Jakob 3:9 - সান্তালী বাইবেল

⁹ Noa alaṅte aboren Probhu Isor, metakʼme Isor Baba bon sarhaoede kana, arhõ noa alaṅte uniyakʼ muṭhạnte benao akan hoṛ bon sarapako kana.

Santali Common Language New Testament

⁹ Noa alaṅte aboren Probhu, metakʼme Isor Baba bon sarhaoede kana, arhõ noa alaṅte uniakʼ muṭhạnte benao akan hoṛ bon sarapako kana.

Jakob 3:9 Referans Kwoze

Sereńko 10:7

Uniyakʼ moca do sarap, ṭhok ar jorjulumte perecʼgea; uniyakʼ alaṅre do behok ar bạṛicʼakʼ reakʼ katha menakʼa.

Sereńko 62:4

Uniyakʼ cetan hudạ khon latarte pheḍege onkoakʼ motlob do; ar eṛe kathage onkoakʼ rạskạteakʼ do. Mocatege onko do bhorko emokʼa ar ontorte doko sarapakoa. (Sela)

Sereńko 59:12

Onkoakʼ moca reakʼ kại ar luṭi reakʼ kathare okaṭakʼ ạsis ar eṛeteakʼ menakʼ, onate onkoakʼ bạḍại iạteko sabokʼma.

Genesis 9:6

Isor do manwa acʼlekageye sirjạu akadea; onate jãhãn manwa jodi jãhãeye khũne enḍekhan eṭakʼ armitʼ hoṛ do uni khũniạhi hoṛakʼ jiwiye hataotaea.

Aposkạmi 2:26

Noa iạte ińakʼ mon do rạskạte perejokʼ kana, ińakʼ alaṅ do rạskạ reakʼ kathae roṛa, ar ińakʼ hoṛmo hõ aste bańcaokʼtińạ;

2 Samuel 19:21

Unre Seruya hopon Abisae menkeda, “Simai do Probhu Isorren ojokʼicʼ hoṛe sarapade tahẽkante cetʼ gocʼ ocokʼ lek doe baṅ kana?”

Genesis 5:1

Noa do hoyokʼ kana Adam bõsrenkoakʼ katha. Isor do acʼleka, acʼakʼ muṭhạn lekage manwae sirjạukedea;

1 Korinthiko 11:7

Herelakʼ bohokʼ dapal do lek baṅkana, ente Isor do acʼlekage herele sirjạu akadea ar herel hotetege Isorakʼ ṭhonok do sodor akana. Menkhan maejiu hotete herelakʼ do ṭhonok sodorokʼa.

Romiko lạgitʼ Pạul Apostolakʼ ciṭhi 3:14

Onkoakʼ moca do sarap ar haṛhatʼte perecʼgetakoa.

Mathae 26:74

Unre Patras doe sarapana ar kiriạyente memene ehopʼena, “Uni hoṛ do baḍae hõ bạń baḍae akadea.” Ar unrege saṭmente sim sạnḍiye rakʼgotʼkeda.

Mathae 5:44

Menkhan ińiń metape kana, aperen bạiriko dulạṛkope. Ar okoe apeko santaoetʼpe onko do koeakope.

Jesaea 29:13

Probhu Isore meneda, “Noko do mocategeko ganaoedeńkana ar luṭitegeko manotedeńkana, menkhan onkoakʼ ontor do iń khon sạṅgińgetakoa. Onko do manwa cecetʼakʼ niạmkote ińko sewawạń kana.

Sosolhayic̕ 7:22

ente am do amakʼ ontorem baḍaegea, am hõ eṭakʼko ḍher dhaoem sarap akatʼkoa.

Sereńko 108:1

E Isor, ińakʼ mon do uricʼgea; iń do ińakʼ goṭa ontorteń sereńama ariń õṛhẽmea.

Sereńko 71:24

Ińakʼ moca do siń sạṭupʼ amakʼ kạmi reakʼ kathageye lạiya, ente muhinre paṛao ocoyiń lạgitʼ okoeko kurumuṭukan tahẽkan onko do lajao arko bemanot ocoakana.

Sereńko 63:4

Iń do jiwetʼ tahen bhor amiń sarhaomea; ar am ṭhen iń do ti tulkateń koejoṅa.

Sereńko 57:8

E ińakʼ ontor, ma ebhenokʼ me; binạ banam ar peṛesaṅ, ebhenokʼben; iń do aṅga marsaliń ebhen ocoyea.

Sereńko 51:14

E Isor, ińren babańcaoicʼ Isor, khuniạhi khon bańcaoińme; onate ińakʼ moca do amakʼ sarhaoe lại jạhira.

Sereńko 35:28

Iń do alaṅte amakʼ dhorom bicạr reakʼ kathań roṛa, ar goṭa dinge amiń sarhao sereńa ma.

Sereńko 34:1

Iń do sanam okte Probhu Isoriń sarhaoea; ińakʼ mocare uniyakʼ sereń do mitʼtalaoge tahena.

Sereńko 30:12

Jemon ińakʼ ontor hape alo tahentiń bickom am lạgitʼgeń sereń. E Probhu, ińren Isor, iń do jaejug amiń sarhaomea.

Sereńko 16:9

Ona iạte ińakʼ mon do rạskạte perejokʼ kana, ar ińakʼ ontor doe hulạsokʼ kana ar ińakʼ hoṛmo do khạtirjoma tahentińạ;

1 Bõsbudạ 29:20

Tayomte Dạud do sanam hoṛkoe metatʼkoa, “Ape do aperen Probhu Isor sarhaoepe.” Unre onko jotoge akoren hapṛamkoren Probhu Isorko sarhaokedea ar Probhu Isor ar raj ńutumte ombakʼenteko ḍobokʼadea.

1 Bõsbudạ 29:10

Dạud do sanam hoṛko samaṅre noa menkate Probhu Isor sarhaoeye ehopʼena, “E Probhu Isor, aleren hapṛam Israelren Isor, etohopʼ khon mucạtʼ hạbicʼ amakʼ sarhaoge hoyokʼtam ma.

2 Samuel 16:5

Dạud raj do tinre Bahurimteye seṭerena unre Sạulakʼ bõsren mitʼṭen hoṛ do onḍe khone oḍok hecʼena. Uni do Geraren hopon Simaiye tahẽkana. Uni doe sarap ạguyetʼ tahẽkana.

Bikʼcạrko 9:27

Onko do akoakʼ khetre senkate darkha joko lenkeda arko porobena. Onko do akoren debotawakʼ mundilte senkateko jom-nũkeda ar Abimelekko sarapadea.

Ephesiko lạgitʼ Pạul Apostolakʼ ciṭhi 1:3

Aboren Probhu Jisu Mạsiren Baba ar Isorakʼ sarhao hoyokʼtae ma. Abo do Mạsi tulucʼ bon kolom mitʼ akante Isor do serma reakʼ mitʼke mitʼ jiuanakʼ bhore dan akatʼbona.

Sereńko 145:21

Ińakʼ moca do Probhu Isorakʼgeye sarhao sereńa; ar sanam jiwiyanko do piṛhike piṛhi uniyakʼ sonottetʼko sarhaotaea.

Sereńko 145:1

E ińren Isor, E raj, iń do amiń sereńama; iń do jaejugiń sarhaomea.

1 Patras 1:3

Aboren Probhu Jisu Mạsiren Isor ar Babawakʼ sarhao hoyokʼtae ma. Jisu Mạsi gocʼko khone jiwetʼ beretʼkedete Isor do acʼakʼ maraṅ dayate nãwã janame dan akawatʼbona. Ona iạte abo do mitʼṭecʼ jiwetʼ as bon ńam akada,

Jakob 1:27

Rạnḍi maejiu ar tũạr amarko dukokʼ jokhecʼ hiriko ar dhạrti reakʼ joto lekan bạṛicʼakʼ khon apnartetʼ sahaṛ akae tahenge hoyokʼkana Isorakʼ mẽtʼre sạri dhorom ar khạṭitetʼ.

Jakob 3:10

Aboakʼ inạ moca khonge sarhao ar sarap noa banarge oḍokokʼ kana. E ińren boehako, nonka hoyokʼ do baṅ bhagea.