Jeheskel 10:3 - সান্তালী বাইবেল

³ Unre Kerubko do mundil reakʼ dạkhin secʼreko teṅgo akan tahẽkana, ar bhitri raca do rimilte perecʼena.

Jeheskel 10:3 Referans Kwoze

Jeheskel 43:4

Probhu Isorakʼ ṭhonok do purub duạr reakʼ phaṭok duạrte mundilte boloyena.

Jeheskel 9:3

Unre Israelren Isorakʼ oka ṭhonok do Kerubkin cetanre tahẽkan ona do onḍe khon rakapʼente mundil reakʼ duạr ganaḍe ṭhene senena. Ar Probhu Isor do mĩhĩ musnạ kicricʼ horokʼ akatʼ uni hoṛe hohowadea.

Jeheskel 8:16

Ona tayom uni do Probhu Isorakʼ oṛakʼ bhitri reakʼ racareye idikedińa ar onḍe koejoṅ oṛakʼte bolokʼ hor reakʼ pinḍạre ar pinḍ talare bargel mõṛẽ hoṛko tahẽkana. Onko do Probhu Isorakʼ mundil secʼ deakate siń candoko sewawae kan tahẽkana.

Genesis 3:24

Nonkate uni do unkine laga ńirketʼkinạ. Ona tayom uni do jion dare ṭhen calakʼ reakʼ horre horhoe lạgitʼ Eden bagwan purub secʼre Kerubkine dohoketʼkinạ, ar ona sãote onḍe mitʼṭecʼ jolokʼkan tarwaṛe hõe dohokeda ar ona do ạcur baṛaekan tahẽkana.

Jeheskel 8:3

Uni do ti tiạrkate ińakʼ bohokʼ upʼe jhuṭiạuketʼtińạ. Ar Isorren Jiu do ot ar serma talareye rakapʼ idikedeńạ ar Isor emakʼ dorsonkote Jerusalem reakʼ koejoṅ oṛakʼ reakʼ bhitri raca reakʼ utạr secʼakʼ phaṭok duạr reakʼ bolokʼ horteye idikedińa. Onḍe do mitʼṭen boṅga muṭhạn tahẽkana ona iạte Isor do edrete pit caṛhaoade tahẽkana,

Jeheskel 46:1

“ ‘Iń Probhu Isorgeń menetʼkana, bhitri raca reakʼ purub duạr do kạmi reakʼ turui dinge siń tahena, menkhan jirạukʼmãhãre ar molokʼ candore ona do jhijokʼa.

Exodus 25:18

Ona daya duṛupʼakʼre sonaren barea Kerubem benaokinạ.