Jeheskel 4:4 - সান্তালী বাইবেল

⁴ “Ona tayom amakʼ leṅga aṛete soṛtatem giticʼa ar Israelakʼ kại reakʼ sạjại am cetanrem hataoa. Ar tinạkʼ din soṛtate giticʼ akanem tahena unạkʼ din am do onkoakʼ sạjạiyem goga.

Jeheskel 4:4 Referans Kwoze

Levitikus 16:22

Uni hoṛ do idikate hahaṅkarreye aṛakʼ oṭokaea. Ar uni merom boda do nisun jaegakore onkoakʼ sanam ghạṭkoe gokʼ baṛaea.

Jeheskel 4:8

Amakʼ ghekʼrao dinko ạuri cabakʼ hạbicʼ jemon banarsa aṛe bam ạcur daṛeakʼ ona iạte iń do baberteń tolkama.

Numeri 18:1

Probhu Isor do Arone galmaraoadeteye metadea, “Sonot tạmbu upạrte okako behokakʼ hoyokʼ ona reakʼ dạyi do am, amren hoponko ar amakʼ bõsren hoṛko cetanre paṛaokʼa. Ona chaḍa naeke kạmire oka behokakʼ hoyokʼ ona reakʼ dạyi hõ am ar amren hoponko gogokʼ hoyokʼtakoa.

Levitikus 10:17

“Kại ńutumte samaṅokʼ reakʼ jel do sonot ṭhạ̃ire cedakʼ baben jomleda? Noa do sonot utạrakʼ jiniskana. Probhu Isor samaṅre Israelkoakʼ kại khon puruchun lạgitʼge onko doko ematʼben tahẽkana.

1 Patras 2:24

Kurus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼkate Isorakʼ monejoṅ leka senakʼ lạgitʼ bon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.

Ibriko 9:28

Ṭhik onkage ạdi utạr hoṛakʼ kại reakʼ bojha gokʼ idi lạgitʼ Mạsi hõ mitʼ dhãogeye dãṛẽyena. Uni do dosar dhaoe hijukʼa, menkhan unre kại ńutumte gujukʼ lạgitʼ do baṅ, bickom acʼ ńel horekan hoṛko bańcaoko lạgitʼgeye hijukʼa.

Mathae 8:17

Noa do hoyena Jesaea nạbi hotete roṛlenakʼ katha jemon purạukʼ: Uni do aboakʼ sanam nijorakʼkoe hataokeda, ar aboakʼ rogkoe ocokʼketʼ tabona.

Jeheskel 4:5

Onkoakʼ sạjại ńam reakʼ bochor lekha hisạbkate unạkʼ din iń do gog lạgitʼ iń ematʼmea. Onate am do pesae aregel din Israelakʼ sạjạiyem goga.

Numeri 14:34

Disạm cikʼyạre oka pongel din lagaolen ona mimitʼ din reakʼ mitʼ bochorkate jotote pongel bochor hạbicʼ ape do apeakʼ behokakʼ lạgitʼ kosṭope joma arpe bujhạua daṛeakʼa, ape upạrteń teṅgolen khan oka hal hoyokʼtapea mente.