Jeheskel 2:8 - সান্তালী বাইবেল

⁸ E manwa hopon, iń okań metam ona ańjomme. Am do onko huhulkan jạtrenko leka do alom hoyokʼa. Ma cahabme, ar okań emamkan ona jomme.”

Jeheskel 2:8 Referans Kwoze

Johan sodor 10:9

Unre iń do serma goḍet ṭhen senkate ona puthi imạń lạgitʼ iń metadea. Uni doe metadińạ, “Noa hataokate jom gotʼkakʼme. Noa do amakʼ lacʼe haṛhatʼ ocoytama, menkhan amakʼ mocare do dumur rasa leka heṛemem ạikạua.”

Jirimiạ 15:16

Amakʼ katha sodorena ar ińakʼ ontorre ona doń ataṅkeda; ona katha do iń lạgitʼ rạskạwanakʼ ar ontorre sukge tahẽkana, ente E phạdkoren Probhu Isor, iń doń amren kangea.

Jesaea 50:5

Probhu Isor do ińakʼ luture jhicʼ akatʼtińạ ar iń doń batao akatʼtaea, ar bạń pạc ruạṛ akana.

1 Patras 5:3

ape tabere okoe menakʼko onko cetanre mạliki alope calaoa, bickom nonkanko hoyokʼpe jemon ape ńelteko cetʼ daṛeakʼ.

Jeheskel 3:10

Uni do arhõe metadińạ, “E manwa hopon, iń okako kathań lạiyam kan ona do mon lagaokate ańjomtińme ar monre rebetʼ dohokakʼme.

Numeri 20:24

“Aron do acʼren hapṛamko ṭhen calakʼ hoyokʼtaea. Okaṭakʼ disạm Israel hoponkoń emako onḍe uni do bae bolo daṛeakʼa ente aben do Meribare dakʼ iạte ińakʼ hukum birudben kạmileda.

Levitikus 10:3

Unre Mose do Arone metadea, “Probhu Isore meneda, ‘okoe iń ṭhenko hijukʼ onko do sonot mente jemonko manaoiń. Ar sanam hoṛko samaṅre jemon iń ṭhonokokʼ.’ ” Ar Aron do hapegeye tahẽyena.

Jesaea 8:11

Probhu Isor do acʼakʼ daṛeanakʼ ti iń cetanre dohokate iń tulucʼe galmaraokeda. Uni doe sontorkedińa jemon noko hoṛkoakʼ horte aloń taṛam. Uni doe metadińạ,

Jirimiạ 13:2

Onate Probhu Isorakʼ hukum leka iń do mitʼṭecʼ jhaṅga kirińkateń horokʼkeda.

Jeheskel 12:2

“E Manwa hopon, am do mitʼṭen huhulkan jạtrenko talarem girobasokʼ kana. Onko do mẽtʼ menakʼgetakoa menkhan bako ńeńel kana, lutur menakʼgetakoa menkhan bako ańjomeda, ente onko do mitʼṭen huhulkan jạtren kanako.

Jeheskel 33:7

“E manwa hopon, Israel jạtrenko lạgitʼ iń do pahradariń bahal akadea; onate iń okań menetʼkan ona ańjompe ar iń ńutumte onko cehaokope.

Jeheskel 40:4

Uni hoṛ do ińe metadińạ, “E manwa hopon, am do mẽtʼte ńelme ar luturte ańjomme ar iń okań udukʼam ona jotowakʼ moneyakʼme, ente ona lạgitʼge nonḍeń ạgu akatʼmea. Ar jãhãnakʼgem ńel ona jotoge Israelkom lạiyakoa.”

Sereńko 105:28

Uni do ńute kolkeda, ar onate ńutena; uniyakʼ katha upạrte onko do bako teṅgolena.

Jeheskel 12:7

Iń okań hukum ocoyen ona lekage iń doń kạmikeda. Sạṅgińte bondi idi ocokʼ leka ińakʼ jinisko do siń marsalregeń oḍok ạgukeda. Ona tayom ạyupʼ jokhecʼ tite pạcri bhitiń la bhugạkʼkeda. Ar onkoakʼ mẽtʼãhã samaṅrege ińakʼ jinisko do tarenre ladekateń mohnḍayena.

Jona 1:3

Menkhan Jona do Probhu ṭhen khon Tạrsiste ńir pharakokʼ lạgitʼe mohnḍayena. Uni do Jopha bondorre senkate Tạrsiste calakʼ reakʼ mitʼṭecʼ Jahaje ńamkeda. Ar bhaṛa em tayom ona jahajreye decʼena ar Probhu Isor ṭhen khon ńir pharakokʼ lạgitʼ Tạrsis secʼe mohnḍayena.