Jeheskel 41:3 - সান্তালী বাইবেল

³ Ona tayom uni do bhitri reakʼ kandhate senkate onḍe bolokʼ duạr reakʼ paya khunṭikoe jokhakeda; mimitʼ paya khunṭi do bar mokakate osar tahẽkana. Banar paya khunṭi tala reakʼ ṭhạ̃i do turui moka tahẽkana ar paya khunṭi sãote joṛao akatʼ banar aṛe reakʼ bhit do jeleńte eae moka kate tahẽkana.

Jeheskel 41:3 Referans Kwoze

Jeheskel 40:16

Kandhako reakʼ bahre bhitre ar kham khunṭikin sor reakʼ bhitre jạli emakʼ jalna tahẽkana, ar phaṭok reakʼ mucạtʼre oka kandha tahẽkan ona reakʼ bhitrehõ onage tahẽkana; nonkate phaṭok duạr reakʼ bhitkore do onkan jalnako tahẽkana. Ona chaḍa banar kham khunṭire do khijur dare muṭhạnko rokʼ akan tahẽkana.

Jeheskel 40:48

Ona tayom uni do mundil oṛakʼ reakʼ pinḍạreye ạgukedińa ar pinḍạ samaṅ reakʼ kham khunṭikin ar bolokʼ hor reakʼ banarsa duạr paya khunṭiye jokhakeda. Mimitʼ paya khunṭi do mõṛẽ moka osar ar pe moka osar tahẽkana.

Jeheskel 41:1

Ona tayom uni do mundil oṛakʼ reakʼ maraṅ kandha ṭhen hecʼkate duạr reakʼ banar paya khunṭiye jokhakeda; banar secʼakʼ paya khunṭi do osarte turui mokakate tahẽkana;