Jeheskel 2:5 - সান্তালী বাইবেল

⁵ Onko do amakʼ katha bako ańjoma, ente onko do huhul jạtren kanako; enhõ onko doko baḍae daṛeakʼa, onko talare mitʼṭecʼ nạbi do menaegea.

Jeheskel 2:5 Referans Kwoze

Jeheskel 33:33

“Tinre noako jotowakʼ hoyokʼa, ar khạṭige hoyokʼte hõ hoyokʼgea, unre onko doko baḍae daṛeakʼa, onko talare mitʼṭen nạbigeye tahẽkana mente. ”

Jeheskel 3:27

Menkhan am tulucʼ iń galmarao jokhecʼ iń do amakʼ mocań jhijtama ar am do onko ṭhen Probhu Isorakʼ katham lạiya. Onko modre okoe amakʼ ańjom reakʼe khoj uni doe ańjomma ar okoe ańjom bae khoj uni do aloe ańjomma; ente onko do huhulkan jạtren kanako.”

Johan 15:22

“Iń aloń hecʼlen khan ar bạń galmaraoako khan onko do ohoko dusikokʼa; menkhan ńitokʼ do kại reakʼ jãhãn ạnḍuṅge bạnukʼtakoa.

Aposkạmi 13:46

Unre Pạul ar Barnabas do dilkate kin roṛ ruạṛatʼkoa, “Pạhilre ape ṭhen Isorakʼ katha lạlại jạruṛ tahẽkan tạlińa, menkhan tinre ape do bape moneyada ar jaejug jion ńam lạgitʼ apete lek bape bujhạulena unre ạliń do boṅgan hoṛ jạtrenko secʼliń ạcurokʼkana.

Jeheskel 2:7

Ar huhul jạtren kanteko ińakʼ katha do ohoko ańjomlea, menkhan baṅ doko ańjom ar baṅ do bako ańjom am do ińakʼ katham lạiyakoa.

Romiko lạgitʼ Pạul Apostolakʼ ciṭhi 3:3

Onko modre adom hoṛ do bako pạtiạulena, menkhan onate do cekayena? Onko bako pạtiạu akan iạte Isor hõ cetʼ bepạtiạricʼe hoyokʼa?

Jeheskel 33:9

Menkhan uni bedhorom hoṛ acʼakʼ bạṛicʼ hor khon ruạṛokʼ lạgitʼem cehaoe ar enhõ bae ruạṛ enḍekhan uni do acʼakʼ ghạṭ iạteye gujukʼa, menkhan am do amakʼ jiwim rukhiyạitama.

Jeheskel 3:19

Menkhan dusṭạmi hoṛem sontore tayom hõ uni do acʼakʼ dusṭạmi khon se acʼakʼ bạṛicʼ hor khon bae ruạṛ hijukʼ enḍekhan uniyakʼ kại iạte uni doe gujukʼa; menkhan am dom rukhiyạkʼa.

Jirimiạ 36:21

Unre raj do ona puthi ạguiy lạgitʼ Jehudiye kolkadea. Ar Jehudi do olokʼicʼ Elisamawakʼ kandha khon ona guṛhe puthi ạgukate raj ar uni aṛere teṅgo akan sanam rajkạmiyạko samaṅre ona paṛhao ańjomakoe ehopʼena.

Jirimiạ 42:19

“E Jihudạren sarecʼ hoṛko Probhu Isor do apeye metapekana, ‘Misorte do alope calakʼa.’ Baḍae dohokakʼpe teheń do apeń sontorkape kana,

Jeheskel 12:9

“E manwa hopon, huhulkan Israel jạtrenko do cetʼ bako kuliletʼmea, ‘cetʼem ceka kana mente?’

Jeheskel 44:6

Am do huhulkan jạtren Israelkom metakoa, Probhu Isore menetʼkana, ‘E Israelko, apeakʼ bạṛicʼ colon do ḍher akantapea.

2 Rapajko 5:8

Isorren hoṛ Elisae do tinreye ańjomkeda, Israelren raj do acʼakʼ kicricʼe oṛecʼ akatʼtaea, unre uni do noa khobore kolkeda, “Cedakʼ kicricʼ dom oṛecʼketʼtama? Uni hoṛ do iń ṭhen kolkaeme. Inạ khane baḍae daṛeakʼa, Israelre mitʼṭen nạbi menaea mente.”

Jeheskel 3:26

Am do jemon hape akanem tahen ar onko bam ruhetʼ daṛeako ona iạte amakʼ alaṅ do tạrureń jalatʼ ocoytama. Ente Israelko do mitʼṭen huhulkan jạtren kanako.

Jeheskel 17:12

“Noko huhulkan jạtrenkom metakoa, ‘cetʼ noako reakʼ manetetʼ do bape bujhạueda? Babelren raj do Jerusalemte hecʼkate onaren raj ar onaren mukhiyạkoe hataoketʼkote Babelteye idiketʼkoa.

Jeheskel 24:3

Noko huhulkan jạtrenko ṭhen niạ phen reakʼ katha lạime. Onkom metakoa, Probhu Isore meneda, ‘Celaṅ condaeme, celaṅ condaeme ar onare dakʼ dulakʼme.