Jeheskel 19:1 - সান্তালী বাইবেল

¹ Probhu Isor do ińe metadińạ, “Am do Israelren disạm cakʼlaoyicʼ lạgitʼ homor halaṅme ar roṛme,

Jeheskel 19:1 Referans Kwoze

Jeheskel 27:2

“E Manwa hopon, Tur babotre homor halaṅme.

Jeheskel 26:17

Unre onko do am reaṅ homor halaṅkateko mena, ‘E namḍak nagraha, am do cetʼ lekam marao utạrena! Amren hoṛko do doreão cetanteko dãṛãn kan tahẽkan. Jalapurire am ar amren hoṛko do daṛeanko tahẽkana; Jalapuri aṛekore okoeko girobasokʼ kan tahẽkan onko do amko botoram kan tahẽkana.

2 Rapajko 24:6

Tayomte uni do acʼren hapṛamko ṭhene calaoena ar uniren hopon Jehoyakim do uniyakʼ jaegareye rajena.

Jeheskel 19:14

Ona reakʼ mul nạ̃ṛĩ khon seṅgel do oḍokena; ar ona reakʼ ḍạr ar jokoe jomkeda. Disạm cakʼlaokoakʼ ṭheṅga lạgitʼ onare mitʼṭecʼ ḍạr hõ baṅ tahelena. “Noa do mitʼṭecʼ homor halaṅ kana; duk reakʼ sereń lekate noa do beoharokʼa.”

Jeheskel 2:10

Uni do iń samaṅre onae oṭakʼkeda. Ona reakʼ banarsage homor halaṅ, kũhrạukʼ ar hae haeyokʼ reakʼ kathako ol tahẽkana.

2 Rapajko 24:12

Unre Jihudạren raj Jehoyakin, uniren eṅgattetʼ, uniren gokʼṛoyicʼ, uniren subedarko ar uniren gutiko jotoge Nebukadenesarakʼ tireko jimạyena. Nebukadenesarakʼ rajokʼ irạlakʼ bochorre uni do Jehoyakin bondikateye idikedea.

2 Rapajko 23:34

Ar Josiạren eṭagicʼ hopon Eliakim do uniren apat Josiạ bodolteye rajkedea ar Eliakimakʼ ńutume bodolketʼte Jehoyakime dohoketʼtaea. Pharao Neko do Jehoahas Misorteye idikedea, ar Jehoahas do onḍegeye gocʼena.

Jeheskel 32:18

“E manwa hopon, Misorren hoṛko lạgitʼ homor halaṅpe ar okoe Seolteko pheḍ calakʼkan onko sãote uni ar eṭakʼ daṛean jạtkoren hoṛko hõ dhạrti reakʼ khandṛaṅte kolkakome.

Jeheskel 32:16

“ ‘Niạko sanam katha onko do Misor lạgitʼ duk sodorkateko sereńa. Eṭakʼ jạtkoren maejiuko hõko homor sereńa. Iń Probhu Isorge noa katha doń meneda.’ ”

Jeheskel 27:32

Onko do am lạgitʼ ãṭ aṛaṅteko raga; ar am iạte homor halaṅateko mena; “ ‘Jalapuri talare Tur leka do ar okoeye nosṭoakana?

Rak̕joṅ 5:12

Cetan hudạren kạmiyạko do tire tolkateko akaketʼkoa; ar murubbiko do bako manot ocolena.

Rak̕joṅ 4:20

Aboakʼ mũ reakʼ sahẽtʼ Probhuren ojokʼicʼ do, onkoakʼ khạnreye sapʼ ocolena; menkhan abo dobon hudisokʼkan tahẽkana uniyakʼ umulre jạt jạtrenko talare bon girobasokʼa.

Jirimiạ 24:8

“Menkhan noa bạṛicʼ loa, okaṭakʼ do ạḍi bạṛicʼge, one oka baṅ jomogokʼ, onako leka Jihudạren raj Sedekiạ, uniren kạmiyạko ar Jerusalemren okoeko hoṛ do disạmre menakʼko ar Misorre okoeko tahenkan onko sãote do bạṛicʼ iń beohara.

Jirimiạ 24:1

Babelren raj Nebukadnesar do Jehoyakim hopon Jekoniạ Jihudạren raj, Jihudạren mukhiyạko, kạrigolko ar kamarko do Jerusalem khon Babelteko bondi idi ocoyen tayom Probhu Isor do acʼakʼ oṛakʼ samaṅre dohoakan bar khạclạkʼ loa joe ńel ocokedińa.

Jirimiạ 22:30

Probhu Isore meneda, “Am do olme, nui hoṛren cele gidrạge bạnukʼkotaea. Uni do bae jo baha daṛeakʼa ar uniren hoponko hõ bako jo bahakʼa. Onkoren okoehõ Dạudakʼ siṅghạsonre do bako duṛupʼa se Jihudạ disạmre bako rajokʼa.”

Jirimiạ 22:28

Nui Konia do nonkan mitʼṭecʼ nihạ̃t giḍiyicʼ rạputʼ bhajan kanae one okoehõ bako khoje? Cedakʼ uni ar uniren hoponko do bin opromakʼ disạmreko lebda giḍi ocokʼa?

Jirimiạ 9:10

Buruko ńutumteń rakʼeda ar hahaṅkar reakʼ ạtiń ṭạnḍiko lạgitʼ doń homor halaṅeda. Ente onako do dhaṅdhaser akana, ar okoehõ onkate do bako paromokʼkana. Mĩhũ meromkoakʼ bhokraokʼ hõ baṅ ańjomokʼkana. Coṭren cẽṛẽ ar janwar doko dạṛ akada arko calao cabayena.

Jirimiạ 9:1

Hae, ińakʼ bohokʼ do dakʼge hoylen khan, ar ińakʼ mẽtʼ do jharna dakʼge hoylentiń khan! Enḍekhan iń jạtren okoeko hoṛko gocʼ ocoakan onko lạgitʼ siń ar ńindạń rakʼkea.

2 Bõsbudạ 36:10

Bochor mucạtʼre Nebukadnesar raj do hoṛ kolkate uni ar uni sãote Probhu Isorakʼ oṛakʼ reakʼ damanakʼ jinisko Babelteye idikedea, ar Jehoyakinren bokottetʼ Sedekiạ do Jihudạ ar Jerusalemren raje dohokedea.

2 Bõsbudạ 36:6

Babelren raj Nebukadnesar do uniye akromonkedete pitạl reakʼ sikṛite tolkate Babelteye idikedea.

2 Bõsbudạ 36:3

Misorren raj Neko do Jerusalem khon uniye ocokʼkedea ar Jihudạ cetanre khajna lekate pon ṭon rupạ ar pegel are keji sonae ladeadea.

2 Bõsbudạ 35:25

Josiạ lạgitʼ Jirimiạ do homor halaṅ sereńe joṛaokeda ar teheń hõ sanam gaenahako Josiạwakʼ homor sereńko sereńeda. Ar Israelko talare niạ do mitʼṭecʼ niạm lekage hoyena ar homor sereń reakʼ puthire hõ ona do ol hoyena.

Jeheskel 19:2

‘Dhạcri kulko talare amren eṅgam do soros utạr kule tahẽkana. Uni do juạn dhạcri kulko talareye giticʼkokʼ kan tahẽkana; ar acʼren hoponkoe jotonetʼko tahẽkana.

Jeheskel 28:12

“E manwa hopon, am do Turren raj lạgitʼ homor halaṅme, unim metaea, Probhu Isor do noa kathae meneda, ‘am do sạbit utạricʼ mohorte chapakanicʼ, ạkilte perecʼicʼ, ar ńelokʼte mońj utạricʼ kanam.

Jeheskel 32:2

“E manwa hopon, Misorren raj Pharao babotre homor halaṅkate noam metaea, ‘am dom hudisetʼ tahẽkana jạtrenko modre mitʼṭen dhạcri kul kanam mente, menkhan am do tala gaḍaren mitʼṭen tayan kanam. Am do amakʼ gaḍaregem humtạgokʼkan tahẽkana, ar jaṅgate leoḍakate dakʼem boḍeyetʼ tahẽkana.

Amos 5:1

E Israelren hoṛko, ape reaṅ iń homor halaṅetʼkan ona baṛe ańjompe.