Jakob 5:3 - সান্তালী বাইবেল

³ Apeakʼ sona ar rupạre joṅ dhorao akana, ar ona joṅ dhoraoge ape upạrte gohae ema ar seṅgel leka apeakʼ jele jomtapea. Ape do sesa sisi dinkore dhon-duribpe sońj akawana.

Santali Common Language New Testament

³ Apeakʼ sona ar rupạre joṅ dhorao akana, ar ona joṅ dhoraoge ape birudre gohae ema ar seṅgel leka apeakʼ jele jomtapea. Ape do sesa sisi dinkore dhon-duribpe sońj akawana.

Jakob 5:3 Referans Kwoze

Romiko lạgitʼ Pạul Apostolakʼ ciṭhi 2:5

Menkhan amakʼ mon do keṭecʼgea; am do kại khon mon ạcur bam khojkana. Onate Isorakʼ edre tis sodorokʼ, enhilokʼ lạgitʼ amakʼ bakhra sạjạyem sõcjoṅ kana. Ar unrege Isorakʼ dhorom bicạr do sodorokʼa.

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sekʼwako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”

Jesaea 2:2

Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.

2 Patras 3:3

Pạhilre noa katha disạ dohokakʼpe, bhageakʼko reaṅ okoe do nisṛạu reakʼ sobhabtako onko do sesa sisi dinrehõko nisṛạugea. Onko do akoakʼ bạṛicʼ kusi sana lekako colona,

2Timothi 2:17

Okoe nonkan kathako roṛ onkoakʼ cecetʼakʼ do sea buḍurokʼ ghao leka pasnao idikʼa. Ar nonkan hoṛko talarege Humenaeos ar Philetus hõ menakʼkinạ.

Mikạ 4:1

Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.

Mikạ 3:3

Ape do ińren hoṛkoakʼ jelpe jometʼkana, onkoakʼ harta chaḍaokate jaṅko dope rạputʼ gejereda; ape do celaṅ reakʼ jel leka onkope kuṭiyetʼkoa.

Jirimiạ 19:9

Onkoren bạiriko, metakʼme onkoakʼ jiwi sendrako do tinre onkoko gherao esetʼkoa un reakʼ ona kosṭokʼ oktere iń do onkoren hopon ar hoponerakoakʼ jeliń jom ocokoa ar mitʼke mitʼ hoṛ do ako aḍepaseren hoṛkoakʼ jelko joma.’

Jobakʼ 16:8

Ińakʼ hoṛmo dom osokʼ akatʼtińạ, onage iń upạrte goha hoyakana; ińak osokʼ akan dosage iń upạrte gohae emetʼkana.

Josuạ 24:27

Ar sanam hoṛkoe metatʼkoa, “Niạ dhiri do abo upạrte goha leka tahena. Probhu Isor abo ṭhen okako kathae menakatʼ ona do niạ dhirigeye ańjom akada. Ar aperen Isorpe baṅe enḍekhan noa do ape upạrtege gohae ema.”

Genesis 49:1

Tayomte Jakob do acʼren hoponko hohowatʼkoteye metatʼkoa, “Jotokoge iń ṭhen hijukʼpe. Ar tayom daram dinkore apeakʼ jionre cetʼko hoyokʼ onań lạiyapea.

Genesis 31:52

Noa ḍhipi ar dhiri khunṭi do noa goha mente tahẽyena, noa ḍhipi paromkate ạliń do abenakʼ cetʼge bạliń loksan tabena, ar aben hõ noa ḍhipi paromkate ạlińakʼ jãhãnakʼ cetʼge bạliń loksantạlińa.

Johan sodor 17:16

Ar oka gel goṭecʼ dereńem ńelketʼ onako ar uni janwar do uni kusmbiko hirkhạwaea. Onko do uniko maraoe giḍiyea arko uluṅea ar uniyakʼ jelko joma; ona tayom uni do seṅgelreko atar giḍikaea.

Genesis 31:48

Labane menkeda, “Teheń do noa ḍhipige alaṅ talare goha tahẽyena.” Ona iạte noa ḍhipi reakʼ ńutum do Galedkin dohokeda.

Aposkạmi 2:17

‘Mucạtʼ dinkore iń do sanam hoṛko cetanre ińren Jiu iń dulea; onate aperen hopon ar hoponerako do nạbi lekate Isorakʼ kathako lạiya, ar aperen juạnko do dorsonko ńama, ar aperen murubbiko do kukmũko ńela.