Jeheskel 26:16 - সান্তালী বাইবেল

¹⁶ Unre jalapuri aṛe reakʼ disạmkoren rapajko do akoakʼ siṅghạson khon pheḍkate akoakʼ raj kicricʼ ar noksa akatʼ kicricʼko totʼ giḍikakʼa. Ar botorte otreko duṛupʼa, ar jao okteko thar tharaokʼa ar am ńelteko torasokʼa.

Jeheskel 26:16 Referans Kwoze

Jeheskel 32:10

Iń do am cetanre okań cekae ona ńelte ḍher jạtrenko doko tharbasaokʼa. Ar onko samaṅre tinre ińakʼ tarwaṛeń ạcurtińạ unre onkoren rapajko do botorteko thar tharaokʼa. Amakʼ ńurokʼ dinre onkoren mimitʼko do akoakʼ jiwi botorte jao okteko thar tharaokʼa.

Jona 3:6

Raj ṭhen ona khobor seṭeren khan uni hõ siṅghạson khone beretʼente acʼakʼ raj-kicricʼe totʼketʼtaea ar gõṛẽ kicricʼ horokʼkate torocʼreye duṛupʼena.

Hosea 11:10

Amren hoṛ do ińko pańjayińạ, ente iń do dhạcri kul lekań hạnḍrạukʼa. Ar ińiń hạnḍrạu tayom ińren hoponko do pạchim secʼ khon thar tharaokʼ tulucʼko hijukʼa.

Jobakʼ 8:22

Okoe ińko hirkhạwạń onko doko lajao ocokʼa; bạṛicʼkoakʼ tạmbu do ar baṅ tahena.”

1 Patras 5:5

Onkage E juạnko, ape do aperen murubbiko tabere tahenpe. Ar jotokoge nindhạn tahente mimitʼko sapʼ sopohotʼpe, ente sonot sostor reakʼ katha leka, “Isor do phulạukʼkankoe teṅgo darametʼkoa, menkhan nindhạnko doe dayawako kana.”

Jesaea 3:26

Sion reakʼ phaṭok duạr doko homor halaṅa; ar Sion do ujạṛ akante otreye duṛupʼkokʼa.

Sereńko 35:26

Ińakʼ muhin ńelte okoeko rạskạkʼ kan onko sanamge lajao arko opomanokʼma; okoe iń cetante apnarko udugokʼkan onko do lajao ar opomanreko ńurokʼma.

Daniel 5:6

Ar onate uniyakʼ mẽtʼãhã do keklesetʼentaea ar nunạkʼ botor caṛhaoadea, uniyakʼ ḍanḍa do lạbṛucʼentaea ar gunṭhi kin hõ thar tharaokʼ ehopʼentaea.

Jeheskel 7:8

Iń do usạrage ape cetanre ińakʼ edreń dula. Apeakʼ colon lekategeń bicạrpea ar apeakʼ sanam hirkhạwakʼ kạmiko khạtirtegeń sạjạipea.

Rak̕joṅ 2:10

Sion hoponeraren murubbiko do otreko duṛupʼ hapeakana. Onko do akoakʼ bohokʼre dhuṛiko ojokʼ akawana ar gõṛẽ kicricʼko horokʼ akada. Jerusalemren juạn kuṛiko do dukte ot secʼko kuḍbur hapeakana.

Jesaea 52:2

E Jerusalem, beredokʼme, ar amakʼ dea khon dhuṛi koṭa ńurhạime ar siṅghạsonre duṛupʼme. E bondi akan Sion kuṛi amakʼ hoṭokʼ reakʼ sikṛiko raṛaetam.

Jesaea 47:1

Probhu Isore meneda, “E kũạri kuṛi Babel, am do dhuṛire duṛupʼme; E Babel am do siṅghạson bạgikate otre duṛupʼme. Ente Kakosiạ ar sukmạr do ar bako metama.

Sereńko 132:18

Ar uniren bạiriko do lajao reakʼ kicricʼ iń horokʼ ocokoa, menkhan uniyakʼ bohokʼre do jhak jhakaokʼ kan mukuṭ tahena.”

Sereńko 109:29

Iń upạrtenko do opomanko horokʼjoṅ ma, ar lajao do aṅgrop lekako oyokokʼma.

Sereńko 109:18

Kicricʼ horokʼ lekage hoṛ sarapako do heowa leka hoyentakoa; ona do dakʼ ńũ lekage ar hoṛmore do sunum ojokʼakawatʼ leka.

Exodus 15:15

Edomren sordarko do botorteko keklesedokʼa; ar Moabren mukhiyạko doko thar tharaokʼa, ar botoranakʼ samaṅreko paṛaokʼte Kananrenko do dilko adtakoa. E Probhu Isor, amren hoṛkoakʼ sen joṅakʼ ạuri mucạdokʼ hạbicʼ, amren chaḍao akan hoṛkoakʼ sen joṅakʼ ạuri mucạdokʼ hạbicʼ amakʼ maraṅ daṛe samaṅre onko jạtrenko do dhiri lekako ńur tahena.

Johan sodor 18:9

Ar dhạrtiren okoeko raj uni tulucʼko loṭghuṭi akatʼ arko umtạ umtilen onko do uni atare jokhecʼ dhũạ ńelteko raga ar uni lạgitʼko dukokʼa.

Jesaea 41:5

Probhu Isorakʼ noa kạmi ńelte sạṅgiń disạmren hoṛ do botor caṛhaoakoa ar dhạrti reakʼ ses simạren hoṛ doko thartharaokʼa. Ar hecʼ sorkate mitʼ ṭhenko jarwakʼa;

Jirimiạ 48:39

Uni doe talga tạuạkʼ akana! Uni do sanam hoṛko lạgitʼe homor halaṅeda! Moab do cetʼleka lajaoteye dea akada! Uni do beṛhaeten sanam hoṛko ṭhen landa-dhutʼicʼe hoyakana, uniyakʼ dosa ńelte onko hoṛ doko toras akana.”

Jeheskel 7:27

Raj doe homor halaṅa, rajkumar doe andesalekʼa, ar disạmren hoṛkoakʼ ti do thar tharaokʼtakoa. Iń do onkoakʼ colon lekage onko sãoteń beohara ar onkoakʼ kuṛại lekageń sạjạikoa. Unre onkoko baḍae daṛeakʼa, ińkangeạń Probhu Isor do.”

Jeheskel 16:10

Ar likhon goṛhon kicricʼteń oyokatʼmea ar jaṅgare do takʼhas harta reakʼ mońj okocʼ panahiń horokʼatʼmea. Iń do mĩhĩ musnạ kicricʼteń bedhaoketʼmea ar lumạṅ sutạm reakʼ kicricʼteń bandekatʼmea.

Jeheskel 26:21

Am do mitʼṭecʼ torasgeń hoyocomea; am do ar bam tahena. Ar hoṛ do amko sendra baṛamea menkhan tishõ ar bam ńamokʼa. Iń Probhu Isorge noa katha doń menetʼkana.”

Jeheskel 28:17

Amakʼ mon do amakʼ mońjtetʼ iạte bạḍạiteye perecʼena ar amakʼ ṭhonok iạte amakʼ ạkil dom nosṭo akada. Onate iń do otreń lebda giḍikatʼmea; ar rapajko samaṅreń dohoketʼmea jemon onko do am ńelteko kusikʼ.

Hagae 2:22

Iń do eṭakʼ eṭakʼ jạtren rapajkoakʼ siṅghạson koń ulṭạu giḍikatakoa ar onkoakʼ ektiạriń marao utạra. Iń do rãt gạḍiko ar onaren cakʼlao koń ulṭạu giḍikoa; sadomko ar aswariko do uniren boehawakʼ tarwaṛeteko gujukʼa.

Jeheskel 31:15

“ ‘Iń Probhu Isorge arhoń menetʼkana, oka hilokʼ Seolte ona pheḍena enhilokʼ uni lạgitʼ homor halaṅ reakʼ cinhạ lekate ona athantar dakʼ iń dapal esetʼkeda; iń do ona reakʼ sanam ạtukʼ dakʼkoń thir ocokeda, onate ona reakʼ sanam dakʼko do teṅgo thirena. Ona lạgitʼ iń do Lebanoniń homor halaṅ ocokedea ar uniyakʼ bir reakʼ mitʼke mitʼ dare do loraoena.