Jeheskel 16:3 - সান্তালী বাইবেল

³ Am dom mena, Probhu Isor do Jerusaleme metaekana, ‘amakʼ oṛakʼ ar amakʼ janam ṭhạ̃i do Kananren hoṛkoakʼ disạm khonakʼ kana; amren ạpum doe hoyokʼ kana Amori ar eṅgam do Hitti hoṛge.

Jeheskel 16:3 Referans Kwoze

Jeheskel 16:45

Am do uni eṅgat hoṛren hoponera kanam, okoe acʼren jãwãe ar gidrạkoe hirkhạwatʼko; ar am do onkan kuṛi boeharen kuṛi boeha kanam, okoe ạkinren jãwãe ar gidrạko kin hirkhạwatʼko. Eṅgam do Hitti maejiue tahẽkana ar ạpum do Amori hoṛge.

Dosar Biboron 20:17

Aperen Probhu Isorakʼ hukum leka ape Hittiko, Amoriko, Kananiko, Phạrusiko, Hiwiko ar Jebusiko jotoge purạtepe marao cabakoa.

Johan 8:44

Soetange aperen baba do, ar ape do uniren hoponko kanape; onate uniyakʼ sana purạupe menjoṅ kana. Soetan do pạhil khongeye khũniạhi kana. Uni do tisge sạriyakʼre bae teṅgo akana, ente unire do sạriyakʼtetʼge bạnukʼa. Uni do eṛe kathae roṛre acʼ khongeye roṛa, ente uni doe eṛeyicʼ kana ar sanam lekan eṛeakʼ do uni khonge janam akana.

Nehemiạ 9:7

“Am kangeam Probhu Isor do. Abram do amgem bachaoledea ar Kạldikoakʼ disạm Tur khonem oḍok ạguledea ar amge uniyakʼ ńutum do Abrahamem doholetʼtaea.

Luk 3:7

Unre bạptisokʼ lạgitʼ ạḍi utạr hoṛ do Johan ṭhen hijukʼko ehopʼena. Uniye metatʼkoa, “E kạrinạṅgin bõsrenko! Isorakʼ daraekan sạjại khon ńir bańcaokʼ lạgitʼ do okoeye cetaoketʼpea?

Jeheskel 21:30

E Amonirenko, apeakʼ tarwaṛe do khapre bhorao ruạṛkakʼpe. Ar oka ṭhạ̃irepe sirjạulen, aperen hapṛamkoakʼ ona disạmre iń do apeń bicạrpea.

Jesaea 1:10

E Sodomren mukhiyạko, Probhu Isorakʼ katha baṛe ańjompe. E Gomoraren hoṛko, aboren Isorakʼ bondobos reakʼ baṛe luturakʼpe.

1 Rapajko 21:26

Israelko samaṅ khon Probhu Isor do okoe Amorikoe laga ńirletʼko onko leka boṅga murhutʼkoe pujạwakote bạṛicʼakʼe kạmiyetʼ tahẽkana.

Genesis 15:16

Menkhan am bõsren pon piṛhiren hoṛ do nonḍeko ruạṛ hijukʼa, ente Amorikoakʼ ghạṭ do nonka ạuri hoyokʼa one onate onkoń sạjạiko.”

1 Johan 3:10

Okoe bhage kạmire apnar bako lạgiyạ paṛao akan tahen ar boeha bako dulạṛetʼko, onko do Isorren doko baṅkana. Ar noatege sodorokʼ kana okoe doko Isorren Hopon kana ar okoe doko Soetanren hopon kana mente.

Esra 9:1

Niạko kạmi sạten khan mukhiyạko do iń ṭhen hecʼkateko menkeda, “Israelko ar onkoren naekeko ar Liwiko do onkoakʼ disạmre girobasokʼ kan judạ judạ jạtrenko khon apnartetʼ do bako begar dohoakan tahẽkana. Onko do Kananiko, Hittiko, Perisiko, Jebusiko, Amoniko, Moabiko, Misriko ar Amoriko leka hirkhạwakʼko kạmikana.

Dosar Biboron 7:1

“Ape okaṭakʼ disạm ạidạri joṅ lạgitʼpe calakʼkan onḍe do aperen Probhu Isorgeye idipea ar ape samaṅ khon ḍher jạtrenkoe laga ńirkoa. Onko doko hoyokʼkana Hittirenko, Girgasirenko, Amorirenko, Kananrenko, Pherisirenko, Hiwirenko ar Jebusirenko. Noko eae jạtrenko doko saṅgegea ar daṛete hõ ape khonko daṛegea.

Genesis 11:29

Abram ar Nahor do bana hoṛgekin bapla akan tahẽkana. Abramren bạhuakʼ ńutum do Sạri ar Nahorren bạhuakʼ ńutum do Milkạ tahẽkana. Milkạ ar Iskạ do Haranren hoponerakin tahẽkana.

Ephesiko lạgitʼ Pạul Apostolakʼ ciṭhi 2:3

Abo sanamkoge abo do aboakʼ jel reakʼ sana bon purạuetʼ tahẽkante onko hoṛko talare mitʼ okte jion bon khemaoetʼ tahẽkana. Ar jel khon okako sana ar hudisko rakabokʼkan tahẽkan ona lekage bon kạmikan tahẽkana. Noa colon iạtege abo hõ eṭakʼko leka Isor ṭhen khon sạjại ńam lek hoṛ bon tahẽkana.

Mathae 11:24

Sạrigeń metaben kana, bicạr dinre abenakʼ khon boroṅ Sodom reakʼge ḍher sahaokʼa.”

Mathae 3:7

Ar ạḍi utạr Phạrusiko ar Sạdukiko hõ bạptisokʼ lạgitʼ acʼ ṭhen hijukʼkane ńelketʼkoa. Uni doe metatʼkoa, “Eya kạrinạṅgin hoponko, Isorakʼ daraekan sạjại khon ńir pharakokʼ lạgitʼ do okoeye cetaoketʼpea?

2 Rapajko 21:11

“Jihudạren raj Manase do niạko bạṛicʼakʼe kại akada. Uni lahate okoe Amorikoko tahẽkan uni do onko khonhõ artetʼ bạṛicʼe kạmi akada ar acʼren boṅga murhutʼko hotete Jihudạ do kại secʼe ạyur idiakadea.

Josuạ 24:14

Ona tayom Josuại menkeda, “Ńitokʼ do pạtiạr salakʼ khạṭi ontorte aperen Probhu Isor sewawaepe ar uni ḍobokʼaepe. Aperen hapṛamko phurạt gaḍa hanasa Misor disạmre okoe debotakoko sewawako kan tahẽkan onko do ńitokʼ sạṅgiń giḍikakope ar Probhu Isor sewawaepe.

Genesis 11:25

Terahwakʼ janam tayom Nahor do arhõ mitʼsae gelare bochor jiwetʼe tahẽkana. Onako dinre uniren do arhõ aema hopon ar hoponerako hoyentaea.

Jesaea 43:27

Amren pạhil ạpum doe kạikeda; amren mańjha mańjhi hoṛ do iń reaṅko ghạṭkeda.

Jeheskel 16:2

“E manwa hopon, Jerusalem do acʼakʼ hirkhạwakʼko kạmi reaṅ baḍae ocoyem.

Jeheskel 16:4

Ar oka hilokʼem janamlen enhilokʼ amakʼ bukạ do bako getʼletʼtama, dakʼte hõ bako ạrupʼ saphaletʼmea, hoṛmore buluṅ hõ bako gasaoatʼme tahẽkana ar kicricʼte hõ bako oyoletʼmea.