼ banarsa reakʼ kham khunṭi do bar moka kate osar tahẽkana. Phaṭok duạr mucạtʼ reakʼ ona kandha duạr do mundil oṛakʼ secʼ tahẽkana.

Johan sodor 3:20

Ńelme, iń do duạrre teṅgokate silpińiń ṭhopʼ ṭhopʼetʼ kana. Jãhãege ińakʼ aṛaṅ ańjomkate silpińe jhicʼạń, enḍekhan bhitrite uni ṭheniń bolokʼa ar uni tulucʼiń jom ńũiya, ar uni hõ iń tulucʼe joma.

2 Bõsbudạ 34:31

Raj do acʼakʼ jaegare teṅgokate Probhu Isorakʼ horte calakʼ lạgitʼ goṭa mon ar ontorte uniyakʼ sanam hukumko, ạn-ạriko manao lạgitʼ, metakʼme niạ puthire olakʼ bondobos reakʼ sanamakʼ katha manao lạgitʼ Probhu Isor samaṅreye kiriạ ocoketʼkoa.

Jesaea 62:9

Ona do okoe phosolko samaṭaoa onkoge joma ar Probhu Isorko sarhaoea. Okoe darkha rasako jarwae onko do ińakʼ sonot ṭhạ̃i reakʼ racareko ńũiya.”

Jesaea 23:18

Menkhan uniyakʼ lab ar rojgar do Probhu Isor ńutumte begar dohokʼa; se jogaokʼa ona do baṅa. Ar okoe do Probhu Isor samaṅreko dãṛã baṛae onkoakʼ ḍher jomakʼ ar mońj kicricʼko lạgitʼge uniyakʼ ona labtetʼ do khorocokʼtaea.

2 Bõsbudạ 23:13

Uni doe ńelkeda, Probhu Isorakʼ oṛakʼte bolokʼ reakʼ horre raj do acʼakʼ khunṭi ṭhene teṅgo akana ar subedarko ar sakwa okʼroṅko do raj beṛhaeteko teṅgoakana. Ar disạmren sanam hoṛ doko rạskạkʼ kana ar sakwako oroṅeda ar sekʼreńko do bajnawateko sereńeda. Noa ńelte Athaliạ do acʼakʼ kicricʼe oṛecʼketʼte ãṭ aṛaṅteye menkeda, “Hul! hul!”

Dosar Biboron 12:7

Onḍege aperen Probhu Isor samaṅre apeakʼ gharońjrenko salakʼpe jom ńũiya ar uniyakʼ bhor iạtepe ńamakatʼ apeakʼ khaṭao akan reakʼ kuṛại iạtepe rạskạkʼa.

Jeheskel 46:12

Disạm cakʼlaoyicʼ do tinre Probhu Isor ńutumte acʼakʼ kusite jãhãnakʼ samaṅokʼakʼe samaṅa, baṅ do jeredokʼ samaṅokʼakʼ ar baṅ do sulukren samaṅokʼakʼ, unre uni lạgitʼ purub secʼ samaṅ akan phaṭok duạrko jhicʼaea. Uni do jirạukʼmãhã lekage acʼakʼ jeredokʼ samaṅokʼakʼ se sulukren samaṅokʼakʼe samaṅa. Ona tayom bahreteye oḍoklen khan phaṭok duạr do sińokʼa.

2 Rapajko 16:18

Probhu Isorakʼ oṛakʼre jirạukʼ mãhã ńutumte oka cala benao akan tahẽkan Ahas do Asurren raj botorte onae ocokʼ dohokada ar Probhu Isorakʼ oṛakʼ bahre secʼ rajakʼ bolokʼ lạgitʼ oka hor benao akan tahẽkan ona hõe ocokʼkada.