Jeheskel 3:11 - সান্তালী বাইবেল

¹¹ Am do ńitokʼ bondi dosare menakʼko amakʼ disạmren hoṛko ṭhen senkate galmarao akome. Onkoko ańjomtam ar bako ańjomtam, am do Probhu Isorakʼ katha onko galmarao akome.”

Jeheskel 3:11 Referans Kwoze

Jeheskel 2:7

Ar huhul jạtren kanteko ińakʼ katha do ohoko ańjomlea, menkhan baṅ doko ańjom ar baṅ do bako ańjom am do ińakʼ katham lạiyakoa.

Jeheskel 3:27

Menkhan am tulucʼ iń galmarao jokhecʼ iń do amakʼ mocań jhijtama ar am do onko ṭhen Probhu Isorakʼ katham lạiya. Onko modre okoe amakʼ ańjom reakʼe khoj uni doe ańjomma ar okoe ańjom bae khoj uni do aloe ańjomma; ente onko do huhulkan jạtren kanako.”

Jeheskel 33:30

“E manwa hopon, am jạtren hoṛko do pạcri bhit pheḍre ar oṛakʼ reakʼ duạrko ṭhen am reaṅko galmaraojoṅ kana, mitʼ hoṛ do ar mitʼ hoṛe metaekana, ‘Probhu Isor ṭhen khon oka khobor hecʼakan dela, senkate ona bon ańjomlege.’

Jeheskel 33:17

“Enhõ am jạtren hoṛko mena, ‘Probhu Isorakʼ hor do baṅ ṭhika.’ Menkhan onkoakʼ horge baṅ ṭhiktakoa.

Jeheskel 33:12

“Ona iạte, E manwa hopon, am jạtren hoṛkom metakoa, ‘dhorom hoṛ jodi Probhu Isorakʼ bae bataotae enḍekhan uni do acʼakʼ dhoromtetʼ iạte bae rukhiyạ daṛeakʼa. Dhorom hoṛ jodiye kại enḍekhan uniyakʼ lahateakʼ dhoromtetʼ iạte uni do bae bańcao daṛeakʼa.’

Jeheskel 33:2

“E manwa hopon, am jạtren hoṛko metakom, Probhu Isore meneda, ‘jãhã mitʼṭecʼ disạmre lạṛhạiyiń ạgui, ar ona disạmren hoṛko do akoren mitʼṭecʼ hoṛ bachaokate horhoyicʼko dohoye,

Jeheskel 2:5

Onko do amakʼ katha bako ańjoma, ente onko do huhul jạtren kanako; enhõ onko doko baḍae daṛeakʼa, onko talare mitʼṭecʼ nạbi do menaegea.

Daniel 12:1

“Ona jokhecʼ amren hoṛkoren rurukhiyạyicʼ maraṅ serma goḍet Mikayel doe ape sejokʼa. Ar nonkan mitʼṭecʼ kosṭo okte seṭerokʼa one ona do am jạtrenko khon ehopʼkate ona okte hạbicʼ tishõ baṅ hoyakan. Menkhan ona okte do amren hoṛko modren okoekoakʼ ńutum do puthire ol tahen onko do bańcaoko ńama.

Daniel 6:13

Unre onko do rajko metadea, “E maharaj, Daniel ńutuman Jihudạ disạmren bondiko modren mitʼṭecʼ hoṛ do amakʼ katha se am oka hukumem emakan ona bae luturakʼ kana. Uni do ńithõ dinre pe dhaogeye koejoṅ kana.”

Jeheskel 37:18

“Ar am jạtren hoṛko tinreko kulimea, ‘am do cetʼ noa reakʼ mane bam lạiyalea?’

Jeheskel 3:15

Bondi akan okoeko hoṛ do Kebar gaḍa ṭhenakʼ Tel-Abibreko tahẽkan onko ṭhen iń doń calaoena. Ar okareko tahẽkan onḍe onko talare iń do eae din hape akaniń tahẽyena.

Dosar Biboron 9:12

Ona tayom uni doe metadińa, ‘ar alom biloma ńitge latarte pheḍ calakʼme, ente okoeko hoṛ Misor disạm khonem oḍok ạguakatʼko onko do bạṛicʼ horteko mohnḍa akana. Oka horte calakʼ lạgitʼ iń hukumatʼko tahẽkan ar inạkʼtege onko do eṭakʼ secʼko ghańjeṛ akana ar sewae lạgitʼ dulakʼ muṭhạnko benao akawana.’

Exodus 32:7

Onate Probhu Isor do Moseye metadea, “Am do latarte pheḍ calakʼme. Amren hoṛko okoe do Misor disạm khonem oḍok ạguakatʼko onko doko kharap caba akana.

Jeheskel 3:10

Uni do arhõe metadińạ, “E manwa hopon, iń okako kathań lạiyam kan ona do mon lagaokate ańjomtińme ar monre rebetʼ dohokakʼme.

Jeheskel 3:12

Ona tayom Isorren Jiu do ińe kuṭuṅ rakapʼkedińa, ar iń tayom secʼre ãṭ aṛaṅte roṛoṛkan noa kathań ańjomkeda, “Coṭ utạrre Probhu Isorakʼ ṭhonok reakʼ sarhao hoyokʼtaema.”

Jeheskel 20:27

“Onatege E manwa hopon, am do Israelkom metakoa, Probhu Isore meneda, ‘aperen hapṛamko do bepạtiạu reakʼ kạmikote ińko henosta akadińạ.

Jirimiạ 29:20

“Ona iạte ape bondi akanko, okoe do Jerusalem khon Babelteń kolakatʼpe, ape sanamge ińakʼ katha ańjompe.

Jeheskel 2:4

Okoe ṭheniń koletʼme onko hoṛ do ṭheṭamu ar keṭecʼ monan hoṛkanako. Ar am do Probhu Isorakʼ katham galmarao akoa.