Jeheskel 12:3 - সান্তালী বাইবেল

³ “Onatege E manwa hopon, am do sạṅgińtem bondi idi ocokʼkana ar onkage amakʼ jinisko hõ samṭaotam ar onkoakʼ mẽtʼãhã samaṅte siń marsalrege oḍokokʼme; ar okare menam onḍe khon eṭakʼ jaegate calakʼme. Pasecʼ onko do mitʼṭen huhulkan jạtren hoṛ kanako menteko bujhạu daṛeakʼa.

Jeheskel 12:3 Referans Kwoze

Jirimiạ 36:3

Jihudạren hoṛko cetanre okako muhin paṛao ocoy reakʼ kathań ṭhik dohoakatʼ onko do onako muhin reakʼ katha ańjomkate pasere pase bạṛicʼ hor khonko ruạṛ botejokʼ; ar jemon onkoakʼ ghạṭ ar kạiyiń ikạ daṛeatako.”

2Timothi 2:25

Okoe uni upạrteko teṅgokʼ onko do mạ̃hir salakʼe cetʼako ma. Ona cecetʼakʼ do noa asteye emakoma, Isor do mon ạcur reakʼ ạte emakote onko do Isorakʼ sạriyakʼtetʼ reakʼ khạndritetʼ jemonko baḍae daṛeakʼ.

Jirimiạ 26:3

Hoedaṛeakʼa onko do onako ańjoma ar akoakʼ bạṛicʼ hor khonko ruạṛ hijukʼa. Ar onkoakʼ behokakʼ iạte onko cetanre okaṭakʼ muhin ạgui lạgitʼ iń goṭa akatʼ ona do ar bạń paṛao ocoya.

Luk 20:13

“Unre darkha bagwanren kisạ̃ṛe menkeda, ‘cetʼ iń cekaea? Iń do ińren sadher hopongeń kolea. Hoedaṛeakʼa onko do uniko manotea.’

Jirimiạ 36:7

Pasecʼ onko do Probhu Isor ṭhenko koejoṅa ar akoakʼ bạṛicʼ hor khonko ruạṛ hijukʼa, ente noko hoṛko birudrege Probhu Isor do edre ar khĩs reakʼ kathae roṛakada.”

Luk 13:34

“E Jerusalem, E Jerusalem! Am do nạbikom gocʼetʼkoa ar am ṭhen kol ocokʼkanko do dhiritem tińetʼkoa. Sim eṅga cetʼleka acʼren hoponko phạ̃kṛạ̃kʼ latareye guṅgutʼko onkage iń hõ amren hoṛko guṅgutʼkoń menleda, menkhan ape do bape rebenlena.

Jeheskel 33:11

Am do onkom metakoa, iń Probhu Isorge, iń ńutumte kiriạkateń meneda, bạṛicʼ hoṛkoakʼ gujukʼte jãhãn rạskạ do bạń ńameda, bickom bạṛicʼ hor khon ruạṛkate jemonko bańcaokʼ onate iń doń rạskạkʼa. E Israel jạtrenko, dela ruạṛpe, apeakʼ bạṛicʼ hor khon ruạṛ hijukʼpe. Ente cedakʼpe gujukʼa?

Jirimiạ 27:2

Probhu Isor do uniye metadea, “Am do harta reakʼ phitạ ar kaṭ reakʼ mitʼṭecʼ arãṛ benaokate amakʼ tarenre gogme.

Sereńko 81:13

Hae, ińren hoṛko do eken iń tabereko tahẽlen khan, ar Israel do ińakʼ hortegeye taṛamle khan,

Dosar Biboron 32:29

Ạklinanko tahẽlen khan honaṅ ona kathako bhujhạukea ses dosa cetʼ hoyokʼtakoa mente.

Dosar Biboron 5:29

Ińko botorạń ar ińakʼ sanam hukumko dohoy lạgitʼ jaejug onkoakʼ mon baṛe nonkage tahentakoma. Onate onko ar onkoren hoponko do jaejug hạbicʼ bhạlại hoyokʼtakoa.

Jirimiạ 10:17

Ape okoe dope gherao esetʼ ocoakan, ape do disạm bạgi oṭowakʼ lạgitʼ apan ạpin jinisko moṭraetape,

Jeheskel 3:27

Menkhan am tulucʼ iń galmarao jokhecʼ iń do amakʼ mocań jhijtama ar am do onko ṭhen Probhu Isorakʼ katham lạiya. Onko modre okoe amakʼ ańjom reakʼe khoj uni doe ańjomma ar okoe ańjom bae khoj uni do aloe ańjomma; ente onko do huhulkan jạtren kanako.”

Jeheskel 12:7

Iń okań hukum ocoyen ona lekage iń doń kạmikeda. Sạṅgińte bondi idi ocokʼ leka ińakʼ jinisko do siń marsalregeń oḍok ạgukeda. Ona tayom ạyupʼ jokhecʼ tite pạcri bhitiń la bhugạkʼkeda. Ar onkoakʼ mẽtʼãhã samaṅrege ińakʼ jinisko do tarenre ladekateń mohnḍayena.

Jeheskel 43:11

Onko do akoakʼ sanam kạmi iạteko lajaokʼ enḍekhan mundil oṛakʼ noksha reakʼ khạṭinạṭi sanamkʼem baḍae ocokoa; ar ona reakʼ kaṭhamo, ar bhitrite bolokʼ ar bahrete calakʼ reakʼ hor, metakʼme ona reakʼ purạ noksha ar ona reakʼ joto niạm ar ạn-ạriko onko ṭhenem sodora. Ona reakʼ jotowakʼ onko samaṅre olme jemon onko do ona reakʼ noksha lekateko kạmi daṛeakʼ ar ona reakʼ joto niạm jemonko manao.

Jirimiạ 7:26

Menkhan ińakʼ katha do bape ańjomleda se mone hõ bape moneyada. Ape do hoṭokʼpe keṭecʼketʼtapete aperen hapṛamko khon hõ ḍher bạṛicʼakʼpe kạmi akada.

Jeheskel 3:26

Am do jemon hape akanem tahen ar onko bam ruhetʼ daṛeako ona iạte amakʼ alaṅ do tạrureń jalatʼ ocoytama. Ente Israelko do mitʼṭen huhulkan jạtren kanako.