Jeheskel 20:3 - সান্তালী বাইবেল

³ “E manwa hopon, am do Israelren murubbikom metakoa, Probhu Isore meneda, ‘ape do cetʼ iń ṭhen kulijoṅ lạgitʼpe hecʼakana? Ińakʼ ńutumteń menetʼkana, iń do bạń baḍae ocopea.’

Jeheskel 20:3 Referans Kwoze

Mikạ 3:7

Onate dorson ńeńelko doko lajao ocokʼa gonokko doko bemanot ocokʼa. Onko do jotoge mẽtʼãhãko danaṅtakoa, ente Isor do cetʼ roṛ ruạṛge bae emakoa.

Kạhtukko 28:9

Probhu Isorakʼ ạn ạri reakʼ katha jãhãe ańjomkate hõ bae senakʼ, enḍekhan uniyakʼ koejoṅ hõ hirkhạwanakʼ hoyokʼtaea.

Johan 4:24

Isor doe Jiu kana; ar okoe uniko sewawaekan, onko do Jiu ar sạriyakʼte sewawae lek takoa.”

Luk 3:7

Unre bạptisokʼ lạgitʼ ạḍi utạr hoṛ do Johan ṭhen hijukʼko ehopʼena. Uniye metatʼkoa, “E kạrinạṅgin bõsrenko! Isorakʼ daraekan sạjại khon ńir bańcaokʼ lạgitʼ do okoeye cetaoketʼpea?

Mathae 3:7

Ar ạḍi utạr Phạrusiko ar Sạdukiko hõ bạptisokʼ lạgitʼ acʼ ṭhen hijukʼkane ńelketʼkoa. Uni doe metatʼkoa, “Eya kạrinạṅgin hoponko, Isorakʼ daraekan sạjại khon ńir pharakokʼ lạgitʼ do okoeye cetaoketʼpea?

Jeheskel 20:31

Teheń hạbicʼ ape do aperen boṅgako ṭhen aperen hopon ar hoponerako seṅgelrepe samaṅetʼkote onko boṅgako hotete apnartetʼpe bhonḍokʼ kana. E Israelko, iń do cetʼ ape hoteteń kuli ocokʼa? Iń ńutumteń kiriạkʼ kana, oka lekate hõ ińakʼ monsubạ do bạń baḍae ocopea.

Jesaea 1:15

Koejoṅ lạgitʼ tinre apeakʼ tipe rakabtapea unre ape secʼ do bạń beṅgeda. Ar ḍherpe koere hõ bạń ańjomtapea, ente apeakʼ ti do mãyãmte perecʼgetapea.

Jesaea 1:12

Ape do iń ṭhenpe jarwakʼ ar ińakʼ racape lebetʼ gańjaotiń, noa do ape ṭhen okoeye khojkana?

Kạhtukko 21:27

Bedhoromkoakʼ dãṛẽ Probhu Isor doe hirkhạwakʼkana, ar ona bạṛicʼ monsubạte ạgulen khan enḍekhan ona do artetʼge hirkhạwakʼ hoyokʼa.

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

1 Samuel 28:6

Ar cetʼe cekaea mente Probhu Isor ṭhene kuliyana, menkhan Probhu Isor do kukmũte hõ baṅ, Urim ar Thumimte hõ baṅ se nạbiko hotete hõ bae roṛ ruạṛadea.

Jeheskel 20:2

Unre Probhu Isorakʼ noa katha do iń ṭhen hecʼena,

Jeheskel 33:30

“E manwa hopon, am jạtren hoṛko do pạcri bhit pheḍre ar oṛakʼ reakʼ duạrko ṭhen am reaṅko galmaraojoṅ kana, mitʼ hoṛ do ar mitʼ hoṛe metaekana, ‘Probhu Isor ṭhen khon oka khobor hecʼakan dela, senkate ona bon ańjomlege.’

Amos 8:12

Hoṛko do Probhu Isorakʼ katha sendrae lạgitʼ purub khon pạchim ar utạr khon dạkhin hạbicʼko ạcur baṛaea, menkhan bako ńama.

Jesaea 58:2

Onko do dinke din ińko ńam baṛańkana ar ińakʼ hor bakʼḍae lạgitʼko rạskạkʼ kana; onko do nonkan jạtren kanako okoe do dhoromko kạmikante Isorakʼ ạn bako bạgiyakʼkan; onko do iń ṭhen dhorom bikʼcạrko khojkana jemon Isor ṭhen hijukʼ lạgitʼko rạskạkʼ.

Jeheskel 14:1

Israelren adom murubbiko do iń ṭhen hecʼkate iń samaṅreko duṛupʼena.