Jeheskel 4:16 - সান্তালী বাইবেল

¹⁶ Ona tayom uni do ińe metadińạ, “E manwa hopon, iń do Jerusalemre jom reakʼ jogao doń bonda. Hoṛko do dạndikate tulạkate jomakʼko joma ar dakʼ do tharbasaoate soṅkateko ńũiya,

Jeheskel 4:16 Referans Kwoze

Jeheskel 5:16

Am maraome lạgitʼge am cetanre akal reakʼ botoranakʼ sariń aṛaga. Iń do am cetanre ona akal arhõń ḍher ocoya ar amakʼ jomakʼ reakʼ jogaṛ hõń bond ocoya.

Jesaea 3:1

Ńitokʼ ńelme, phạdkoren Probhu Isor do Jerusalem ar Jihudạ khon ṭheṅga ar ṭhesae ocokʼeda. Uni do onkoakʼ sanam jomakʼ ar dakʼkoe ocoga.

Levitikus 26:26

Iń do apere akaliń kola. Unre gel goṭen maejiu do mitʼṭecʼ culhạre piṭhạko rapakʼapea, ar jojom jokhecʼ piṭhạ do soṅkatepe emokʼa. Ar lacʼ bikʼ do bape jom ńama.

Jeheskel 14:13

“E manwa hopon, jãhã disạmren bepạtiạrakʼko kạmite iń reaṅko kại, ar iń do onko upạrte ińakʼ tiyiń tiyạrte ona lạgitʼ piṭhạ reakʼ jogao iń bond ocoy, ar onate akaliń kolte manwako ar janwarkoń maraoko,

Sereńko 105:16

Ona tayom uni do onkoakʼ disạmre akale hoyocokeda ar jomakʼteye ṭonṭaketʼkoa;

Rak̕joṅ 5:9

Hahaṅkarre ḍạkuko botorte jiwi cuputʼkate jomakʼle jogaṛetʼkana.

Rak̕joṅ 1:11

Uniren sanam hoṛko do jare jaretʼte jomakʼko ńam baṛakana; apnar bańcao tahen lạgitʼ onko do jomakʼ bodolte akoakʼ damanakʼ jinisko emakana. Jerusaleme meneda, “E Probhu Isor, beṅgedme, ar hudisme, iń doń nihạ̃t giḍi ocoakana.

Sereńko 60:3

Amren hoṛko do akalem ńel ocoakatʼkoa; ar nonkan darkha nạ̃ṛĩ reakʼ rasam ńũ ocoakatʼlea onate ale do bul hoṛko lekale taṛameda.

Johan sodor 6:5

Bheḍa Hopon do tesarakʼ mohor chape raṛayetʼ tahẽkanre tesaricʼ jiwiyanicʼ roroṛkaniń ańjomkedea, “Dela hijukʼme.” Ona tayom iń do mitʼṭen hende sadomiń ńel ńamkedea. Ar okoe uni sadomreye decʼakan tahẽkan uniyakʼ tire do mitʼṭen tulạ tahẽkana.

Jirimiạ 52:6

Ar ponakʼ cando reakʼ areakʼ dinre nagrahare akal iạte nonka hoyena, hoṛkoakʼ jomakʼ lạgitʼ cetʼge baṅ tahẽlena.

Rak̕joṅ 5:4

Dakʼ do kirińkatele ńũiyeda; ar aleakʼ sahan hõ damtele kirińeda.

Jeheskel 4:15

Uniye menkeda, “Ńelme, iń do manwa mạilạ bodolte gại guricʼ iń aṛakʼam kana, am do ona gõeṭhate piṭhạ tearkatem joma.”

Amos 4:8

Dakʼ lạgitʼ ape do ḍhoya ḍhape mitʼ ato khon eṭakʼ atope senlena menkhan tirpitokʼ leka dakʼ do bape ńamleda; enhõ ape do iń ṭhen bape ruạṛ hecʼlena.

2 Rapajko 6:25

Unre nagrahare maraṅ akal ńelena. Niạ gherao do nunạkʼ din hạbicʼ hoyena je, mitʼṭen gadhawakʼ bohokʼ do mitʼ keji rupạte ar mitʼ keji reakʼ pon hạṭiń reakʼ mitʼ hạṭiń parwa icʼ do eae gram rupạte ạkhrińokʼ ehopʼena.

2 Rapajko 25:3

Ar ponakʼ cando reakʼ areyakʼ dinre nagrahare akal iạte nonka hoyena, hoṛkoakʼ jomakʼ lạgitʼ cetʼge baṅ tahẽlena.