Jakob 4:9 - সান্তালী বাইবেল

⁹ Dukre do bhabnakʼpe ar hae haeyokʼre do rakʼjoṅpe. Apeakʼ landa do hae haete sodorpe ar rạskạ bodol do dukokʼpe.

Santali Common Language New Testament

⁹ Dukre bhabnakʼpe ar hae haeyokʼre rakʼjoṅpe. Apeakʼ landa do hae haete sodorpe ar rạskạ bodol do dukokʼpe.

Jakob 4:9 Referans Kwoze

Mathae 5:4

Dukokʼ kogeko bhạgana, ente onko do jiwi raṛecʼko ńama.

Kạhtukko 14:13

Landaere hõ mon reakʼ duk do tahengea, ar rạskạ mucạtʼre hõ hirdạnige.

Luk 6:25

Hae ape bi akanko do! Ape do reṅgecʼpea. Hae ape landakanko do! Ape dope dukokʼa arpe rakʼjoṅa.

Sereńko 119:67

Kosṭo ńam lahare iń do eṭakʼ horreń tahẽkan, menkhan ńitokʼ do amakʼ kathareń gobol akana.

Jeheskel 16:63

Iń do tinre amakʼ sanam behokakʼ iń ikại tama unre am do onako behok reakʼ katha disạitem lajaokʼa ar amakʼ bemanot iạte tishõ moca do bam jhijtama. Iń Probhu Isorge noa katha doń meneda.”

Jeheskel 7:16

Ar okoe jiwetʼko tahen arko ńir bańcaokʼ onko do jotoge buru boṭkocʼkoreko tahena ar mimitʼko do akoakʼ kại lạgitʼ buru nalaren potam lekako homor halaṅa.

Luk 16:25

“Menkhan Abrahame menkeda, ‘disạime, am do jiwetʼem tahẽkanre tinạkʼ sukem jomleda ar Lasar do tinạkʼe sasetlena. Menkhan nonḍe uni do jiwi raṛecʼe ńameda ar am dom sasetokʼkana.

Jobakʼ 30:31

Ińakʼ peṛesaṅ khon duk reakʼ saḍe oḍokokʼ kana, ar tiriạ khon do homor halaṅ reakʼ saḍege.

Luk 6:21

Bhạgangeape, ape okoe ńitokʼ reṅgecʼetʼpe, ente ape dope bi ocokʼa. Bhạgangeape, ńitpe rakʼjoṅ kanko do, ente ape dope landa joṅa.

Rak̕joṅ 5:15

Aleakʼ mon khon rạskạ do caba akana ale do enecʼ baṅkatele halaṅ homoreda.

Jirimiạ 31:13

Kũạri kuṛiko doko enecʼa arko rạskạ joṅa, juạnko ar haṛamko hõ bako badokʼa. Onkoakʼ homor halaṅ do rạskạteń pheraotakoa; duk bodolte jiwi raṛecʼ ar rạskạń emakoa.

Jirimiạ 31:9

Onko do rakʼ rakʼteko hijukʼa; ar tinre onkoń ruạṛ ạgukoa unre onko do koe koeteko hijukʼa. Onko do otte ar gaḍa dakʼko secʼteń taṛam ocokoa; onḍe onko do bako tohodokʼa, ente iń do Israelren, metakʼme Eprayimren apat kạnạń ar uni do ińren pạhil janamicʼ hopon kanae.

Sosolhayic̕ 2:2

Ińiń menkeda, “Landare hõ bebuj menakʼa, ar hesecʼ sekrejokʼre hõ baṅ cetʼ porho!”

Sereńko 119:71

Okaṭakʼ kosṭoń ńamakatʼ ona do iń lạgitʼ bhagege hoyakana; onate iń do amakʼ ạnkoń cetʼ daṛe akawada.

Sereńko 119:136

Ińakʼ mẽtʼdakʼ do ạtukʼkantińạ ente hoṛko do amakʼ hukum bako manaoeda.

Nehemiạ 8:9

Ona tayom disạm cakʼlaoyicʼ Nehemiạ, naekeko ar dhorom guru Esra ar okoe Liwiko do hoṛkoko cetʼako kan tahẽkan onko do sanam hoṛko metatʼkoa, “Teheńakʼ niạ din do aperen Probhu Isor ńutumte sonotakʼ din kana. Ape do alope homora se alope raga.” Uni do niạ kathae menkeda, ente sanam hoṛge ạn-ạri reakʼ katha ańjomkateko rakʼetʼ tahẽkana.

Mathae 21:41

Sostor baḍaekoko menkeda, “Uni do onko bạṛicʼ hoṛkoe maraokoa ar okoe cacasako okte nạpitre acʼakʼ jo reakʼ bhagko emae onko ṭhene bạisạu oṭokakʼa.”