Jeheskel 11:1 - সান্তালী বাইবেল

¹ Ona tayom Probhu Isorren Jiu do ińe tul rakapʼ idikedeńte mundil oṛakʼ reakʼ purub secʼ phaṭok duạr ṭhene ạgukedińa. Onḍe phaṭok duạr bolokʼ horre do bargel mõṛẽ goṭen herel hoṛko tahẽkana, ar iń do onko talare Asurren hopon Jasaniạ ar Benayaren hopon Pelatiạ tekiniń ńelketʼkinạ; unkin do hoṛkoren mukhiyạkin tahẽkana.

Jeheskel 11:1 Referans Kwoze

Jeheskel 11:24

Ona tayom Isorren Jiu do ińe tul rakapʼ kedińa ar uni emakʼ dorson talate arhõ Babelre bondi akanko ṭhene seṭerkedińa. Ar okaṭakʼ dorson iń ńelletʼ ona tayom ona do cabayena.

Jeheskel 11:13

Iń do nạbi lekate tinre kathań roroṛkan tahẽkana unre Benayaren hopon Pelatiạ doe gocʼena. Unre iń do ombakʼkate ãṭ aṛaṅteń menkeda, “Hae, Probhu Isor! Am do cetʼ Israelren sarecʼ sanam hoṛkom marao cabakoa?”

Jeheskel 8:16

Ona tayom uni do Probhu Isorakʼ oṛakʼ bhitri reakʼ racareye idikedińa ar onḍe koejoṅ oṛakʼte bolokʼ hor reakʼ pinḍạre ar pinḍ talare bargel mõṛẽ hoṛko tahẽkana. Onko do Probhu Isorakʼ mundil secʼ deakate siń candoko sewawae kan tahẽkana.

Jeheskel 8:3

Uni do ti tiạrkate ińakʼ bohokʼ upʼe jhuṭiạuketʼtińạ. Ar Isorren Jiu do ot ar serma talareye rakapʼ idikedeńạ ar Isor emakʼ dorsonkote Jerusalem reakʼ koejoṅ oṛakʼ reakʼ bhitri raca reakʼ utạr secʼakʼ phaṭok duạr reakʼ bolokʼ horteye idikedińa. Onḍe do mitʼṭen boṅga muṭhạn tahẽkana ona iạte Isor do edrete pit caṛhaoade tahẽkana,

Jeheskel 3:14

Isorren Jiu do ińe kuṭuṅ rakapʼ idiyiń jokhecʼ iń do ińakʼ mon reakʼ duktegeń calaoena, ar Probhu Isorakʼ keṭecʼ ti do ińre tahẽkana.

Jeheskel 3:12

Ona tayom Isorren Jiu do ińe kuṭuṅ rakapʼkedińa, ar iń tayom secʼre ãṭ aṛaṅte roṛoṛkan noa kathań ańjomkeda, “Coṭ utạrre Probhu Isorakʼ ṭhonok reakʼ sarhao hoyokʼtaema.”

Johan sodor 1:10

Probhu Isorakʼ dinre iń do Jiureń tahẽkana. Ar un jokhecʼ iń tayomre siṅgạ saḍe leka mitʼ hoṛakʼ aṛaṅiń ańjomkeda.

Aposkạmi 8:39

Ado dakʼ khonkin rakapʼen khan Probhu Isorren Jiu do ackage Philipe idikedea. Ar uni cạkrạ hoṛ do ghuriạ Philip bae ńel ńamledea. Unre uni do rạskạte oṛakʼe calaoena.

Hosea 5:10

Jihudạren mukhiyạko do simạna dhiri ocokʼko leka kanako. Ińakʼ edre do onkore banbạsi lekageń paṛao ocoya.

Jeheskel 41:1

Ona tayom uni do mundil oṛakʼ reakʼ maraṅ kandha ṭhen hecʼkate duạr reakʼ banar paya khunṭiye jokhakeda; banar secʼakʼ paya khunṭi do osarte turui mokakate tahẽkana;

Jeheskel 37:1

Probhu Isorakʼ ti do iń cetanre tahẽkana ar uni do acʼren Jiu hoteteye idikedeńte mitʼṭecʼ buru-nala reakʼ otetreye dohokedińa; ona ṭhạ̃i do jaṅkote perecʼge tahẽkana.

Jeheskel 22:27

Hunḍạr cetʼleka sikạrko sapʼko onkage onḍenko rajkạmiyạko do mãyãmko joro ocoyeda ar behok lekate lab iạte manwako khũnetʼkoa.

Jeheskel 10:19

Ińakʼ mẽtʼãhã samaṅrege Kerubko do phạ̃kṛạ̃kʼko lap lapaketʼte cetante rakabokʼko ehopʼena, ar pạihạ̃ko hõ onko sãote sãote calao idiyena. Onko do mundil oṛakʼ reakʼ purub phaṭok duạr bolokʼ horre senkateko teṅgoyena; ar Israelren Isorakʼ ṭhonok do onko cetanre tahẽyena.

Jesaea 1:23

Amren disạm cakʼlaoko do huhulko ar kombṛokoren gateko hoyakana; sanamkoge ghusko kusiyakʼa ar sandesko khoja. Onko do reṅgecʼ hoṛko secʼ bako teṅgon kana ar rạnḍi maejiukoakʼ mambla hõ onko ṭhen do baṅ seṭerokʼ kana.

Jesaea 1:10

E Sodomren mukhiyạko, Probhu Isorakʼ katha baṛe ańjompe. E Gomoraren hoṛko, aboren Isorakʼ bondobos reakʼ baṛe luturakʼpe.

2 Rapajko 25:23

Babelren raj do Gedaliạ disạm cakʼlaoyicʼ menteye bahal ocoakana menteye ańjomketʼ khan Jihudạren sarecʼ subedarko ar onkoren hoṛko, metakʼme Nethaniạren hopon Ismael, Kareyer hopon Johanan, Netopha Tanhumetren hopon Seruya ar Makathiren hopon Jasaniạ ar onkoren hoṛko do Mispate Gedaliạ ṭhenko hecʼena.

2 Rapajko 2:16

“Ale do amren mõṛẽgel daṛean gutiko nonḍe menakʼlea; ale do senkate amren mạlik le sendra ạguiyea. Hoedaṛeakʼa Probhu Isorren Jiu do uni rakapʼ idikate jãhãn buru se jãhãn soḍokʼreye doho oṭoakadea.” Elisae doe menkeda, “Baṅ, alope calakʼa.”

1 Rapajko 18:12

Ińiń bạgiyam khange Probhu Isorren Jiu do eṭakʼ jãhã secʼe idimea ar iń do bạń baḍae daṛeakʼa. Ar senkate Ahab iń lạiyae ar bae ńamme enḍekhan uni doe gocʼ giḍikạńạ. Menkhan huḍiń khonge amren guti do Probhu Isoriń botorae kana.

Jeheskel 10:22

Kebar gaḍa aṛere iń cetʼ lekań ńelletʼ onkage onkoakʼ mẽtʼãhã do tahẽkana. Onko mimitʼko do samaṅ secʼ sojheteko calakʼ kan tahẽkana.

Jeheskel 40:6

Ona tayom uni do purub secʼakʼ phaṭok duạr ṭhene senene. Uni do siṛhite cetanteye rakapʼente phaṭok duạre jokhakeda; ona do jeleńte mitʼ ḍaṅ tahẽkana.