Jeheskel 17:3 - সান্তালী বাইবেল

^3-4 Probhu Isore meneda, ‘Roṅ beroṅ jhạl jhạl ilte perecʼ phạ̃kṛạ̃kʼante mitʼṭen maraṅ okocʼ pajhaṛ do Lebanonre hecʼkateye apʼena. Ar onḍenakʼ mitʼṭecʼ debdạru dare reakʼ coṭ utạr ḍạr reakʼ bale ḍoge ṭuṅgạcʼketʼte beparikoakʼ disạmte idikate beparikoakʼ nagrahareye rohoekeda.

Jeheskel 17:3 Referans Kwoze

Hosea 8:1

“Am do siṅgạ oroṅme. Probhu Isorren hoṛko upạrte bạiri do pajhaṛ cẽṛẽ lekae hijukʼkana, ente hoṛko do iń emakʼ bondobos reakʼko bebatao akada ar ińakʼ ạn-ạri upạrteko hul akada.

Jirimiạ 48:40

Probhu Isore meneda, “Ńelpe, mitʼṭen hoṛ do pajhaṛ cẽṛẽ lekae ạphir hijukʼkana ar Moab upạrte acʼakʼ phạ̃kṛạ̃kʼe lap lapa akatʼtaea.

Daniel 4:22

E maharaj, am kangeam ona dare do. Am do maraṅ ar daṛeanem hoyakana; amakʼ daṛe do ḍher akante serma hạbicʼem tiyokʼ akada ar amakʼ rajosṭi do dhạrti reakʼ ses simạna hạbicʼ seṭer akana.

Jeheskel 17:7

“ ‘Menkhan onḍe do napṛakʼ napṛakʼ phạ̃kṛạ̃kʼan ar aema ilan mitʼṭen eṭakʼicʼ pajhaṛe tahẽkana. Ar ona nạ̃ṛĩ do onḍe khon dakʼ ńam lạgitʼ acʼakʼ rehetʼko ar ḍogko uni pajhaṛ secʼe lawerkeda.

Mathae 24:28

Jãhãrege mạ̃ṛĩ tahen onḍege gidi hõko jarwakʼa.

Daniel 7:4

Pạhilicʼ doe tahẽkana dhạcri kul leka ar uniyakʼ do cẽṛẽ leka phạ̃kṛạ̃kʼ tahẽkantaea. Ar ńel ńeltege uniyakʼ phạ̃kṛạ̃kʼkin do or chaḍaoena ar uni do ot khon cetanteye rakapʼ ocoyena. Unre uni do manwa leka banar jaṅgateye teṅgoyena ar manwawakʼ ontore emocoyena.

Daniel 2:38

Ar jãhã ṭhạ̃irege manwako girobasokʼ kan, onḍege uni do otren janwarko ar coṭren cẽṛẽko hõ amakʼ tireye jimạ akatʼkoa ar onko jotoko cetanre mạlike benao akatʼmea; ar amkangeam uni sonaren bohokʼ do.

Rak̕joṅ 4:19

Abo okoeko lagayetʼ bon tahẽkan onko do pajhaṛ khon hõ coṭkargeko tahẽkana; onko do burukoreko laga baṛayetʼ bon tahẽkana ar hahaṅkarre abo lạgitʼko tãṛãkʼkokʼ kan tahẽkana.

Jirimiạ 49:16

E dhiri paṛakʼkore girobasokʼ kan buru reakʼ usul ṭhạ̃iren ạidạriyicʼ, am dom torasanicʼ kanre hõ amakʼ ontor reakʼ bạḍạikoge am doe eṛe akatʼmea. Am do pajhaṛ cẽṛẽ leka coṭrem tukạlere hõ latarteń or pheḍ ạgumea.

Jirimiạ 24:1

Babelren raj Nebukadnesar do Jehoyakim hopon Jekoniạ Jihudạren raj, Jihudạren mukhiyạko, kạrigolko ar kamarko do Jerusalem khon Babelteko bondi idi ocoyen tayom Probhu Isor do acʼakʼ oṛakʼ samaṅre dohoakan bar khạclạkʼ loa joe ńel ocokedińa.

Jirimiạ 4:13

Ńelpe, uni do rimilko lekae oṭaṅ hijukʼkana. Uniyakʼ rãt gạḍiko do bharḍo leka hijukʼkana ar uniren sadomko do pajhaṛ cẽṛẽ khon hõko coṭkargea. Hae, hae, abo do bon jarkharena!

Dosar Biboron 28:49

“Probhu Isor do sạṅgiń khon, dhạrti reakʼ ses simạna khon nonkan mitʼ jạtrenko ape upạrteye ạgukoa one onkoakʼ pạrsi bape bujhạutako. Onko jạtrenko do pajhaṛ cẽṛẽ leka ape cetanre sã menteye uḍạu ạgukoa.

Mathae 4:24

Uniyakʼ katha do Siriạ disạm reakʼ sanam jaegakore pasnao idiyena. Ar hoṛko do ạḍi lekan rog bighinte sasetokʼkanko, bhut capaṛ akawatʼko, mirgi ar mitʼ kaṛ gocʼ rogteko jạbun akanko Jisu ṭhenko ạguketʼkoa. Ar uni do onko sanamkoe bogeketʼkoa.

Jeheskel 31:3

Ạsur reakʼ katha hudiskate ńelme, uni do mitʼ din Lebanon reakʼ debdạru dareye tahẽkana. Uniyakʼ mońj mońj ḍạrko do birre umuletʼ tahẽkana; uni do ạḍi usule tahẽkana, ar ona reakʼ muthni do rimil hạbicʼ ṭuṅgạu akan tahẽkana.

Habakkuk 1:8

Onkoren sadomko do hunḍạr khon hõ usạrateko calakʼa, ar ạyupʼ jokhecʼ do hunḍạr khon hõko botorangea. Onkoren aswariko do sạṅgiń khon tạpisteko hijukʼa; ar onko do jojom lạgitʼ pajhạṛ lekako ạphir hijukʼkana.