Jeheskel 14:3 - সান্তালী বাইবেল

³ “E manwa hopon, noko hoṛ do akoakʼ ontorre boṅga muṭhạnko bạisạu akawante kạire ńurokʼ lekan jinis ako samaṅreko dohoakada. Ona iạte iń ṭhen jãhãnakʼ reakʼko kulijoṅ khan onko do cetʼge bạń roṛ ruạṛakoa.

Jeheskel 14:3 Referans Kwoze

Jeheskel 14:7

Jãhãe Israel hoṛ se Israel disạmre girobasokʼ kan jãhãe bidisiạ hoṛ iń ṭhen khone begarokʼ ar acʼakʼ monre boṅga muṭhạne bạisạute kạire ńurokʼ lekan jinis uni samaṅreye dohoy ar ona tayom iń ṭhen kulijoṅ lạgitʼ jãhãe nạbi ṭhene hijukʼ, enḍekhan iń Probhu Isorge uni doń roṛ ruạṛaea.

Jeheskel 7:19

Akoakʼ rupạ do kulhikoreko giḍikakʼa ar akoakʼ sona do besaphawakʼ jinisge hoyokʼa. Probhu Isorakʼ edre hilokʼ onkoakʼ sona ar rupạ do bae rukhiyạ daṛeakoa. Onate onkoakʼ lacʼ do baṅ bikʼa se reṅgecʼ hõ baṅ cabakʼtakoa. Onko do onakoge kạireye paṛao ocoakatʼkoa.

Jeheskel 20:16

Onko do ińakʼ ạn-ạriko nihạ̃t giḍiakada ar ińakʼ niạmko bạgi giḍiakada ar iń emakʼ jirạukʼ mãhãko reakʼ sonottetʼ do bako rukhiyạ akada, ente onkoakʼ ontor do boṅgako secʼge orokʼ kan tahẽkantakoa.

Jeheskel 20:3

“E manwa hopon, am do Israelren murubbikom metakoa, Probhu Isore meneda, ‘ape do cetʼ iń ṭhen kulijoṅ lạgitʼpe hecʼakana? Ińakʼ ńutumteń menetʼkana, iń do bạń baḍae ocopea.’

Jesaea 1:15

Koejoṅ lạgitʼ tinre apeakʼ tipe rakabtapea unre ape secʼ do bạń beṅgeda. Ar ḍherpe koere hõ bạń ańjomtapea, ente apeakʼ ti do mãyãmte perecʼgetapea.

Jeheskel 14:4

Onate onkom metakoa, Probhu Isore meneda, ‘jãhãe Israel acʼakʼ ontorre boṅga muṭhạn bạisạu iạte kạire ńurokʼ lekan jinis apnar samaṅreye dohoy ar ona tayom nạbi ṭhene hijukʼ, enḍekhan iń Probhu Isorge uniren ḍher boṅga muṭhạnko iạteń roṛ ruạṛaea.

Jeheskel 44:12

Menkhan onko do boṅgako samaṅre hoṛkoko sapʼsor akawatʼkoa ar Israel jạtrenko kại ocoakatʼkoa, ona iạte iń Probhu Isor doń kiriạ akana, onkoakʼ kại reakʼ kuṛại do onkoge asen baṛae lagaoakoa.

Jeheskel 20:31

Teheń hạbicʼ ape do aperen boṅgako ṭhen aperen hopon ar hoponerako seṅgelrepe samaṅetʼkote onko boṅgako hotete apnartetʼpe bhonḍokʼ kana. E Israelko, iń do cetʼ ape hoteteń kuli ocokʼa? Iń ńutumteń kiriạkʼ kana, oka lekate hõ ińakʼ monsubạ do bạń baḍae ocopea.

Kạhtukko 28:9

Probhu Isorakʼ ạn ạri reakʼ katha jãhãe ańjomkate hõ bae senakʼ, enḍekhan uniyakʼ koejoṅ hõ hirkhạwanakʼ hoyokʼtaea.

Johan sodor 2:14

Menkhan enhõ am upạrte ińakʼ roṛ reakʼ thoṛa menakʼtińạ. Onḍe am ṭhen nonkan hoṛ menakʼkoa okoe do Biliamakʼ sikhnạt lekateko calakʼkan. Balak raj do Biliame cetʼade tahẽkana jemon uni do boṅga samaṅakʼkoe jom ocoko ar laṭghaṭ kạmikote Israelko kại secʼe idiko.

1 Patras 2:8

Sostor reakʼ noa katha hõ ṭhikgea, Ona do nonkan dhiri kana, one okaṭakʼ do hoṛkoakʼ tohodokʼ reakʼ karonge hoyokʼ. Hoṛko do Isorakʼ katha bebatao iạteko tohodokʼ kana, ar ona iạtege onko doko doho ocoakana.

Jeheskel 36:25

Ape cetanre saphakʼ reakʼ dakʼ iń chiṭkạu apea, ar onatepe saphakʼa; apeakʼ sanam hirkhạwakʼko ar boṅga murhutʼko khon apeń saphapea.

Jeheskel 11:21

Menkhan okoeyakʼ ontor do bạṛicʼ murhutʼ ar hirkhạwan boṅga muṭhạnko secʼge menakʼa, onkoakʼ kạmi reakʼ kuṛại do onkoregeń dula. Ar iń Probhu Isorge noa katha doń roṛeda.”

Jirimiạ 11:11

Onatege iń Probhu Isor doń meneda, onko cetanre nonkan muhiniń paṛao ocoya one ona khon do bako ńir bańcao daṛeakʼa. Onko do iń ṭhenko ragre hõ onkoakʼ katha do bạń ańjomtakoa.

Kạhtukko 15:29

Probhu Isor do bạṛicʼko khon pharakreye tahenkana, menkhan uni do acʼ botoraekoakʼ koejoṅe ańjomeda.

1 Samuel 28:6

Ar cetʼe cekaea mente Probhu Isor ṭhene kuliyana, menkhan Probhu Isor do kukmũte hõ baṅ, Urim ar Thumimte hõ baṅ se nạbiko hotete hõ bae roṛ ruạṛadea.

Ephesiko lạgitʼ Pạul Apostolakʼ ciṭhi 5:5

Khạṭigepe baḍaea, okoeko laṭghaṭetʼkan, okoeko bin napaege ar okoekoko lalociạkokan, metakʼme okoe do boṅga sewakoko ńumogokʼkan onko do Mạsi ar Isorakʼ rajre jãhãn ạidạrige bạnukʼtakoa.

Luk 20:8

Jisui metatʼkoa, “Enḍekhan iń hõ bạń lạiyapea oka ektiạrite noakoń kạmikana mente.”

Sakariạ 7:13

Ińiń hohowatʼkore hõ onko do bako hetawatʼtińạ, ar onkoko hohowạdińre iń phạdkoren Probhu Isor do bạń ańjomletʼtakoa.

Sephaniạ 1:3

Manwa ar janwar, coṭren cẽṛẽ ar jalapuriren hakoko hõń caba utạrkoa. Iń do bedhoromkoń sumạrkoa. Ar dhạrti khon manwa doń marao utạrkoa.

Jeheskel 6:9

Onko do boṅgan hoṛ jạtrenko talare iń reaṅ noa kathako disạya, onkoakʼ bepạtiạr ontor ar mẽtʼte cetʼ lekako duk ocoakadińạ mente; onkoakʼ ontor do iń khon ghańjeṛ akantakoa ar onkoakʼ mẽtʼ do boṅga murhutʼko ńamko lạgitʼ ahkaokʼ kantakoa. Onkoakʼ sanam bạṛicʼ ar hirkhạwakʼ kạmi lạgitʼ onko do apnartetʼko hirkhạjoṅa.

Jeheskel 3:20

“Arhõ, jãhãe dhorom hoṛ jodi acʼakʼ hor khon ruạṛkate bạṛicʼakʼe kạmi ar uni samaṅre mitʼṭecʼ muhin iń dohoy, enḍekhan uni doe gujukʼa. Ar uni bam sontorlede iạte uni do acʼakʼ kại iạteye gujukʼa. Ar okako dhorom reakʼ uniye kạmi akatʼ ona do ar baṅ disạkʼtaea; ar uniyakʼ gujukʼ lạgitʼ am do bạń dạyimea.

Jirimiạ 17:9

“Mon do sanamakʼ khon ṭhokgea, ona do oka lekate hõ baṅ bogekʼa. Manwa ontor do okoe hõ bae bujhạu daṛeakʼa.

Jesaea 33:15

Unigeye daṛeakʼa, okoe do dhoromteye colonetʼkan ar hok reakʼkoe roṛetʼkan, ar okoe do julum reakʼ labkoe hirkhạwakʼ kan ar ghus hatao khon pharakreye tahenkan, okoe hoṛ do khũn reakʼ alo ańjom lạgitʼ luture tubetʼetʼtae ar bạṛicʼakʼ kạmi ńel khon mẽtʼe jạpitʼkatae kan.

Kạhtukko 21:27

Bedhoromkoakʼ dãṛẽ Probhu Isor doe hirkhạwakʼkana, ar ona bạṛicʼ monsubạte ạgulen khan enḍekhan ona do artetʼge hirkhạwakʼ hoyokʼa.

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

Sereńko 101:3

Bạṛicʼakʼ cetʼge ińakʼ mẽtʼ samaṅre bạń dohoya. Bạṛicʼ horteko calakʼ hoṛkoakʼ kạmi doń hirkhạwakʼ kana. Onako do ińre baṅge laṭkaokʼạ.

Sereńko 66:18

Ińakʼ ontorre bedhoromiń dohokakʼ khan Probhu do ińakʼ katha ohoe ańjomlea.

2 Rapajko 3:13

Elisae do Israelren raje metadea, “Am tulucʼ ińakʼ do cetʼ? Am do amren ạpum ar amren eṅgamren nạbiko ṭhen calakʼme.” Israelren raje roṛ ruạṛkeda, “Baṅa, bạń calakʼa, ente Moabakʼ tire jimạle lạgitʼ Isorge ale pepe rapajkoe jarwa mitʼ akatʼlea.”

Jeheskel 14:2

Unre Probhu Isorakʼ niạ katha do iń ṭhen sodorena,

Jeheskel 33:30

“E manwa hopon, am jạtren hoṛko do pạcri bhit pheḍre ar oṛakʼ reakʼ duạrko ṭhen am reaṅko galmaraojoṅ kana, mitʼ hoṛ do ar mitʼ hoṛe metaekana, ‘Probhu Isor ṭhen khon oka khobor hecʼakan dela, senkate ona bon ańjomlege.’

Hosea 4:5

E naekeko, ape do siń ar ńindạpe tohodokʼkana ar ape sãote nạbiko hõko tohodokʼkana. Onatege iń do aperen gogo Israel doń marao utạrea.

Jirimiạ 21:2

“Babelren Nebukadnesar raj do abo sãoteye lạṛhại kana; onate abo ńutumte Probhu Isor ṭhen nehõrokʼ me jemon uni do abo ṭhene ruạṛ hijukʼ. Hoedaṛeakʼa Probhu Isor do lahate leka abo lạgitʼ hahaṛawakʼe kạmiya.”