Jeheskel 1:3 - সান্তালী বাইবেল

³ Babelrenkoakʼ disạmre Kebar gaḍa aṛere Busiren hopon Jeheskel ṭhen, metakʼme Probhu Isorakʼ katha do iń ṭhen sodorena. Ar onḍe Probhu Isorakʼ ti do iń cetanre tahẽkana.

Jeheskel 1:3 Referans Kwoze

Jeheskel 3:22

Onḍe Probhu Isorakʼ daṛeanakʼ ti do iń cetanre tahẽkana ar uni do iń metadińạ, “Ma beretʼme ar bilạn ṭạnḍite oḍok calakʼme, onḍe iń do am tulucʼ kathań roṛa.”

Jeheskel 3:14

Isorren Jiu do ińe kuṭuṅ rakapʼ idiyiń jokhecʼ iń do ińakʼ mon reakʼ duktegeń calaoena, ar Probhu Isorakʼ keṭecʼ ti do ińre tahẽkana.

2 Rapajko 3:15

Ńitokʼ do nonkan mitʼṭen hoṛ ạguiyepe okoe do peṛesaṅe banam daṛeakʼ.” Uni hoṛ do tinre peṛesaṅe banametʼ tahẽkana unre Probhu Isorakʼ daṛe do Elisae cetanre hecʼena.

1 Rapajko 18:46

Unre Probhu Isorakʼ daṛe do Eliạ cetanre hecʼena. Uni do acʼakʼ kicricʼko ḍanḍareye rebetʼketʼte Ahab lahate Jesreyelteye ńir calaoena.

Jeheskel 40:1

Bondi dosa reakʼ bargel mõṛẽ bochor reakʼ etohopʼre, cando reakʼ gelakʼ dinre, Jerusalem nagraha ńurokʼ gelpon bochor tayom Probhu Isorakʼ ti do iń cetanre tahẽkana.

Jeheskel 37:1

Probhu Isorakʼ ti do iń cetanre tahẽkana ar uni do acʼren Jiu hoteteye idikedeńte mitʼṭecʼ buru-nala reakʼ otetreye dohokedińa; ona ṭhạ̃i do jaṅkote perecʼge tahẽkana.

Jeheskel 33:22

Uni hoṛ seṭerokʼ lahare ạyupʼ jokhecʼ Probhu Isorakʼ ti do iń cetanre tahẽkana ar setakʼ jokhecʼ iń ṭhene hijukʼ lahare Probhu Isor do ińakʼ mocae jhicʼketʼtińạ. Onate iń do katha roroṛiń ehopʼena, ar guṅgạ do bạń tahẽlena.

Jeheskel 8:1

Bondi dosare tahen turuiyakʼ bochor reakʼ turuiyakʼ cando reakʼ mõṛẽyakʼ dinre iń do tinre ińakʼ oṛakʼreń duṛupʼ akan tahẽkana ar Jihudạren murubbiko do iń samaṅre duṛupʼ akanko tahẽkana unre Probhu Isorakʼ ti do ona ṭhạ̃ire iń cetanre hecʼena.

1Timothi 4:1

Sonot Jiu do pusṭạuteye menakada, darakan dinkore adom hoṛ do biswạs khonko bhingṛạukʼa ar bulạu jiuko ar bạṛicʼ jiukoakʼ bintiko moneyakʼa.

Joel 1:1

Pethuel hopon Joel ṭhen Probhu Isorakʼ katha do sodorlena.

Hosea 1:1

Jihudạren raj Usiạ, Jotham, Ahas ar Hiskiạwakʼ rajokʼ oktere ar Israel raj Joasren hopon Jerobiamakʼ oktere Beriren hopon Hosea ṭhen Probhu Isorakʼ katha do sodorena.

Jeheskel 1:1

Pegel bochor reakʼ ponakʼ cando reakʼ mõṛẽakʼ dinre Kebar gaḍa aṛere bondi akan hoṛko talareń tahẽkanre iń samaṅre serma do jhicʼena ar Isorakʼ dorson iń ńelkeda.

Jirimiạ 1:2

Jihudạren raj Amonren hopon Josiạwakʼ rajokʼ gelpe bochor oktere Probhu Isorakʼ katha do Jirimiạ ṭhen sodorena.

Jirimiạ 1:4

Probhu Isorakʼ katha do iń ṭhen hecʼena,

2 Patras 1:21

ente nạbiko do akoakʼ kusi sana leka jãhãn katha bako roṛakada; onko do sonot Jiu reakʼ ạyurtege Isorakʼ kathako roṛakada.

Sereńko 137:1

Babel reakʼ gaḍa aṛere duṛupʼkate tinre ale do Sion reakʼ kathale disạyetʼ tahẽkana unre ale dole rakʼetʼ tahẽkana.

Jeheskel 10:15

Ona tayom onko Kerubko do cetan secʼko rakapʼena. Nokoge onko jiwetʼ jiwiyanko, okoe do Kebar gaḍa aṛereń ńelletʼko.

Jeheskel 12:13

Iń do uni lạgitʼ jhạliń oḍaoa ar uni do ińakʼ pạsireye sabokʼa. Ar uni do Babelrenkoakʼ disạmteń idiyea, menkhan ona do bae ńela; uni do onḍegeye gujukʼa.

Jeheskel 43:3

Noa dorson ńelkate iń doń ombakʼena; ar nagraha maraokʼ reakʼ oka dorson Kebar gaḍa aṛereń ńelletʼ noa dorson do ona lekage tahẽkana.

Daniel 10:4

Pạhil cando reakʼ bargel ponakʼ dinre iń do maraṅ gaḍa Hidekel aṛereń teṅgo akan tahẽkana.

Jirimiạ 29:15

Hoedaṛeakʼa apepe mena, “Probhu Isorge Babelre ale tala khon nạbikoe upel akatʼkoa.”

Jeheskel 3:15

Bondi akan okoeko hoṛ do Kebar gaḍa ṭhenakʼ Tel-Abibreko tahẽkan onko ṭhen iń doń calaoena. Ar okareko tahẽkan onḍe onko talare iń do eae din hape akaniń tahẽyena.

Jeheskel 3:23

Onatege iń do beretʼkate bilạn ṭạnḍiteń oḍok calaoena. Ar Kebar gaḍa aṛere Probhu Isorakʼ oka ṭhonok iń ńelletʼ onkan ṭhonokge onḍe hõń ńelkeda; ar iń doń ombakʼena.