Jeheskel 2:4 - সান্তালী বাইবেল

⁴ Okoe ṭheniń koletʼme onko hoṛ do ṭheṭamu ar keṭecʼ monan hoṛkanako. Ar am do Probhu Isorakʼ katham galmarao akoa.

Jeheskel 2:4 Referans Kwoze

Jeheskel 3:7

Menkhan Israelko do amakʼ katha bako ańjomtama, ente onko do ińakʼ katha ańjom lạgitʼ bako rebena; noa reakʼ karon do hoyokʼ kana, goṭa Israel jạtren hoṛ do kạṭhuạ ar keṭecʼ monan kanako.

Jirimiạ 6:15

Onko do akoakʼ ona baṛicʼ kạmi iạte cetʼko lajaokʼ kana? Baṅa, onko do cetʼ lajaoge bạnukʼtakoa; onko do lajaokʼge bako baḍaea. Ona iạte onko do gurokʼko sãoteko gurokʼa. Ar tinreń sạjạikoa unre onko doko tawakʼ ńurokʼa. Iń Probhu Isorge noa katha doń meneda.”

Jirimiạ 5:3

E Probhu Isor, am do cetʼ sạriyakʼ bam beṅgetʼakʼ kana? Onkom hạ̃nletʼkore onko do cetʼ baṅ hasoletʼkoa; ar onkom sumạrletʼkore hõ onko do bako sudhrạulena. Onkoakʼ mẽtʼãhã do dhiri khon hõ bạ̃ṛtiko keṭecʼketʼtakote kastaokʼ hõ bako aṅgocleda.

Jesaea 48:4

Entepe keṭecʼ hoṭokʼan hoṛkan ona doń baḍaekan tahẽkana; apeakʼ taren reakʼ jel do mẽṛhẽtʼ leka ar cạndi do pitạl leka hoyakantapea.

Sereńko 95:8

Uniye men akada, “Aperen hapṛamko leka apeakʼ ontor do alope keṭejtapea; onko do hahaṅkarre Meribare ar Massa ṭhen ińko biḍạuledińa. Aperen hapṛamko do ińko ńelakadeńre hõ enhõ onko do onḍeko biḍạu aṭkarledińa.

Mathae 10:16

“Ńelpe, iń do hunḍạrko talare bhiḍiko lekań koletʼpea. Onate biń leka husiạrokʼpe ar parwa leka soṛa hoyokʼpe.

Jirimiạ 8:12

Onko do cetʼ akoakʼ ona bạṛicʼ kạmi iạteko lajaokʼkana? Baṅa, onko do cetʼ lajaoge bạnukʼtakoa; onko do lajaokʼge bako cetʼakada. Ona iạte onko do gurokʼko sãoteko gurokʼa. Ar tinre onkoń sạjạikoa unre onko doko tawakʼ ńur ocokʼa. Iń Probhu Isorge noa katha doń meneda.”

Jirimiạ 3:3

Ona iạte achaṛ dakʼko akoṭokʼ kana ar niron din reakʼ dakʼ hõ baṅ hijukʼkana. Am do kusumbi ạimại lekagem ńelokʼkana; ar lajao hõ bam lajaokʼ kana.

Kạhtukko 21:29

Bedhorom hoṛkoakʼ mẽtʼãhãre jãhãn lajao do baṅ ńelokʼa, menkhan dhorom hoṛ do acʼakʼ jion horre taṛam lạgitʼe khạṭigea.

2 Bõsbudạ 36:13

Ona chaḍa Nebukadnesar, okoe do Isor ńutumte uniye kiriạ ocolede, uni upạrteye hulkeda. Uni do hoṭokʼe keṭecʼketʼtaea ar ontore kuṭhinketʼtaete Israelren Probhu Isor secʼ do ar bae ruạṛlena.

2 Bõsbudạ 30:8

“Aperen hapṛamko leka hoṭokʼ do alope keṭejtapea bickom Probhu Isorakʼ tire jimạkʼpe. Ar okaṭakʼ sonot oṛakʼ uni do jaejug lạgitʼ acʼ ńutumteye begar dohoakatʼ ape do ona oṛakʼte hijukʼpe ar aperen Probhu Isor sewawaepe jemon ape cetan khon uniyakʼ botoranakʼ edre ocogokʼtae.

1 Rapajko 22:14

Menkhan Mikại menkeda, “Jiwetʼ Probhu Isorre kiriạkateń meneda, Probhu Isor okaṭakʼ memene mitạń eken onageń roṛa.”

Dosar Biboron 31:27

Ar cetʼ lekan keṭecʼ hoṭokʼan ar huhulko kanpe ona doń baḍaegea. Ape talare jiwetʼ iń tahenrege Probhu Isor upạrtepe huhulkan khan ińiń gujukʼ tayom do tinạkʼ artetʼpe onkaea!

Dosar Biboron 10:16

Ona iạte apeakʼ ontorre baṛe khatnakʼpe; menkan keṭecʼ hoṭokʼanko do ar alope hoyokʼa.

Jirimiạ 1:7

Menkhan Probhu Isor do ińe metadińạ, “Alom mena iń doń huḍińgea. Ente okoeko ṭheniń kolme onko mimitʼko ṭhen am dom calakʼa ar okaṭakʼ roroṛ iń metam onagem roṛa.

Jirimiạ 36:21

Unre raj do ona puthi ạguiy lạgitʼ Jehudiye kolkadea. Ar Jehudi do olokʼicʼ Elisamawakʼ kandha khon ona guṛhe puthi ạgukate raj ar uni aṛere teṅgo akan sanam rajkạmiyạko samaṅre ona paṛhao ańjomakoe ehopʼena.

Amos 7:15

Menkhan Probhu Isor do bhiḍi merom gukʼpi khone hoho ạgukedińteye metadińạ, ‘am do senkate ińren Israelko ṭhen nạbi lekate katha roṛme.’

Sakariạ 7:12

Onko do dhiri leka monko keṭecʼketʼtakoa ar ạn-ạri do bako bataoleda. Iń phạdkoren Probhu Isorge ińren Jiu hotete lahaten nạbiko hotete okaṭakʼ kathań kolletʼ ona hõ bako luturada. Ar onatege ińakʼ maraṅ edre do jol rakapʼlentińạ.

Jeheskel 3:4

Ona tayom uni doe metadińạ, “E manwa hopon, am do ńitokʼ Israelko ṭhen senkate ińakʼ kathako galmarao akome.

Jeheskel 3:11

Am do ńitokʼ bondi dosare menakʼko amakʼ disạmren hoṛko ṭhen senkate galmarao akome. Onkoko ańjomtam ar bako ańjomtam, am do Probhu Isorakʼ katha onko galmarao akome.”

Jeheskel 3:27

Menkhan am tulucʼ iń galmarao jokhecʼ iń do amakʼ mocań jhijtama ar am do onko ṭhen Probhu Isorakʼ katham lạiya. Onko modre okoe amakʼ ańjom reakʼe khoj uni doe ańjomma ar okoe ańjom bae khoj uni do aloe ańjomma; ente onko do huhulkan jạtren kanako.”