Jeheskel 4:3 - সান্তালী বাইবেল

³ Ona tayom mẽṛhẽtʼ reakʼ mitʼṭecʼ paṭa hataokate ona do am ar nagraha talare pạcri leka dohoyme ar amakʼ mẽtʼãhã ona secʼ ạcurtam. Onate nagraha do esetʼ ạcur akana mente bujhạukʼa; ar nonkatem ńela, nagraha do gherao ạcur akana. Ar noa do Israel jạtrenko lạgitʼ mitʼṭecʼ cinhạge hoyokʼa.

Jeheskel 4:3 Referans Kwoze

Jeheskel 12:6

Jinisko do onkoakʼ mẽtʼãhã samaṅrege amakʼ tarenrem ladejoṅa ar ńutrege onakom oḍok idiytama. Amakʼ mẽtʼãhã dom betʼ esetʼkatama jemon amakʼ disạm reakʼ ot alom ńelńam, ente Israel jạtrenko lạgitʼ am do mitʼṭecʼ cinhạ lekageń hoyocoakatʼmea.”

Jesaea 20:3

Ona tayom Probhu Isore menkeda, “Ińren guti Jesaea do cetʼleka Misor ar Kus upạrte mitʼṭecʼ cinhạ ar tayom daram reakʼ nisạn lekate pe bochor hạbicʼ koṭoge ar eken jaṅgageye dãṛã baṛaketʼ,

Jesaea 8:18

Nokʼõe ńelpe, iń ar onko hoponko okoe do Probhu Isore emakawạdiń. Uni phạdkoren Probhu Isor, okoe do Sion burureye tahẽnkan ale do uniren cinhạkole hoyakana.

Jeheskel 12:11

Am do onkom metakoa, onko ṭhen do mitʼṭecʼ cinhạ kanam mente. Am cetʼ lekam cekaketʼ, onkore hõ onkage hoyokʼa. Onko do bondikate sạṅgiń disạmteko idi ocokʼa.

Ibriko 2:4

Ona salakʼ Isor hõ ạḍi utạr cinhạko ar hahaṛawakʼko ar daṛe kạmiko ar acʼakʼ monejoṅ leka sonot Jiuakʼ daya dankote ona reaṅ gohae emakada.

Luk 2:34

Inạ tayom Simon do onkoe bhoratʼkote Jisuren eṅgat Mạriạme metadea, “Isor do noae teṅgo akada, nui bale gidrạ iạte Israelko modre aema hoṛ doko ńurokʼa, arhõ aema doko rakapʼ ocokʼa. Nui do nonkan mitʼṭecʼ cinhại hoyokʼa, uni upạrte ḍher hoṛge kathako roṛa.

Jirimiạ 39:1

Jerusalem do nonka leka dokhol hoylena. Jihudạren Sedekiạwakʼ rajokʼ areakʼ bochor reakʼ gelakʼ candore Babelren raj Nebukadnesar do acʼren sanam lạṛhại phạdkoante Jerusalem upạrte hecʼkate nagrahae gherao esetʼkeda.

Levitikus 2:5

Ona jomakʼ samaṅokʼakʼ do luihạre isinokʼ lekanakʼ jiniskan khan ona do sunum mesalakatʼ bin khạmiyanakʼ mĩhĩ holoṅte benao hoyokʼa.

Jirimiạ 39:2

Sedekiạ rajakʼ rajokʼ gelmitʼ bochor ponakʼ cando reakʼ areakʼ dinre nagraha pạcri reakʼ mitʼ jaegare bhugạkʼ hoyena .

Jeheskel 5:2

Ar tinre nagraha reakʼ gherao dinko cabakʼa unre ona upʼ reakʼ pe hạṭiń reakʼ mitʼ hạṭiń do nagraha talare seṅgelrem atar giḍikakʼa. Ar pe hạṭiń reakʼ mitʼ hạṭiń upʼ do tarwaṛete nagraha beṛhaetem samakʼ kuṭrạya, ar pe hạṭiń reakʼ mitʼ hạṭiń upʼ do hoerem uḍiạu gotʼkakʼa. Ar ona tayom tayomte iń do tarwaṛeń kola.

Daniel 11:17

Uni do acʼakʼ goṭa rajosṭi reakʼ daṛe salakʼ onḍe hijukʼ lạgitʼe goṭaea ar dạkhinren raj sãoteye gatekʼa. Ar ona rajosṭi marao lạgitʼ uni do acʼren hoponera dạkhinren raj sãoteye baplayea, menkhan uniyakʼ goṭawakʼ do baṅ jo bahakʼtaea se jãhãn bhạlạige baṅ hoyokʼtaea.

Jesaea 22:7

Amakʼ bachao akatʼ buru-nala do rãt gạḍite perecʼ akana, ar nagraha reakʼ phaṭok duạrkore do aswarikoko sapṛao dohoakana.