Jeheskel 24:3 - সান্তালী বাইবেল

³ Noko huhulkan jạtrenko ṭhen niạ phen reakʼ katha lạime. Onkom metakoa, Probhu Isore meneda, ‘Celaṅ condaeme, celaṅ condaeme ar onare dakʼ dulakʼme.

Jeheskel 24:3 Referans Kwoze

Jeheskel 20:49

Unre ińiń menkeda, “E Probhu Isor, hoṛko iń reaṅko meneda, iń do eken phenkote noa doń roṛeda.”

Jeheskel 17:2

“E manwa hopon, phen hotete Israelko lạiyakome,

Jeheskel 11:3

Onkoko meneda, ‘oṛakʼ duạr benao reakʼ okte do cetʼ baṅ hoyakana? Noa nagraha do utu reakʼ celaṅ kana ar abo do jel kanabon.’

Jeheskel 2:6

Menkhan E manwa hopon, am do onko ar onkoakʼ kathate alom botorokʼa. Onko do seṅgel siń ar jạnumko leka am beṛhaeteko tahẽlenrehõ ar kidiń kaṭkom talare menamre hõ am do alom botorokʼa. Onko ńelte se onkoakʼ katha ańjomte hõ alogem botorokʼa; ente onko do huhul jạtrenko kanako.

Jeheskel 2:3

Uniye metadińạ, “E manwa hopon, am do Israelko ṭhen, metakʼme okoe iń upạrteko huletʼkan onko jạtrenko ṭheniń koletʼmea; onko ar akoren hapṛamko do teheń hạbicʼ iń upạrteko huletʼkana.

Jesaea 1:2

E serma ańjomme, E pirthimi ańjomme, Probhu Isore meneda, “Iń do hoponkoń joton hara akatʼkoa, menkhan onko do iń upạrteko hul akada.

Jeheskel 24:6

“Probhu Isor do arhõe menetʼkana, ‘Hae, uni mãyãm joro ocoyicʼ nagraha do! Uni do mitʼṭecʼ celaṅ kanae one onare mạilạ tạpukʼ akan, one oka do baṅ saphakʼ. Jelko bachao hatao baṅkate kuṭi kuṭige lo oḍokme. Gulibãṭ do okaṭakʼre hõ baṅ paṛao akana.

Jeheskel 2:8

E manwa hopon, iń okań metam ona ańjomme. Am do onko huhulkan jạtrenko leka do alom hoyokʼa. Ma cahabme, ar okań emamkan ona jomme.”

Jesaea 30:9

Noko do kạṭhuạ jạtren kanako, eṛe roroṛ hoponkoge: Probhu Isorakʼ cecetʼakʼ baṅ ańjometʼkan hoponkoge.

Jesaea 30:1

Probhu Isore meneda, “Hae onko ṭhoṭhok hoponko do, okoe do ponthawakʼko kạmikan menkhan iń leka do baṅa. Onko do bondobosko bandhaoeda menkhan ińren Jiu reakʼ sana leka do baṅ. Jemon kại cetan kạiko ḍạṅjoṅ.

Sereńko 78:2

Iń do mocate kạhtukkoń roṛa; ar sedae reakʼ kukmũkoń phuṭạua.

Aposkạmi 7:51

E keṭecʼ hoṭokʼanko! Be-Jihudiko lekage apeakʼ lutur ar ontor do, ar apehõ ṭhik aperen hapṛamko leka kanape. Ape do jaoge sonot Jiupe tạkicʼ daramedekana.

Luk 8:10

Unre Jisui metatʼkoa, “Ape do Isorakʼ raj reakʼ okoakʼkope baḍae ocoakana, menkhan eṭakʼko ṭhen do phen talateń lạiyeda, jemon ńeńel tulucʼ aloko ńel ar ańjom tulucʼ aloko bujhạu.

Mark 12:12

Unre sostor baḍaeko do Jisu sabeko menjoṅana, enteko bujhạukeda, ako upạrtege ona phen doe lạiyeda. Menkhan onko do hoṛko botoratʼkote Jisu bạgiyadeteko calaoena.

Mikạ 2:4

Enhilokʼ do maraṅ homor halaṅge hoyokʼa ar noa duk reakʼ sereń hoyokʼa. Ale dole marao utạr akana; ale jạtrenkoakʼ sompotti do recʼidi ocoakana. Probhu Isor do ale ṭhen khon onae idi akada. Aleakʼ khet-baṛge do bepạtiạrankoe emakawatʼkoa.”

Jeheskel 17:12

“Noko huhulkan jạtrenkom metakoa, ‘cetʼ noako reakʼ manetetʼ do bape bujhạueda? Babelren raj do Jerusalemte hecʼkate onaren raj ar onaren mukhiyạkoe hataoketʼkote Babelteye idiketʼkoa.

Jeheskel 12:25

Unre iń Probhu Isor okaṭakʼ iń roṛ onage purạukʼa, ar baṅ bilomokʼa. E huhulkan jạtrenko, iń okań roṛetʼ ona do apeakʼ okteregeń purạu ocoya. Iń Probhu Isorge noa katha doń meneda.’ ”

Jeheskel 12:2

“E Manwa hopon, am do mitʼṭen huhulkan jạtrenko talarem girobasokʼ kana. Onko do mẽtʼ menakʼgetakoa menkhan bako ńeńel kana, lutur menakʼgetakoa menkhan bako ańjomeda, ente onko do mitʼṭen huhulkan jạtren kanako.

Jeheskel 11:11

Niạ nagraha do ape lạgitʼ celaṅ baṅ hoyokʼa ar ape hõ onaren jel do bape hoyokʼa; iń do Israelakʼ simạnare sanamkoń sạjạipea.

Jeheskel 11:7

“Ona iạte Probhu Isor do ińe metadińạ, ‘sạrige noa nagraha do utu teakʼ celaṅ kana, menkhan okoeko hoṛ do nagraharepe gocʼ akatʼko onko kangeako jel do; ar onḍe khon iń doń laga oḍokpea.

Jeheskel 3:9

Amakʼ moloṅ do hirạ mạnik leka keṭecʼ, ar cokmuki dhiri khon hõń keṭecʼ ocoakatʼtama. Onko doko huhulkan jạtren kanrehõ alogem botorakoa ar onko ńelte alom botorokʼa.”

Jirimiạ 1:13

Probhu Isor do arhõe metadińạ, “Am do cetʼem ńeleda?” Iń doń menkeda, “Mitʼṭecʼ heḍejokʼkan ṭukucʼ, ona do utạr secʼ khon dũṛũjokʼkana.”

Jesaea 63:10

Enhõ onko doko hulkeda ar uniren sonot Jiuko duk ocokedea. Ona iạte uni do onkoren bạiriye hoyena ar acʼtetʼge onko upạrte lạṛhạiye ehopʼena.

2 Rapajko 4:38

Elisae do Gilgolteye ruạṛ calaoena. Unre ona ṭoṭhare akal hoyokʼkan tahẽkana. Mitʼdin cela-nạbiko do uni sãoteko duṛupʼ akan tahẽkana. Unre acʼren mitʼṭen gutiye metadea, “Lạṭu ṭukucʼ condaete noko lạgitʼ suṛạ dakae tabon me.”

Jirimiạ 1:14

Probhu Isore metadińạ, “Niạ disạmre okoeko girobasokʼ kan onko cetanre muhin do utạr secʼ khon banbạsi leka hijukʼa.

Jesaea 29:2

Menkhan iń do Ariel cetanre muhiniń ạguiya. Uni do hae hae are jare jarekʼa; ar iń ṭhen do mitʼṭecʼ Ariel lekae hoyokʼa, metakʼme seṅgelanakʼ pinḍ lekage.

Jeheskel 2:2

Uni tinre kathae roroṛkan tahẽkana unre Isorren Jiu do ińreye boloyena ar ińakʼ jaṅgateye teṅgo ocokedińa ar uni do iń tulucʼ galmarao in ańjomkedea.

Jeheskel 2:5

Onko do amakʼ katha bako ańjoma, ente onko do huhul jạtren kanako; enhõ onko doko baḍae daṛeakʼa, onko talare mitʼṭecʼ nạbi do menaegea.