Jeheskel 3:12 - সান্তালী বাইবেল

¹² Ona tayom Isorren Jiu do ińe kuṭuṅ rakapʼkedińa, ar iń tayom secʼre ãṭ aṛaṅte roṛoṛkan noa kathań ańjomkeda, “Coṭ utạrre Probhu Isorakʼ ṭhonok reakʼ sarhao hoyokʼtaema.”

Jeheskel 3:12 Referans Kwoze

Aposkạmi 8:39

Ado dakʼ khonkin rakapʼen khan Probhu Isorren Jiu do ackage Philipe idikedea. Ar uni cạkrạ hoṛ do ghuriạ Philip bae ńel ńamledea. Unre uni do rạskạte oṛakʼe calaoena.

Jeheskel 8:3

Uni do ti tiạrkate ińakʼ bohokʼ upʼe jhuṭiạuketʼtińạ. Ar Isorren Jiu do ot ar serma talareye rakapʼ idikedeńạ ar Isor emakʼ dorsonkote Jerusalem reakʼ koejoṅ oṛakʼ reakʼ bhitri raca reakʼ utạr secʼakʼ phaṭok duạr reakʼ bolokʼ horteye idikedińa. Onḍe do mitʼṭen boṅga muṭhạn tahẽkana ona iạte Isor do edrete pit caṛhaoade tahẽkana,

Jeheskel 11:1

Ona tayom Probhu Isorren Jiu do ińe tul rakapʼ idikedeńte mundil oṛakʼ reakʼ purub secʼ phaṭok duạr ṭhene ạgukedińa. Onḍe phaṭok duạr bolokʼ horre do bargel mõṛẽ goṭen herel hoṛko tahẽkana, ar iń do onko talare Asurren hopon Jasaniạ ar Benayaren hopon Pelatiạ tekiniń ńelketʼkinạ; unkin do hoṛkoren mukhiyạkin tahẽkana.

Aposkạmi 2:2

Unre ackage serma khon tạpis hoe reakʼ hud hud saḍe leka mitʼṭecʼ saḍe hecʼena ar onko okareko tahẽkan ona oṛakʼ do saḍete perecʼena.

Jeheskel 3:14

Isorren Jiu do ińe kuṭuṅ rakapʼ idiyiń jokhecʼ iń do ińakʼ mon reakʼ duktegeń calaoena, ar Probhu Isorakʼ keṭecʼ ti do ińre tahẽkana.

Johan sodor 19:6

Ona tayom iń do ạḍi utạr hoṛkoakʼ sabad leka, ar had had ạtukʼ dakʼ reakʼ saḍe ar kajak huḍuretʼkan saḍe leka noa kathań ańjomkeda, “Halleluyah! Aboren sanam daṛeyicʼ Probhu Isor do rajokʼe ehopʼakada.

Johan sodor 1:15

Ar uniyakʼ jaṅga do seṅgelre jhalkao akatʼ pitạl leka jhak jhak, ar aṛaṅ do aema dakʼko ạtukʼ reakʼ saḍe leka tahẽkana.

Johan sodor 1:10

Probhu Isorakʼ dinre iń do Jiureń tahẽkana. Ar un jokhecʼ iń tayomre siṅgạ saḍe leka mitʼ hoṛakʼ aṛaṅiń ańjomkeda.

Jeheskel 10:4

Un jokhecʼ Probhu Isorakʼ ṭhonok do Kerubko khon rakapʼkate mundil reakʼ duạr ganaḍe secʼ senena. Ar mundil oṛakʼ do rimilte perecʼena, unre Probhu Isorakʼ ṭhonok reakʼ marsalte raca do perecʼena.

Jeheskel 9:3

Unre Israelren Isorakʼ oka ṭhonok do Kerubkin cetanre tahẽkan ona do onḍe khon rakapʼente mundil reakʼ duạr ganaḍe ṭhene senena. Ar Probhu Isor do mĩhĩ musnạ kicricʼ horokʼ akatʼ uni hoṛe hohowadea.

Jeheskel 2:2

Uni tinre kathae roroṛkan tahẽkana unre Isorren Jiu do ińreye boloyena ar ińakʼ jaṅgateye teṅgo ocokedińa ar uni do iń tulucʼ galmarao in ańjomkedea.

Jesaea 6:3

Onko do hohowateko menjoṅ kan tahẽkana, “Phạdkoren Probhu Isor doe sonot, sonot, sonotgea; Goṭa dhạrti do uniyakʼ ṭhonokte perecʼgea.

Sereńko 148:2

E uniren sanam serma goḍetko, uniyakʼ sarhao sereńpe; E uniren sanam daṛeanko, uni sarhaoepe.

2 Rapajko 2:16

“Ale do amren mõṛẽgel daṛean gutiko nonḍe menakʼlea; ale do senkate amren mạlik le sendra ạguiyea. Hoedaṛeakʼa Probhu Isorren Jiu do uni rakapʼ idikate jãhãn buru se jãhãn soḍokʼreye doho oṭoakadea.” Elisae doe menkeda, “Baṅ, alope calakʼa.”

1 Rapajko 18:12

Ińiń bạgiyam khange Probhu Isorren Jiu do eṭakʼ jãhã secʼe idimea ar iń do bạń baḍae daṛeakʼa. Ar senkate Ahab iń lạiyae ar bae ńamme enḍekhan uni doe gocʼ giḍikạńạ. Menkhan huḍiń khonge amren guti do Probhu Isoriń botorae kana.

Jeheskel 3:11

Am do ńitokʼ bondi dosare menakʼko amakʼ disạmren hoṛko ṭhen senkate galmarao akome. Onkoko ańjomtam ar bako ańjomtam, am do Probhu Isorakʼ katha onko galmarao akome.”

Sereńko 26:8

E Probhu Isor, am oka oṛakʼrem tahenkan, onḍege amakʼ ṭhonok hõ tahẽnkana, ar ona ṭhạ̃i do ińiń kusiyakʼ kana.

Jeheskel 43:4

Probhu Isorakʼ ṭhonok do purub duạr reakʼ phaṭok duạrte mundilte boloyena.

Jeheskel 43:5

Unre Probhu Isorren jiu do ińe rakapʼ idikedeńte bhitri racateye idikedeńạ, ar Probhu Isorakʼ ṭhonok do mundil oṛakʼre perecʼena.