Jeheskel 1:16 - সান্তালী বাইবেল

¹⁶ Ona pạihạ̃ko reakʼ goṛhon do nonka leka tahẽkana- Boidorjomuni mạnik leka jhakjhak ar ona pạihạ̃ko ńelokʼte do mitʼge tahẽkana. Mitʼṭecʼ bhitrire armitʼṭecʼ pạihạ̃ menakʼa leka onako do benao tahẽkana.

Jeheskel 1:16 Referans Kwoze

Daniel 10:6

Uniyakʼ hoṛmo do Boidorjomuni leka, mẽtʼãhã do bijli leka, mẽtʼãhã do jolokʼkan mosal leka, ti-jaṅga do pạlis akatʼ tamba leka ar uniyakʼ aṛaṅ do ḍher hoṛkoakʼ sabad leka.

Ephesiko lạgitʼ Pạul Apostolakʼ ciṭhi 3:10

Uni doe onkaleda jemon Mạsiyakʼ manḍer hotete sermaren sanam cakʼlaoko ar ektiạrianko ṭhen aema lekate sodor akan Isorakʼ akel ńitokʼ sodorokʼ.

Romiko lạgitʼ Pạul Apostolakʼ ciṭhi 11:33

Isorakʼ dhon do asambheṛgea. Uniyakʼ bud ar akel hõ khạndrińgea. Uniyakʼ bicạr ar sanam kạmiko do oho ḍunḍhạulena.

Sereńko 40:5

E ińren Probhu Isor, ḍhergetama amakʼ hahaṛa kạmiko do! Ale lạgitʼ okaṭakʼem goṭa akatʼ! Onań roṛ sodorlere, ariń lạilere ona do tishõ baṅ mucạdokʼa. Ar am leka do okoe menaea?

Sereńko 36:6

Amakʼ dhorom do Isorakʼ buruko lekana; amakʼ dhorom bicạr do athantar doreão leka. E Probhu Isor, manwa ar janwar jotoge jiwetʼ baṛe dohokom.

Jobakʼ 9:10

Uni do baṅ bujhạu ńamokʼ maraṅakʼkoe kạmikana ar nonkan hahaṛawakʼkoe kạmikana oka do baṅ lekhakʼ.

Exodus 39:13

ar ponakʼ sạrre do gomedok, boidurjo ar surjokanto moni. Ar mạnik dhiriko galaṅ paṭetʼ akatʼ sona cetanrege bạisạu hoyena.

Soros sereń 5:14

Uniyakʼ sopo do gulạnḍ sona leka mạnik dhiriko bạisạuakʼge. Hoṛmo do hạti sonḍa reakʼ kundạuakʼ leka, nilkanto mạnik dhirikote bạisạu esetʼakʼge.

1 Rapajko 7:33

Cakako do rãt gạḍi reakʼ caka lekage tahẽkana; kuṭhạ, caka reakʼ beṛ, sik ar tala reakʼ bukạtetʼ jotoge dulakʼ tahẽkana.

Daniel 7:9

“Tayomteń ńelkeda adomakʼ siṅghạso doho ocoyena ar mitʼṭecʼ mare haṛam hoṛ do acʼakʼ siṅghạsonreye duṛupʼena. Uniyakʼ kicricʼko do him leka ponḍ ar uniyakʼ bohokʼ reakʼ upʼ do ponḍ il leka tahẽkana. Uniyakʼ siṅghạson ar siṅghạson reakʼ pạ̃ihạ̃kore do seṅgel jolokʼkan tahẽkana.