Jeheskel 13:2 - সান্তালী বাইবেল

² “E manwa hopon, Israelren okoe nạbiko do ńitokʼ kathako roṛetʼkan onko upạrte am do nạbi lekage katha roṛme. Okoe akoakʼ mongoṛa katha lekako nạbiyetʼkan onkom metakoa jemon onko do Probhu Isorakʼ kathako ańjom.

Jeheskel 13:2 Referans Kwoze

Jeheskel 13:17

Ona tayom Probhu Isor do ińe metadińạ, “E manwa hopon, am jạtren okoe maejiuko do nạbi lekate akoakʼ benaoakʼ kathako roṛetʼkan ńitokʼ onko upạrte teṅgokʼme. Am do onko upạrte noa katha roṛme,

Jirimiạ 37:19

Okoe ape ṭhen noa kathako nạbiletʼ baṅma, Babel raj do am ar niạ disạm upạrte do bae hijukʼa, onko aperen nạbiko doko okayena?

Jeheskel 22:28

Eṛe dorson ar eṛe gukʼniko iạte onkoren nạbiko do onkoakʼ kạmiko cetanre cunteko potaoetʼkana. Probhu Isor bae men akatʼre hõ onko doko mena, ‘Probhu Isor do noa kathae meneda.’

Jeheskel 22:25

Ona disạmren nạbiko doko soṛojontrokana; onko do hạnḍrạukʼ kan dhạcri kul leka kanako. Onko do hoṛko jomkoa, dhon-durib ar damanakʼ jinisko hataoa ar disạm talare ḍher maejiuko rạnḍi ocokoa.

Jesaea 9:15

Ona bohokʼ do kana murubbiko ar manotan hoṛkoge, ar canḍbol do eṛe sikhạuna emokʼ nạbiko.

Jesaea 1:10

E Sodomren mukhiyạko, Probhu Isorakʼ katha baṛe ańjompe. E Gomoraren hoṛko, aboren Isorakʼ bondobos reakʼ baṛe luturakʼpe.

Sephaniạ 3:4

Uniren nạbiko do ṭhok arko bepạtiạrgea. Uniren naekeko do sonotakʼko besonot ocoakada ar ạn-ạri upạrteko kạmikana.

Mikạ 3:11

Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”

Mikạ 3:6

“Ape lạgitʼ ńindạ daraekana, ape do cetʼ dorsonge bape ńela; ape lạgitʼ do ńut daraekana, ape do nạbi lekate cetʼge bape roṛ daṛeakʼa. Ape lạgitʼ cando doe hạsurokʼa ar siń do ńutokʼa.”

Jeheskel 34:9

Ona iạte, E gukʼpiko, ińakʼ katha ańjompe.

Jeheskel 34:7

“ ‘Onatege, E gukʼpiko, ape do ińakʼ katha ańjompe.

Jeheskel 13:3

Probhu Isore meneda, ‘Hae, onko bebuj nạbiko do, okoe do jãhãn dorson baṅ ńamkate hõ ạuṛiyakʼte nạbi kathako roṛetʼkan.

Rak̕joṅ 4:13

Noa do uniren nạbikoakʼ ghạṭ iạte, ar uniren naekekoakʼ bedhorom iạte hoylena, ente onḍege onko do dhorom hoṛkoakʼ mãyãmko joroyetʼtako tahẽkana.

Jirimiạ 27:18

Onko doko nạbikan khan ar Probhu Isorakʼ katha onko ṭhen menakʼ khan enḍekhan Probhu Isorakʼ oṛakʼ reakʼ, Jihudạwakʼ raj oṛakʼ reakʼ ar Jerusalemre ńithõ oka jinisko sarecʼ menakʼ ona jemon Babelte alo idikʼ ona lạgitʼ phạdkoren Probhu Isor ṭhenko nehõrokʼ ma.

Jirimiạ 27:14

Onko nạbikoakʼ katha alo ańjomtako lạgitʼ okoeko metapekan, ‘ape do tishõ Babel rajren golam bape hoyokʼa,’ onko do ape ṭhen eṛeyakʼko nạbiyeda.

Jirimiạ 23:2

Ona iạte okoe do ińren hoṛko gupiyetʼko onko gukʼpiko upạrte Israelren Probhu Isor doe meneda, “Ape do ińakʼ palren bhiḍikope chirchạtur akatʼkoa arpe laga ńir akatʼkoa, onko do bape joton akatʼkoa; onate iń do apeakʼ behok iạteń sạjạipea.

Jirimiạ 8:10

Ona iạte akoren bạhuko do eṭakʼ hoṛko ar onkoakʼ khet baṛge do nãwã mạlik koń emakoa. Huḍiń utạricʼ khon maran utạricʼ hạbicʼ jotoge lab lạgitʼko lalocakʼ kana; nạbiko ar naekeko jotoge eṛeyakʼko kạmikana.

Jirimiạ 5:31

Nạbiko do eṛeyakʼko nạbiyeda, naekeko do akoakʼ tirege ạidạri dohokateko ḍanṭao kana, ar ińren hoṛko do nonkageko dulạṛkana. Menkhan E ińren hoṛko, ona reakʼ mucạtʼ hecʼlenre cetʼpe cekaea?”

Jesaea 28:14

Ona iạte E ṭiṭkạrikan hoṛko, okoe do Jerusalemre onko hoṛko cetanre mạlikipe calaoetʼ, ape do Probhu Isorakʼ katha ańjompe.

1 Rapajko 22:19

Mikạ do roroṛe ehopʼena, “Enḍekhan Probhu Isorakʼ katha ańjomme. Ińiń ńelkeda, Probhu Isor do acʼakʼ siṅghạsonreye duṛupʼ akana ar uniyakʼ jojomsa ar uniyakʼ leṅgasa aṛere do sermaren sanam goḍetko menakʼkoa.

Jeheskel 13:1

Ona tayom Probhu Isor do ińe metadińạ,

Jeheskel 16:35

E laṭghaṭicʼ maejiu, Probhu Isorakʼ katha ańjomme.