Jeheskel 2:7 - সান্তালী বাইবেল

⁷ Ar huhul jạtren kanteko ińakʼ katha do ohoko ańjomlea, menkhan baṅ doko ańjom ar baṅ do bako ańjom am do ińakʼ katham lạiyakoa.

Jeheskel 2:7 Referans Kwoze

Jirimiạ 23:28

Okoe nạbi kukmũe ńeletʼ uni do acʼakʼ kukmũ reakʼ katha do kukmũ lekageye roṛma, menkhan okoe ińakʼ kathae ńamakatʼ uni do pạtiạr salakʼ onae lại jạhirma; ente guhum jaṅ ṭhen bhusạ reakʼ do jãhãn damge bạnukʼa.

Jeheskel 3:17

“E manwa hopon, Israelko lạgitʼ pahradar iń benaoakatʼmea; onate iń okań metam ona ańjomme ar iń huyạte onkom sontorkoa.

Jeheskel 3:10

Uni do arhõe metadińạ, “E manwa hopon, iń okako kathań lạiyam kan ona do mon lagaokate ańjomtińme ar monre rebetʼ dohokakʼme.

Jeheskel 2:5

Onko do amakʼ katha bako ańjoma, ente onko do huhul jạtren kanako; enhõ onko doko baḍae daṛeakʼa, onko talare mitʼṭecʼ nạbi do menaegea.

Jirimiạ 1:7

Menkhan Probhu Isor do ińe metadińạ, “Alom mena iń doń huḍińgea. Ente okoeko ṭheniń kolme onko mimitʼko ṭhen am dom calakʼa ar okaṭakʼ roroṛ iń metam onagem roṛa.

Jirimiạ 1:17

“Am do ḍanḍa paṭhe keṭejokʼte teṅgokʼme ar okaṭakʼ roroṛ iń metam onko ṭhen ona lạime. Ar onko ńelte do alom torasokʼa, jemon onko samaṅre aloń toras ocome.

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Jona 3:2

Uni doe menkeda, “Am do ńitokʼ ona maraṅ nagraha Niniwite calakʼme ar oka sombatiń lạiyam onḍe senkate ona lại jạhirme.”

Jirimiạ 26:2

“Iń Probhu Isorgeń meneda, am do senkate ińakʼ racare teṅgokʼme ar Jihudạ reakʼ nagrahako khon okoeko hoṛ do koejoṅ lạgitʼ ińakʼ oṛakʼteko hijukʼ onko sanamko ṭhen okaṭakʼ katha galmaraoakoń hukum akatʼme ona reakʼ mitʼke mitʼ katham lạiyakoa, mitʼṭecʼ hõ alom bad oṭokakʼa.

Jirimiạ 7:27

“Am do noako katham galmaraoakore onko do amakʼ katha bako ańjomtama; arem hohoakore hõ onko do bako goṅama.

Jirimiạ 17:20

Uni do noa kathae metadińạ, “E Jihudạren rapajko ar sanam hoṛko ar Jerusalemre girobasokʼkan hoṛko, ape okoe do noa phaṭok duạrtepe bolo oḍokokʼkan, Probhu Isorakʼ katha baṛe ańjompe.

Jirimiạ 36:14

unre sanam rajkạmiyạko do Nethaniạl hopon Jehudi hotete Baruk ṭhenko roṛgotʼkada, “Okaṭakʼ puthi khon hoṛkom paṛhao ańjomatʼko ona do nonḍe ạguiyme.” Nethaniạl do Selemiạren hopone tahẽkana, ar Selemiạ do Kusren hoponge. Unre Neriạren hopon Baruk do ona puthi hataokate onko ṭhene senena.

Jirimiạ 42:21

Iń do teheń apeń metatʼpea menkhan okako babotre roṛ lạgitʼ aperen Probhu Isor do ape ṭhene kol akadiń ona do ńit hõ bape manao akada.

Jeheskel 11:25

Probhu Isor okakoe udukʼ ạḍiń ona jotoge iń do bondi akanko ṭheniń lại jạhirkeda.

Jeheskel 12:2

“E Manwa hopon, am do mitʼṭen huhulkan jạtrenko talarem girobasokʼ kana. Onko do mẽtʼ menakʼgetakoa menkhan bako ńeńel kana, lutur menakʼgetakoa menkhan bako ańjomeda, ente onko do mitʼṭen huhulkan jạtren kanako.

Jeheskel 20:27

“Onatege E manwa hopon, am do Israelkom metakoa, Probhu Isore meneda, ‘aperen hapṛamko do bepạtiạu reakʼ kạmikote ińko henosta akadińạ.

Jeheskel 33:7

“E manwa hopon, Israel jạtrenko lạgitʼ iń do pahradariń bahal akadea; onate iń okań menetʼkan ona ańjompe ar iń ńutumte onko cehaokope.

Jeheskel 40:4

Uni hoṛ do ińe metadińạ, “E manwa hopon, am do mẽtʼte ńelme ar luturte ańjomme ar iń okań udukʼam ona jotowakʼ moneyakʼme, ente ona lạgitʼge nonḍeń ạgu akatʼmea. Ar jãhãnakʼgem ńel ona jotoge Israelkom lạiyakoa.”

Amos 3:13

Phạdkoren Probhu Isore menetʼkana, “Ańjompe ar Jakobren bõsko sontorkope.

Jirimiạ 6:28

Onko do jotoge huhulko kanako; onko do okta cintại lạgitʼko dãṛãbaṛaea. Onko do pitạl ar mẽṛhẽtʼ lekan kanako; ar jotogeko kharap caba akana.

Jirimiạ 34:6

Unre Jirimiạ nạbi do Jerusalemre Jihudạ raj Sedekiạ onako kathae metadea.

Jirimiạ 44:20

Jirimiạ do sanam hoṛko, metakʼme herel hoṛko ar maejiukoe metatʼkoa

Jeheskel 3:4

Ona tayom uni doe metadińạ, “E manwa hopon, am do ńitokʼ Israelko ṭhen senkate ińakʼ kathako galmarao akome.