Jeheskel 23:3 - সান্তালী বাইবেল

³ Huḍiń umer khon unkin do Misor disạmre kusumbi kin tahẽkana. Ona disạmrege hoṛko do unkinakʼ bạ̃sko sapʼetʼ tạkin tahẽkana ar kũạri cuńciko locayetʼ tạkin tahẽkana.

Jeheskel 23:3 Referans Kwoze

Levitikus 17:7

Probhu Isorre bepạtiạr iạte boda-bhutko ńutumte janwar dãṛẽkate apnartetʼ aloko ạkhrińokʼma. Noa do mitʼṭecʼ niạm leka piṛhike piṛhi manao idiy hoyokʼtakoa.

Jeheskel 16:22

Ar amakʼ sanam hirkhạwakʼkote ar amakʼ laṭghaṭkote amakʼ kuṛi jokhecʼ reakʼ din do bam disạleda, bạṛicʼakʼ kạmi ar amakʼ loṭghuṭi talare am do amakʼ gidrạ pạṛiạ reakʼ katha hõ bam disạleda one tinre uluṅge ar eken hoṛmo apnarakʼ mãyãm cetanrem khạṛupạtu baṛaekan tahẽkan.

Josuạ 24:14

Ona tayom Josuại menkeda, “Ńitokʼ do pạtiạr salakʼ khạṭi ontorte aperen Probhu Isor sewawaepe ar uni ḍobokʼaepe. Aperen hapṛamko phurạt gaḍa hanasa Misor disạmre okoe debotakoko sewawako kan tahẽkan onko do ńitokʼ sạṅgiń giḍikakope ar Probhu Isor sewawaepe.

Hosea 2:15

Onḍe iń do uniyakʼ darkha bagwaniń ruạṛkataea ar Akhor reakʼ buru nala do as reakʼ duạriń hoeocoyea. Uniyakʼ juạn oktere leka uni do onḍeye sereńa cetʼleka uni do Misor khon oḍok hijukʼ dinreye sereńletʼ tahẽkan.

Jeheskel 23:21

“E Oholiba, amakʼ juạn oktere Misorren hoṛko do amakʼ bạ̃sko sipotʼetʼ tahẽkana ar amakʼ juạn nunu cuńciko locayetʼ tahẽkana. Onko do amakʼ kũạritetʼko nosṭoketʼtama; ar ńitokʼ am do arhõ onko tulucʼge loṭghuṭi reakʼem khojkana.

Jeheskel 23:19

Juạn oktere tinre uni do Misorreye loṭghuṭiyetʼ tahẽkana unreakʼ dinko disạkate uni do arhõ bạ̃ṛti loṭghuṭi kạmiye ehopʼena.

Jeheskel 23:8

Uni do acʼakʼ laṭghaṭ kạmiko do bae bạgileda, one Misorre tahẽkan jokhecʼ khone ehopʼletʼ; onḍe uni do kom umere tahẽkanrege hoṛko sãoteye giticʼ mitʼena ar onkoakʼ laloc do acʼreye dulante acʼakʼ kũạritetʼe nosṭoketʼtaea.

Jeheskel 20:8

“ ‘Menkhan onko do iń upạrteko hulkeda, ińakʼ katha ańjom do bako rạjilena. Okoe hirkhạwan boṅga murhutʼko bhageko hudisetʼko tahẽkan onko do bako sạṅgiń giḍiletʼkoa ar Misorren boṅga muṭhạnko hõ bako bạgiyatʼkoa. Onatege ińiń menkeda Misorre onko cetanre ińakʼ edre ar khĩs do onkoreń dula.

Dosar Biboron 29:16

“Apepe baḍaegea, Misor disạmre cetʼ lekape tahẽkana mente ar cetʼ lekate eṭakʼ eṭakʼ disạmko talate paromkate nonḍe hecʼkatepe seṭer akana.

Johan sodor 11:8

Unkinren Probhu Isor oka nagrahareye kurus ocolen ona maraṅ nagraha reakʼ horre unkinakʼ mạ̃ṛĩ do giḍi akan tahena. Ona nagraha reakʼ asol ńutum do Sodom ar Misor baṅkanre hõ, enhõ mitʼ lekangete ona nagraha do Sodom ar Misorko metakʼa.

Jirimiạ 3:9

Uni do loṭghuṭi reakʼ kạmi jãhãnakʼ bae metatʼte dhiriren ar kaṭren debotako sãoteye laṭghaṭketʼte disạme bhonḍkeda.

Jeheskel 23:4

Unkin modre maraṅicʼakʼ ńutum do Ohola ar bokot kuṛiyakʼ ńutum do Oholiba. Unkin do ińrenkin hoyena ar koṛa hopon ar kuṛi hoponkin janamketʼkoa. Ohola do Samariại hoyena ar Oholiba do Jerusalemge.

Jeheskel 23:43

Unre laṭghaṭte laṅga akan maejiu reaṅ iń menkeda, ‘ńitokʼ onko hoṛ do kusumbi lekageko beohar ocoge ar uni hõ onko sãoteye laṭghaṭ idiyma.’

Hosea 1:2

Hosea hotete pạhil dhao katha roṛ jokhecʼ Probhu Isor do uniye metadea, “Am do senkate mitʼṭen kusumbi ayo baplayem. Ar laṭghaṭren hoponko omonjoṅme, ente disạmren hoṛko do ạḍitetʼko laṭghaṭeda Probhu Isorko bạgi akadete.”

Jeheskel 16:15

“ ‘Menkhan am dom namḍakente amakʼ mońjtetʼrem bhorsayena arem laṭghaṭkeda. Ar jãhãege am aṛeteko parom calakʼkan tahẽkan uni sãotegem laṭghaṭetʼ tahẽkana ar amakʼ mońjtetʼ do uniyakʼge hoyokʼkan tahẽkana.

Jeheskel 20:7

Onkoń metatʼko tahẽkana, okoe hirkhạwan boṅga muṭhạnko mońjko bujhạuletʼko onko do jemonko sạṅgiń giḍikako ar Misorren boṅgako hotete apnartetʼ hõ aloko besaphakʼ, ente iń kangeạń onkoren Probhu Isor do.

Jeheskel 23:34

Am do onarem ńũiya, arem ńũ ańjeda; ar ona reakʼ kelhatʼ hom togoja ar amakʼ toakin hõm raboṛ cirạitama. Ar ińakʼ bicạr reakʼ ray do noa kangea.