Jeheskel 1:13 - সান্তালী বাইবেল

¹³ Noko jiwetʼ jiwiyanko talare do aṅgra se mosal seṅgel leka jolokʼkan tahẽkana ona do onko jiwiyanko bhitrite oḍok bolokʼkan tahẽkana; ona seṅgel do jhalkaokʼkan tahẽkana ar ona tala khon bijliko oḍok hijukʼkan tahẽkana.

Jeheskel 1:13 Referans Kwoze

Johan sodor 4:5

Ona singhạson khon do bijliko, ar botoranakʼ aṛaṅ ar huḍur reakʼ saḍeko oḍok hijukʼkan tahẽkana. Ar siṅghạson samaṅre eae goṭecʼ diuhe jolokʼkan tahẽkana. Ona diuheko do Isorren eae goṭen Jiu kanako.

Sereńko 104:4

Hoe do amren goḍetem benao akadea; ar jolokʼkan seṅgel do amren golamem hoyocoakadea;

Johan sodor 18:1

Inạ tayom ar mitʼṭen goḍet serma khon pheḍ hijukʼ kaniń ńelkedea. Uni do maraṅ ektiạri tahẽkantaea ar dhạrti do uniyakʼ ṭhonokte marsalena.

Johan sodor 10:1

Ona tayom ar mitʼṭen daṛeanicʼ serma goḍet serma khon pheḍ hijukʼ kaniń ńelkedea. Uni do rimilteye oyo akan, ar bohokʼre do liṭạ akʼ tahẽkantaea. Uniyakʼ mẽtʼãhã do siń cando leka ar jaṅga do seṅgel reakʼ khũnṭi leka tahẽkana.

Mathae 28:3

Uniyakʼ muṭhạn do bijli leka ar uniyakʼ kicricʼko do him leka pĩṛĩtʼ pĩṛĩtʼ ponḍ tahẽkana.

Jeheskel 1:7

Onkoakʼ jaṅga do sojhege ar jaṅga thopa do mĩhũwakʼ khurạ leka tahẽkana; onako do jhalkaokʼkan pitạl leka tahẽkana.

Genesis 15:17

Siń cando hạsurkate tinre ńutena unre dhũạte perecʼ mitʼṭecʼ jolokʼkan diuhe ar mitʼṭecʼ mosal do jolokʼ ńelena. Ar sajao akatʼ janwarkoakʼ paṛakʼ talate parom calaoena.

2 Thessalonikiko 1:7

ar ape okoe dukpe ńametʼ uni do ale sãoteye aosanpea. Probhu Jisu do tinre acʼren daṛean serma goḍetko sãote jolokʼkan seṅgelre serma khone sodorokʼa unrege noako do hoyokʼa. Okoe Isor bako baḍae akade ar Probhu Jisu reaṅ bhage sombat reakʼ katha bako bataoetʼkan unre uni do onkoe sạjạikoa.

Jeheskel 10:2

Probhu Isor do mĩhĩ musnạ kicricʼe horokʼ akatʼ hoṛe metadea, “Kerubko latarre okaṭakʼ pạihạ̃ko menakʼ am do onako talare calakʼme. Ar onko Kerubko talare tahẽkate am do ańjlete perecʼ aṅgra seṅgel hataome ar nagraha cetanre chiṭiạugotʼkam.” Ińakʼ mẽtʼãhã samaṅrege uni hoṛ do onḍeye boloyena.

Daniel 7:9

“Tayomteń ńelkeda adomakʼ siṅghạso doho ocoyena ar mitʼṭecʼ mare haṛam hoṛ do acʼakʼ siṅghạsonreye duṛupʼena. Uniyakʼ kicricʼko do him leka ponḍ ar uniyakʼ bohokʼ reakʼ upʼ do ponḍ il leka tahẽkana. Uniyakʼ siṅghạson ar siṅghạson reakʼ pạ̃ihạ̃kore do seṅgel jolokʼkan tahẽkana.