Jakob 5:13 - সান্তালী বাইবেল

¹³ Ape modre cetʼ jãhãe duke jomeda? Uni doe koejoṅ ma. Jãhãe sukre menaea?

Santali Common Language New Testament

¹³ Ape modre cetʼ jãhãe duke jomeda? Uni doe koejoṅ ma. Jãhãe sukre menaea?

Jakob 5:13 Referans Kwoze

Sereńko 50:15

Amakʼ muhinre hohowạńme; iń do amiń bańcaomea ar am do ińem manotińạ.”

Ephesiko lạgitʼ Pạul Apostolakʼ ciṭhi 5:19

ape do sereńko reakʼ sereńte ar sarhao sereńkote ar Jiuteakʼ õṛhẽakʼkote ape apere gapal maraope; ar apeakʼ ontorte Probhu Isor õṛhẽ sereńaepe.

Ibriko 5:7

Okoe gocʼko khone rukhiyạ daṛeae uni Isor ṭhen Jisu do noa dhạrtire tahen jokhecʼ ãṭ aṛaṅte rakʼateye nehõrade tahẽkana are koeleda. Ar bhokti sãote batao tahẽkantaete Isor do uniyakʼ koejoṅe ańjomletʼtaea.

Jona 2:7

“E Probhu Isor, tinre ińakʼ jiwi do oḍokʼ calakʼkan tahẽkana unre amiń disạketʼmea, ar ińakʼ koejoṅ do am ṭhen, amakʼ sonot oṛakʼre rakapʼena.

Hosea 6:1

Dela, abo do Probhu Isor ṭhen bon ruạṛ calakʼa. Unigeye or cirạ akatʼbona, ar unigeye boge bona; unige abo doe ghạl akatʼbona, ar unige aboakʼ ghaokoe bedhaokata bona.

Johan sodor 14:3

Ona siṅghạson ar onko ponea jiwiyanko ar onko mukhiyạko samaṅre onko do mitʼṭecʼ nãwã sereńko sereńkeda. Menkhan okoe hõ ona sereń do bako cetʼdaṛeada; eken onko mitʼ sae pongel pon hajar hoṛko cetʼdaṛeada okoe do dhạrtiren hoṛko khonko kiriń ocolen.

Luk 22:44

Ar Jisu do ala jhalareye paṛaoente arhõ jidkateye koekeda. Uniyakʼ hoṛmo reakʼ balbal dakʼ do mãyãm leka otre ṭhopʼ ṭhopʼ jorokʼ ehopʼena.

Mathae 26:30

Ado mitʼṭecʼ sarhao sereńate onko doko oḍokente Jạitun buruteko rakapʼena.

Daniel 5:4

Onko do darkha rasa ńũńũkan tulucʼ sona, rupạ, tama, mẽṛhẽtʼ, kaṭ ar dhiriren debotakoko sarhaoketʼkoa.

Sereńko 118:5

Iń do muhinreń paṛaoente Probhu Isoriń hohoadea; ar uni doe ańjomketʼtińạ ar mitʼṭecʼ ṭhạ̃ireye oḍok ạgukedińa.

Sereńko 91:15

Uniye hohowạńreń ańjomtaea; ar muhinre uni sãoteń tahena; uni doń rukhiyạyea ariń manotea.

Johan sodor 7:10

Ar ãṭ aṛaṅte hohokateko menetʼkan tahẽkana: “Okoe siṅghạsonreye duṛupʼ akan, aboren Isor ar Bheḍa Hopon titege kại khon bańcao do hoyakana.”

1 Korinthiko 14:26

E boehako, enḍekhan cetʼ iń mena? Manḍerre mitʼ ṭhenpe jarwakʼre ape modre okoe do sarhaoakʼ sereń menakʼtaea, okoe do cecetʼakʼ menakʼtaea, okoe do Isorakʼ sạritetʼ sodorakʼ menakʼtaea, okoe do eṭakʼ pạrsite cecetʼakʼ menakʼtaea; arhõ okoe do ona reakʼ bhede bhaṅgaoetʼkana. Onate jãhãe jãhãnakʼgeye ceka kan, ona jotowakʼ do jemon manḍer benao rakapʼakʼ mente hoyokʼ.

Luk 23:42

Tayomte uni doe menkeda, “E Jisu, amakʼ rajosṭirem ruạṛ hecʼlenre iń hõ disạyińme baṛe.”

Mikạ 4:5

Jạt jạtrenko do akoren debotakoakʼ daṛeteko kạmiyetʼre hõ abo do jaejug aboren Probhu Isorakʼ daṛete bon kạmi idiyma.

Sereńko 105:2

Uni lạgitʼ sereńpe ar unige sarhaoepe; ar uniyakʼ sanam hahaṛa kạmi reakʼ katha lại jạhirpe.

Sereńko 95:2

Dela, sarhao sereńate uni samaṅre bon calakʼma, ar õṛhẽ sereńte uni ńutumte bon rạskạkʼma.

Sereńko 18:6

Iń do muhinre ińren Probhu Isoriń hohowadea ar goṛo ńam lạgitʼ uni ṭheniń rakʼkeda. Acʼakʼ tahen ṭhạ̃i khon uni do ińakʼ aṛaṅe ańjomketʼtińạ; ińakʼ rakʼjoṅ do uniyakʼ luturre seṭerena.

Jobakʼ 33:26

Uni do Isor ṭhene koejoṅa ar uni doe dayawaea; uni do Isorakʼ mẽtʼãhã ńelte rạskạteye andoṛa; Isor do miridos halotreye ruạṛ ạguyea.

1 Bõsbudạ 16:9

Uni ńutumte sereńpe, uni sarhao sereńaepe; uniyakʼ sanam hahaṛa kạmi reakʼ katha lạipe.

Jesaea 65:14

Ontorre rạskạ iạte ińren golamko doko sereńjoṅa, menkhan ape do mon reakʼ jalatepe raga ar rạputʼ ontor iạtepe hae haeyokʼa.

1 Korinthiko 14:15

Enḍekhan cetʼ cekae jạruṛtińạ? Iń do Jiuteń koejoṅa, ar ạkilte hõń koejoṅa; ar Jiuteń sereńa ar ạkilte hõń sereńa.

Jakob 5:10

E boehako, okoe nạbiko Probhu Isor secʼ khon kathako roṛakatʼ, ar kosṭo oktere cetʼlekako sombhuri akatʼ tahẽkana ona katha do hudiskate ńelpe.