Jakob 4:8 - সান্তালী বাইবেল

⁸ Isor ṭhen sorokʼpe, enḍekhan uni hõ ape ṭhene sorokʼa. E kạiyanko, ape do apnartege saphakʼpe. E bar monan hoṛko, apeakʼ ontor baṛe khạṭi dohoype.

Santali Common Language New Testament

⁸ Isor ṭhen sorokʼpe, enḍekhan uni hõ ape ṭhene sorokʼa. E kạiyanko, ape do apnartege saphakʼpe. E bar monan hoṛko, apeakʼ ontor khạṭi dohoepe.

Jakob 4:8 Referans Kwoze

Sereńko 145:18

Okoe Probhu Isorko hohowae, ar ontorteko hohowae kan, uni do onko ṭhengeye tahenkana.

Ibriko 10:22

Onate pạtiạu talate oka khạṭitetʼ hijukʼkan, ona sạbit utạrakʼ khạṭi ontorte Isor samaṅre bon calakʼma; ente dusi bibek reakʼ ti khon aboakʼ ontor do mãyãm chiṭiạukate sapha ocoakana ar phạriạ dakʼte hoṛmo do um sapha akan tabona.

Malaki 3:7

Aperen hapṛamko okte khonge ape do ińakʼ sanam ạn-ạri khonpe ocokʼakana ar palon hõ bape palon akada. Iń ṭhen ruạṛ hijukʼpe, ar ińhõ ape ṭheniń ruạṛ hijukʼa. Menkhan apepe meneda, ‘ale do cekatele ruạṛ hijukʼa?’

Sakariạ 1:3

Ona iạte am do hoṛkom metakoa, phạdkoren Probhu Isore meneda, ‘iń ṭhen ruạṛ hijukʼpe, enḍekhan iń hõ apeń beṅgetʼapea.

2 Bõsbudạ 15:2

Unre Asariạ do Asa tulucʼ ńapamokʼ lạgitʼe oḍok senenteye menkeda, “E Asa, E Jihudạ ar Benjạminren sanam hoṛko, ińakʼ katha ańjompe. Ape tinạkʼ din Probhu samaṅrepe tahen unạkʼ din uni hõ ape sãoteye tahẽna. Uniyakʼ monejoṅakʼ baḍaeteakʼ menakʼtape khan ona dope daṛeakʼa, menkhan unipe bạgiyae enḍekhan uni hõ apeye bạgi giḍipea.

Jirimiạ 4:14

E Jerusalem, amakʼ ontor reakʼ bạṛicʼakʼko ạrupʼ saphaeme jemon bańcaoem ńam. Ar mon reakʼ bạṛicʼ hudisko hõ ar tinạkʼ dinem dohokakʼa?

1 Johan 3:3

Okoe Mạsire noa ase dohoy uni do apnare khạṭikʼ kana cetʼleka Mạsiye khạṭige.

Sereńko 51:10

E Isor, amge ińre khạṭi ontor sirjạume; ar ińakʼ mon baṛe nãwã aroytińme.

2 Korinthiko 7:1

E dulạṛiạ gateko, abon lạgitʼ noako gokʼakʼ menakʼte delabon, jel ar jiu reakʼ joto chut khon apnar bon saphakʼma, ar Isor botorae tulucʼ sonot reakʼ hortebon laha idikʼma.

Jeheskel 18:31

Apeakʼ sanam ghạṭko ape khoniń sạṅgiń giḍikatapea ar apeakʼ mon ar ontor do nãwãte benao rakabtape. Cedakʼpe gujukʼa?

Sereńko 73:28

Menkhan Isor tulucʼ iń tahen do bhạlạige; Probhu Isor do ińakʼ aotan gaṛiń hoyoco akadea, jemon uniyakʼ sanam kạmi reakʼ kathań porcar daṛeakʼ.

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

1 Patras 3:21

Noa do hoyokʼ kana bạptisma reakʼ mitʼṭecʼ nạmuna one okaṭakʼte ńitokʼe bańcaope. Bạptismate apeakʼ hoṛmo khon mạilại ocokʼ giḍi daṛeakʼa ona do baṅ; Isor ṭhen noa do mitʼṭecʼ bhage bibek reakʼ hohokana. Ape do Jisu Mạsiyakʼ gujukʼ ar jiwetʼ beredokʼ hotetepe bańcao ocoakana.

Jobakʼ 17:9

Menkhan dhorom hoṛ do akoakʼ horteko laha idikʼa, ar okoeyakʼ ti saphage onko do dinke dinko daṛe idikʼa.

Mathae 12:33

“Noa katha do aṅgocpe je, dare bhagege khan jo hõ bhagege hoyokʼa, ar dare bạṛicʼge khan jo hõ bạṛicʼge hoyokʼa; ente jotege dare do oromokʼa.

1Timothi 2:8

Ińakʼ monejoṅakʼ do noage, herel hopon do sanam jaegare edre se jhogṛa baṅkate sapha monte sonot ti tulkate jemonko koejoṅ.

Jesaea 29:13

Probhu Isore meneda, “Noko do mocategeko ganaoedeńkana ar luṭitegeko manotedeńkana, menkhan onkoakʼ ontor do iń khon sạṅgińgetakoa. Onko do manwa cecetʼakʼ niạmkote ińko sewawạń kana.

Sereńko 24:4

Eken uni kangeae lekicʼ do, okoeyakʼ ti do miridosgetae, ar ontor hõ khạṭigetae, ar eṛeyakʼ secʼ mon hõ bạnukʼtae. Ar mocare eṛe kiriạ hõ bạnukʼtae.

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onatege biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.

Sereńko 18:20

Ińakʼ dhorom kạmi lekatege Probhu Isor doe dan akawạdińa, ar ińakʼ kạmi reakʼ napaetetʼ iạtege kuṛạiye emadińạ;

Jakob 1:8

Uni doe bar monan hoṛkana ar joto kạmirege bae ṭarhaokʼa.

Sereńko 26:6

E Probhu Isor, iń do miridoste tikiniń ạrupʼtińạ ar amakʼ pinḍ beṛhaeteń ạcur hijukʼa,

Aposkạmi 15:9

Uni do abo ar onko talare jãhãn begar do bae dohoakada, ente onkoko pạtiạu akante uni do onkoakʼ ontore sapha akatʼtakoa.

Genesis 18:23

Ar Abraham do Probhu Isor ṭhen sorenteye menkeda, “Menkhan am do cetʼ bạṛicʼ hoṛko sãote dhorom hoṛko hõm maraokoa?

Jobakʼ 16:17

Enhõ iń do celege bạń jor julum akatʼkoa ińakʼ koejoṅ do saphagetińa.

Mathae 15:2

“Amren celako do cedakʼ hapṛamko khon hecʼ ạguwakʼ ạn bako manaoeda? Onko do jom lahare ti bako ạbukokʼ kana.”

Jirimiạ 4:11

Unre Probhu Isor do onko hoṛ ar Jerusalemren koe metatʼkoa, “Hahaṅkar reakʼ ceḍe ḍuṅgriko khon lolo hoe do ińren hoṛko secʼ hijukʼkana, menkhan phosol oṭaṅ saphae lạgitʼ do baṅkana;

Jobakʼ 9:30

Iń do sạbunteń ạbukʼ saphakʼre hõ ar kharte tiyiń saphakʼre hõ,

Jesaea 13:15

Ar okoeko ńamokʼ onko do khanḍateko ghạl ocokʼa; ar okoeko sapʼ ocokʼ onko do tarwaṛeteko gocʼ ocokʼa.

Sereńko 73:13

Ińakʼ ontor do ạuṛiyakʼge khạṭiń dohoakatʼtińạ, ar ińakʼ ti do ạuṛiyakʼge dhoromiń dohoakada.

Mathae 27:24

Pilạt do cetʼ hõ bae dhejeda bickom arhõ gulmal hoyokʼ kane ńelketʼ khan dakʼ hataokate hoṛko samaṅre ti ạbukenteye menkeda, “Nui hoṛakʼ mãyãm lạgitʼ iń do bạń dạyikokʼa; apege ńeljoṅpe.”

1 Samuel 14:35

Ar Sạul do Probhu Isor ńutumte onḍe mitʼṭecʼ pinḍe benaokeda. Ar onage Probhu Isor ńutumte uniyakʼ benaoakʼ pạhil pinḍ hoyena.

Sereńko 119:113

Bar monan hoṛko do bạń kusiyakoa, menkhan amakʼ hukum doń dulạṛeda.

Jesaea 58:2

Onko do dinke din ińko ńam baṛańkana ar ińakʼ hor bakʼḍae lạgitʼko rạskạkʼ kana; onko do nonkan jạtren kanako okoe do dhoromko kạmikante Isorakʼ ạn bako bạgiyakʼkan; onko do iń ṭhen dhorom bikʼcạrko khojkana jemon Isor ṭhen hijukʼ lạgitʼko rạskạkʼ.

Jakob 3:17

Menkhan oka akel serma khon hijukʼkan ona do pạhilre khạṭi, ar ona tayom do sulukte perecʼgea; onare sahao daṛe ar mạ̃hirtetʼ tahena; ona do daya ar bhage kạmire perecʼtetʼge, bin digdhạ ar bin phạsiarawakʼge.

Rak̕joṅ 3:57

Amiń hohoatʼme tahẽkanre am do sorregem ńamena, Arem metadińạ, “Alom botorokʼa. ”