Jakob 5:4 - সান্তালী বাইবেল

⁴ Apeakʼ khetre okoe kạmiyạko phosolko samṭao akatʼtape onko do kuṛại bape emakatʼkoa; ar ńelpe, ona kuṛại do ńitokʼ ãṭ aṛaṅteye dusiyetʼpea. Sanam daṛean Probhu Isorakʼ luturre onko kạmiyạkoakʼ rakʼ do seṭerakana.

Santali Common Language New Testament

⁴ Apeakʼ khetre okoe kạmiyạko phosolko samṭao akatʼtape onko do kuṛại bape emakatʼkoa; ar ńelpe, ona kuṛại do ńitokʼ ãṭ aṛaṅteye dusiyetʼpea. Sanam daṛean Probhuakʼ luturre onko kạmiyạkoakʼ rakʼ do seṭerakana.

Jakob 5:4 Referans Kwoze

Levitikus 19:13

“Am aḍepaseren hoṛ alom julumea ar jãhãnakʼ alom rejeya. Khaṭaoicʼ reakʼ mujuri do enhilokʼge emkataeme; ona do setakʼ hạbicʼ alom doho aṅgaea.

Jirimiạ 22:13

Probhu Isore meneda, “Hae uni do, one okoe bedhoromakʼte acʼakʼ oṛakʼe benaoetʼkan ar behokakʼkote acʼakʼ koṭha kandhakoe tearetʼtae. Hae uni do, okoe hoṛ jãhãnakʼ baṅ emkate acʼakʼ disạmren hoṛkoe khaṭaoetʼko ar onkoakʼ khaṭaoakʼ reakʼ kuṛại bae emako kan.

Romiko lạgitʼ Pạul Apostolakʼ ciṭhi 9:29

Jesaea do arhõe roṛleda, “Sanam daṛeanicʼ Probhu Isor do bõsko aloe sarecʼ abon khan enḍekhan Sodom ar Gomora nagraha leka bon hoykokʼa.”

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

Exodus 22:27

ente uniyakʼ oyokʼ kicricʼ do ona motogetaea. Ar baṅ khan cetʼte uni doe oyokʼa? Ar ona lạgitʼ iń ṭhene rakʼle khan uniyakʼ rakʼ iń ańjomtaea, ente ińakʼ ontor do dayate perecʼgetińa.

Luk 18:7

Enḍekhan okoe siń ńindạ Isorko hohoaekan, onko bachao akan acʼren hoṛko lạgitʼ Isor do cetʼ dhorom reakʼ bae bicạra? Uni do cetʼ ona onkae lạgitʼe biloma?

Sereńko 9:12

ente mãyãm reakʼ okoeye hala hạliy uni do gocʼ ocoakan hoṛko hõ bae hiṛiń akatʼkoa, ar dukokʼ kankoakʼ rakʼ joṅ hõ bae ḍhilạutakoa.

Jobakʼ 34:28

Onkoakʼ santao iạte reṅgecʼ hoṛkoakʼ rakʼ do uni samaṅre seṭerokʼkana; uni do laṅgaṭkoakʼ rakʼ joṅakʼe ańjometʼtakoa.

Exodus 3:9

Israelkoakʼ rakʼjoṅ do ńitokʼ iń ṭhen seṭer akana. Misorrenko ṭhen cetʼlekako santao ocokʼkan ona doń ńelakada.

Genesis 4:10

Unre Probhu Isore menkeda, “Cetʼem ceka akada? Ńelme, ot khon amren boehawakʼ mãyãm do iń ṭhene rakʼeda.

Kolossiko lạgitʼ Pạul Apostolakʼ ciṭhi 4:1

E kisạ̃ṛko, sermare aperen hõ mitʼṭen kisạ̃ṛ menaea ar ona baḍaekate aperen golamko sãote bhage ar hok reakʼ beoharpe.

Habakkuk 2:11

Amakʼ oṛakʼ-bhit reakʼ dhiri do am upạrteye lạlisa ar oṛakʼ reakʼ saṅga kaṭ do ona kathageye sãhạ̃kʼakʼa.

Jesaea 5:7

Phạdkoren Probhu Isorakʼ darkha bagwan do Israel bõsren hoṛkoge; ar Jihudạren hoṛko do rạskạwanakʼ darkha nạ̃ṛĩge. Uni do hok bicạr reakʼe ńam baṛakeda menkhan mãyãme ńelkeda; uni do dhorom reakʼe ńam baṛakeda menkhan duk reakʼ rakʼe ańjomkeda.

Jesaea 1:9

Phạdkoren Probhu Isor do abo lạgitʼ adom adom hoṛko jiwetʼ bae doholeko khan enḍekhan aboakʼ dosa do Sodom ar Gomora leka hoykokʼa.

Dosar Biboron 15:9

Sontorokʼpe, apeakʼ monre dusṭạmi hudis do alope rakapʼ ocoya je, eaeakʼ bochor, metakʼme rin khalas reakʼ bochor hecʼakana mente. Ar noa hudiskate reṅgecʼre paṛao akan boeha secʼ alope kurkunḍujokʼa ar eken ti alope bidạgotʼkaea. Arpe onkae khan uni do Probhu Isor ṭhen ape upạrteye raga ar bicạre khoja onate apepe behoketʼ iạte dusirepe paṛaokʼa.

Jesaea 5:9

Ińakʼ luturte phạdkoren Probhu Isorakʼ niạ kathań ańjomakada, “Sạrige maraṅ maraṅ oṛakʼko do marao utạrokʼa, ar napae napae dolanre do celege bako tahena.

Mathae 9:37

Unre celakoe metatʼkoa, “Phosol do ḍhergea menkhan kạmiyạko doko thoṛagea.

Jobakʼ 7:2

Guti cetʼleka ạyubokʼ reakʼ koyokʼ hor akaeye tahen, ar din mujuri hõ cetʼleka acʼakʼ kuṛại lạgitʼe asokʼ,