Jakob 4:2 - সান্তালী বাইবেল

² Ape dope lalocakʼ kana menkhan bape ńameda. Ape dope khũneda arpe lalocetʼkana, menkhan okaṭakʼpe khojkan ona do bape ńameda. Ape do jhogṛa arpe lạṛhại kana, enhõ apeakʼ do cetʼge baṅ tahenkana, ente ape do Isor ṭhen bape khojetʼkana.

Santali Common Language New Testament

² Ape dope lalocakʼ kana menkhan bape ńameda. Ape dope khũneda arpe lalocetʼkana, menkhan okaṭakʼpe khojkan ona do bape ńameda. Ape do jhogṛa arpe lạṛhại kana, enhõ apeakʼ do cetʼge baṅ tahenkana, ente ape do Isor ṭhen bape khojeda.

Jakob 4:2 Referans Kwoze

Johan 16:24

Ape do ńit hạbicʼ iń ńutumte jãhãnakʼge ạuripe koea. Koepe, adope ńama jemon apeakʼ rạskạ purạukʼtape.

Jakob 1:5

Apeko modre jãhãe akelteye khaṭoge khan uni do Isor ṭhene koejoṅ ma, ar Isor do onae emaea, ente uni do begor ạṛiste mimitʼko asambheṛe danakoa.

Johan 4:10

Jisu do uni maejiue roṛ ruạṛadea, “Isorakʼ danem baḍaele khan ar okoe am ṭhen dakʼe kokoe kana enḍekhan amge honaṅ uni ṭhen dakʼem koekea ar uni do jiwetʼ dakʼe emkema.”

Kạhtukko 1:19

Bạṛicʼ upạite jãhãnakʼ lab lạgitʼ okoeko dạdạrkan onko sanamkoakʼ dosa do onkage hoyokʼtakoa; ar okako lab onate onkoakʼ jion do nosṭokʼtakoa.

Habakkuk 2:5

Bạḍạite perecʼ Babel sãote darkha rasa doe bepạtiạr akada, uni doe andesale ocoyedekana. Uni do Seoulre leka lalocicʼ ar gujukʼicʼ leka tishõ bae tirpitokʼa; uni do sanam jạtrenko acʼ ṭhene jarwayetʼkoa ar bondikateye idiyetʼkoa.

Jesaea 7:12

Menkhan Ahase menkeda, “Iń do ona bạń meneda, ar Probhu Isor hõ bạń biḍạuea.”

Sosolhayic̕ 4:8

Mitʼṭen hoṛ doe eskargea-uniren do gidrạ hõ bạnukʼkotaea; ar boeha hõ bạnukʼkotaea; enhõ uniyakʼ khaṭaokʼ reakʼ ses do bạnukʼtaea ar dhon duribte hõ mẽtʼ do baṅ tirpitokʼ kantaea. Uni doe kuliyana, “Okoe lạgitʼ iń khaṭaokʼ kana? Ar hesecʼ sekrecʼjokʼ khon do cedakʼ iń pharak akana?” Niạ do ạuṛiyakʼgea, ar haron bạḍkana.

Jakob 5:6

Ape do dhorom hoṛkope dusi akatʼkoa arpe gocʼ akatʼkoa, ar onko do bako tạkicʼ daramletʼpea.

1 Johan 3:15

Okoe boehae kurudaekan uni doe khũniạhi kana. Ar cele khũniạhi hõ jaejug jion do bae ńama ona dope baḍaegea.

1 Rapajko 21:6

Raj do uniye roṛ ruạṛadea, “Jisriyelren Nabatiń metade tahẽkana uniyakʼ darkha bagwan jemon iń ṭhene ạkhriń ar ona bodolte eṭakʼ mitʼṭecʼ darkha bagwan hõ emaeyiń menleda, menkhan uni do acʼakʼ ona darkha bagwan imạń bae rebenlena.”