Jeheskel 22:3 - সান্তালী বাইবেল

³ Unim metaea, Probhu Isore meneda, ‘noa do ona nagraha kana, okoe do apnar talare mãyãm joro ocokate apnarakʼ sorbonase ạgujoṅa ar boṅga benaokate apnartetʼe bhonḍokʼkan.

Jeheskel 22:3 Referans Kwoze

Jeheskel 22:27

Hunḍạr cetʼleka sikạrko sapʼko onkage onḍenko rajkạmiyạko do mãyãmko joro ocoyeda ar behok lekate lab iạte manwako khũnetʼkoa.

2 Patras 2:3

Lalocte eṛeteakʼ katha menkate akoakʼ porho lạgitʼ onko do kạmireko lagaopea. Onkoakʼ sạjại do ḍher din khonge jhulạu akana, ar onkoakʼ nosṭokʼ do bae duṛupʼ thirakana.

Romiko lạgitʼ Pạul Apostolakʼ ciṭhi 2:5

Menkhan amakʼ mon do keṭecʼgea; am do kại khon mon ạcur bam khojkana. Onate Isorakʼ edre tis sodorokʼ, enhilokʼ lạgitʼ amakʼ bakhra sạjạyem sõcjoṅ kana. Ar unrege Isorakʼ dhorom bicạr do sodorokʼa.

Sephaniạ 3:3

Uniren rajren kạmiyạko do hạnḍrạukʼkan dhạcri kul leka ar disạm cakʼlaoko do ńindạren hunḍạr leka kanako; one setakʼ lạgitʼ cetʼge bako sarecʼ dohokakʼ kan.

Jeheskel 23:45

Menkhan dhorom hoṛ do unkinko bicạrkinạ laṭghaṭ maejiuko bicạrko lekage, ar mãyãmko joro ocoy ạimạiko bicạrko lekage, ente unkin do laṭghaṭren maejiukin kanakin ar mãyãm do unkinakʼ tire menakʼa.

Jeheskel 23:37

Unkin dokin laṭghaṭ akada ar ti do mãyãmtekin thoko boko akatʼtạkina. Boṅga murhutʼkin sewawako kante unkin dokin laṭghaṭ akada; ar iń lạgitʼkin janam akatʼko hopon ar hoponerako do boṅga murhutʼkoren jomakʼ lekate seṅgelrekin samaṅ akatʼkoa.

Jeheskel 22:6

“‘Ńelme, amre menakʼko Israelren cakʼlaoko do akoakʼ daṛe leka mãyãm joro ocoy lạgitʼko mone muruk akada

Jeheskel 22:4

Mãyãmem joro ocoakatʼte am do dusim hoyakana ar boṅga benaokate besaphayicʼem hoyakana. Am do amakʼ dinkom sạt ạgu akatʼtama ar amakʼ ses okte do seṭer akana. Ona iạte jạt jạtrenko do amko landa dhutʼama ar sanam disạmrenko ṭhen do cigạrigeń hoyocomea.

Jeheskel 12:25

Unre iń Probhu Isor okaṭakʼ iń roṛ onage purạukʼa, ar baṅ bilomokʼa. E huhulkan jạtrenko, iń okań roṛetʼ ona do apeakʼ okteregeń purạu ocoya. Iń Probhu Isorge noa katha doń meneda.’ ”

Jeheskel 9:9

Uni doe roṛ ruạṛadińa, “Israel ar Jihudạren hoṛkoakʼ ghạṭ do ḍhergetakoa; disạm do mãyãmte perecʼ akana ar nagraha do bedhorom kạmire unumakana. Onkoko meneda, ‘Probhu Isor do noa disạme bạgi akawada: onate uni do noako bae ńeletʼkana.’

Jeheskel 22:2

“E manwa hopon, am do cetʼ bicạr lạgitʼem sapṛaogea? Enḍekhan mãyãme joro ocoakatʼ niạ nagraha reakʼ baṛe bicạrme. Am do uniyakʼ sanam hirkhạwakʼ kạmiko reakʼ katha baḍae ocoyem.

Jeheskel 23:7

Uni do acʼakʼ hoṛmoe danatʼkoa Ạsurren onko soros soros hoponkoge; ar jãhãegeye gagojatʼko onkoren sanam boṅga murhutʼko iạte apnartetʼ hõe bhonḍena.

2 Rapajko 24:3

Probhu Isorakʼ hukum lekage Jihudạre noako do hoylena jemon uni do acʼ samaṅ khon onkoe sạṅgiń daṛeako. Noako do hoylena Manaseakʼ sanam kại iạte ar bin dusạn hoṛkoakʼ mãyãm joro ocoytako khạtirte. Uni do onkoakʼ mãyãmte Jerusaleme perecʼkeda, ar Probhu Isor do ona ikại lạgitʼ bae rạjilena.

Sereńko 106:39

Ar nonkate onko doko bhoṅḍena; akoakʼ kạmiko iạte Probhu Isor ṭhen bepạtiạrkoko hoyena.

Jesaea 1:21

Hae, kũạri nagraha, ona do kusumbi leka hoyakana! Mitʼ okte uni do hok reakʼ bicạrte perecʼe tahẽkana; unire dhorom tahẽkana, menkhan ńitokʼ do khũniạhikoko girobasokʼ kana.

Jeheskel 33:25

Ona iạte am do onkom metakoa, Probhu Isore menetʼkana, ‘ape do mãyãm sudhạ jelpe jomeda, ar boṅgakope sewa akokana ar mãyãmpe joroyetʼkana; enḍekhan ape do cetʼ disạmpe ạidạri joṅa?

Mikạ 3:10

Ape do mãyãmte Sion, ar behokakʼte Jerusalempe benao rakapʼ akada.