Jeheskel 26:3 - সান্তালী বাইবেল

³ Ona iạte iń Probhu Isorgeń menetʼkana, ‘E Tur, am secʼ do bạnuńa. Jalapuri cetʼ leka ḍheokoe rakapʼ ocoy onkage iń hõ am upạrte ḍher jạtrenkoń ạgukoa.’

Jeheskel 26:3 Referans Kwoze

Jirimiạ 51:42

Babel cetanre jalapuri do rakapʼ hijukʼa, uniyakʼ haḍak ḍabak ḍheoko do uniye unumea.

Jesaea 5:30

Enhilokʼ onko do doreão reakʼ hud hud saḍe leka Probhu Isorren hoṛko cetanreko gondraokʼa. Jãhãege unre disạm secʼe beṅged enḍekhan uni do ńut ar kosṭogeye ńela; ar marsal hõ rimilte danaṅokʼte ńutokʼa.

Mikạ 4:11

Menkhan ńitokʼ jạt jạtrenko do am upạrteko jarwa akana. Onkoko meneda, “Uni doe bhonḍ ocokʼma; dela, abo do Sion reakʼ dosa ńelte bon rạskạkʼma.”

Luk 21:25

“Unre siń cando, ńindạ cando ar ipilkore ạḍi lekan cinhạko ńelokʼa. Dhạrtiren sanam jạtrenko do kosṭoko ńama ar jalapuri reakʼ hudhud saḍe ar ḍheoko iạte onko do jiwi oṭaṅokʼtakoa.

Sakariạ 14:2

Jerusalem upạrte lạṛhại lạgitʼ Probhu Isor do sanam jạtrenkoe jarwakoa. Nagraha dokholokʼa, oṛakʼ duạr luṭokʼa ar maejiukoakʼ kuạ̃ritetʼko nosṭoetakoa. Nagraharen adha hoṛ do bondikate eṭakʼ disạmteko idi ocokʼa menkhan sarecʼ hoṛ do nagrahareko tahena.

Nạhum 2:12

Dhạcri kul do acʼren hoponko lạgitʼ janware gocʼetʼko tahẽkana ar acʼren kul eṅga lạgitʼ hõe limbạtʼ gocʼetʼko tahẽkana; uni doe gocʼ akawan janwarte acʼakʼ oṛakʼ are or cirạ akatʼko janwarte acʼakʼ dandere perecʼetʼ tahẽkana.

Jeheskel 38:3

Probhu Isore meneda, ‘E Mesok ar Tubạlren maraṅ disạm cakʼlaoyicʼ Gog, iń do am secʼren doń baṅkana.

Jeheskel 28:22

Probhu Isore menetʼkana, ‘E Sidon, iń doń am upạrten kana; am upạrte okań cekae onate ińakʼ ṭhonok do sodorokʼa. Iń do tinre amiń sạjạimea ar am talare ińakʼ sonottetʼ iń sodortińạ unre amren hoṛko baḍae daṛeakʼa, ińkangeạń Probhu Isor do.

Jeheskel 27:26

Okoe do jahaj reakʼ ḍạḍu ghanṭakoko tahẽkan onko do jalapuri talateko idiyetʼme tahẽkana; menkhan jalapuri talare purub reakʼ hoete am dom rạputʼ gejerena.

Jeheskel 21:3

Unim metaea, Probhu Isore meneda, ‘iń do am upạrte minạńa. Iń do khap khon ińakʼ tarwaṛeń oḍoka ar am tala khon dhorom hoṛ ar bedhorom hoṛ jotogeń gocʼkoa.

Jeheskel 5:8

Ona iạte ińge am upạrte, ar boṅgan hoṛ jạtrenkoakʼ mẽtʼ samaṅreń sạjạimea.

Jirimiạ 50:42

Onko do akʼ sar ar tarwaṛe sasapʼko kanako; onko do kurmutạha ar bin dayakʼ hoṛ kanako. Sadomte decʼ hijukʼ jokhecʼ, jalapuri reakʼ hud hud saḍe leka onkoakʼ sabad do; E Babel kuṛi, onko do lạṛhại reakʼ sajbajte amre jhãp em lạgitʼko hijukʼkana.

Jirimiạ 50:31

Iń phạdkoren Probhu Isorgeń meneda, E bạḍạiyicʼ, ńelme, am birudrege minạńa, ente sạjại ńam reakʼ din do seṭer akantama.

Jirimiạ 21:13

E Jerusalem, buru nala otetre tahenkanicʼ iń do enhõ am upạrte minạńa. Am dom meneda, ape upạrte do okoege bako hecʼdaṛeakʼa, ar apeakʼ tahen ṭhạ̃ire okoehõ bako bolo daṛeakʼa;

Jirimiạ 6:23

Onko ṭhen do akʼ sar ar borlom menakʼa; onko do kurmutạha ar bin dayakʼ hoṛ kanako. Sadomte decʼ hijukʼ jokhecʼ onkoakʼ sabad do jalapuri reakʼ hud hud saḍe leka; E Sionren hoponera, onko do amre jhãp em lạgitʼ lạṛhại bir lekako thạrakana.”

Sereńko 107:25

Mitʼ dhao uniyakʼ kathate maraṅ birbão hecʼena, onate maraṅ maraṅ ḍheoko rakapʼena.

Jeheskel 26:19

“E Tur, iń Probhu Isorge tinre ujạṛakʼ nagraha lekań hoyocomea one okare celege bako girobasokʼ kan, ar doreão reakʼ dakʼ tinre am cetanreń ạguiya ar ona do ame dapal esetʼmea,

Jeheskel 29:10

Ona iạte am ar amakʼ gaḍa reakʼ sanam dakʼko upạrte minạńạ. Iń do Migdol khon Seyene, metakʼme Kus reakʼ Simạna hạbicʼ Misor disạm do ujạṛakʼ ṭhạ̃igeń hoeocoya.

Nạhum 3:5

Phạdkoren Probhu Isore meneda, “E Niniwi, iń do am upạrteń teṅgo akana; amakʼ mẽtʼãhã hạbicʼ kicricʼ iń rakabtama. Amakʼ uluṅ do jạt jạtrenkoń ńel ocokoa ar rajosṭiren do amakʼ lajaoakʼtetʼge.

Sakariạ 9:4

Menkhan Probhu Isor do uniyakʼ sanamakʼe sạṅgiń giḍikakʼa; uniyakʼ dhon-durib do jalapurireye khadle giḍikataea ar seṅgel do ona nagrahae jarkhara.

Jirimiạ 25:22

Tur ar Sidonren sanam rapajko; doreão hanasaren rapajko;