Jeheskel 3:3 - সান্তালী বাইবেল

³ Ar ona tayom uni doe metadińạ, “E manwa hopon, iń emakʼ noa puthi jomkate amakʼ lacʼ bi ocoytam.” Onate iń do onań jomkeda, ar ińakʼ mocare do dumur rasa leka heṛemiń ạikạukeda.

Jeheskel 3:3 Referans Kwoze

Jirimiạ 15:16

Amakʼ katha sodorena ar ińakʼ ontorre ona doń ataṅkeda; ona katha do iń lạgitʼ rạskạwanakʼ ar ontorre sukge tahẽkana, ente E phạdkoren Probhu Isor, iń doń amren kangea.

Sereńko 119:103

Amakʼ sanam gokʼakʼ do ińakʼ alaṅre heṛemgea! Ona do ińakʼ mocare dumur rasa khon hõ heṛemgea.

Sereńko 19:10

Ona do sona khon hõ, ar aema sonako khon hõ bạ̃ṛti lalocakʼ jinis leka kana. Ona do rasa khon hõ heṛemgea, ar dumur rasa khon hõ sorosgea.

Kolossiko lạgitʼ Pạul Apostolakʼ ciṭhi 3:16

Mạsiyakʼ katha apeakʼ ontorre purạte girobas ocowakʼpe. Isorakʼ akelte lại cecetʼ ar sipikhạukʼpe, sereńko, sarhao sereńko ar Jiuteakʼ õṛhẽyakʼkote apeakʼ ontorre Isor gun manao tulucʼ sereńaepe.

Sereńko 119:97

Iń do amakʼ hukum ạḍiń dulạṛeda! Ar goṭa dinge onań ganḍonjoṅ kana.

Sereńko 119:11

Amakʼ katha do ińakʼ ontorreń dohoakada, jemon am upạrte aloń kại.

Johan 7:38

Ińre pạtiạukʼkạnicʼ do sonot sostor reakʼ katha leka uniyakʼ ontor khon jiwetʼ dakʼ reakʼ gaḍa ạtu oḍokokʼa.”

Jeheskel 2:10

Uni do iń samaṅre onae oṭakʼkeda. Ona reakʼ banarsage homor halaṅ, kũhrạukʼ ar hae haeyokʼ reakʼ kathako ol tahẽkana.

Jirimiạ 20:9

Ińiń menkhan, “Uniyakʼ katha do bạń lạiya se uniyakʼ ńutumte ar cetʼge bạń roṛa,” enḍekhan uniyakʼ katha do ińakʼ ontorre lokʼkan bursi seṅgel leka jaṅ bhitri hạbicʼ bond akange tahẽnkana. Iń do bhitrire doho dohoteń laṅga cabakʼkana; sạrige ona do ar bạń doho daṛeakʼkana.

Jirimiạ 6:11

Menkhan iń do Probhu Isorakʼ raṅgaoteń perecʼ akana; iń do ar bạń sambṛao daṛeakʼ kana. Probhu Isore meneda, “Am do kulhiren gidrạko cetanre ar mitʼ ṭhenko jarwa akan juạnko cetanre dulme. Onate bạhu ar jãwãe hõ onarekin sabokʼa, ar haṛamko ar ḍher haṛam hoṛ hõ rukhiyạ do ohoko ńamlea.

Jobakʼ 23:12

Uniyakʼ hukum khon do bạń ocokʼ akana; Ińakʼ jạruṛ jomakʼ khon hõ uniyakʼ moca kathage iń ṭhen do bạ̃ṛti damanakʼ tahẽkana.

Jeheskel 2:8

E manwa hopon, iń okań metam ona ańjomme. Am do onko huhulkan jạtrenko leka do alom hoyokʼa. Ma cahabme, ar okań emamkan ona jomme.”

Jeheskel 3:4

Ona tayom uni doe metadińạ, “E manwa hopon, am do ńitokʼ Israelko ṭhen senkate ińakʼ kathako galmarao akome.

Sereńko 19:11

Ona do amren golame sontorede kana, ar ona manao lekhan ḍher lab hoyokʼa.