Jeheskel 19:2 - সান্তালী বাইবেল

² ‘Dhạcri kulko talare amren eṅgam do soros utạr kule tahẽkana. Uni do juạn dhạcri kulko talareye giticʼkokʼ kan tahẽkana; ar acʼren hoponkoe jotonetʼko tahẽkana.

Jeheskel 19:2 Referans Kwoze

Sakariạ 11:3

Bhiḍi gukʼpikoakʼ homor halaṅ ańjompe; onkoakʼ bhage bhage ạtiń ṭạnḍiko do nosṭo caba akana. Dhạcri kulkoakʼ hạnḍrạu ańjompe; jordan reakʼ bir do ujạṛena.

Jesaea 5:29

Kul eṅga lekage onkoakʼ hạnḍrạukʼ do; onko do dhạcri kul lekako hạnḍrạukʼa ar guńjrạukʼ kanako akoren sikạrko lạgitʼ. Onko doko ger ạtkirkoa; ar celege bako rukhiyạ daṛelekoa.

Sereńko 58:6

E Isor, phạsiạrakoakʼ ḍaṭa do onkoakʼ mocarege coagtakome; E Probhu Isor, onko dhạcri kulkoakʼ laser ḍaṭa do amge rạputʼ giḍikatakom.

Jobakʼ 4:11

Sikạr bako ńamle khan dhạcri kul doko gujukʼa, ar kul hopon doko chirchạturokʼa.

Dosar Biboron 33:22

Dan reaṅ uni doe menkeda, “Dan doe dhạcri kul hopon kana okoe do Bason khone don hijukʼkan.”

Jeheskel 19:1

Probhu Isor do ińe metadińạ, “Am do Israelren disạm cakʼlaoyicʼ lạgitʼ homor halaṅme ar roṛme,

Jeheskel 19:3

Uniren mitʼṭen hopon doe harayente daṛeanicʼ dhạcri kule hoyena. Uni do janwarko sendrae cetʼkeda ar manwa jomkoe ehopʼena.

Jeheskel 32:2

“E manwa hopon, Misorren raj Pharao babotre homor halaṅkate noam metaea, ‘am dom hudisetʼ tahẽkana jạtrenko modre mitʼṭen dhạcri kul kanam mente, menkhan am do tala gaḍaren mitʼṭen tayan kanam. Am do amakʼ gaḍaregem humtạgokʼkan tahẽkana, ar jaṅgate leoḍakate dakʼem boḍeyetʼ tahẽkana.