Jakob 3:13 - সান্তালী বাইবেল

¹³ Ape modre akel ar budan hoṛ doe okoekana? Uni do acʼakʼ bhage cạl-colonte akel khon oḍokokʼkan mạ̃hirtetʼ reakʼ kạmiye udugma.

Santali Common Language New Testament

¹³ Ape modre akel ar budan hoṛ doe okoe kana? Uni do acʼakʼ bhage cạl-colonte akel khon oḍokokʼkan mạ̃hirtetʼ reakʼ kạmiye udugma.

Jakob 3:13 Referans Kwoze

Galathiko lạgitʼ Pạul Apostolakʼ ciṭhi 5:23

mạ̃hir ar sambṛaokʼ. Ar nonkanakʼko upạrte ạn do bạnukʼ anaṅ.

Jakob 3:17

Menkhan oka akel serma khon hijukʼkan ona do pạhilre khạṭi, ar ona tayom do sulukte perecʼgea; onare sahao daṛe ar mạ̃hirtetʼ tahena; ona do daya ar bhage kạmire perecʼtetʼge, bin digdhạ ar bin phạsiarawakʼge.

Mathae 5:5

Mạ̃hir kogeko bhạgana, ente dhạrti do onkogeko ạidạrijoṅa.

Kolossiko lạgitʼ Pạul Apostolakʼ ciṭhi 3:12

Onate Isor okoekoe bachao akawan onko sonotko ar dulạṛiạko lekate mãyãkʼ mon, dulạṛ, mạ̃hir, nindhạn ar soborite apnar sajokʼpe.

1 Patras 2:12

ente onako do aperen Jiu upạrteye lạṛhại kana. Okoe Isor bako baḍae akade onko talare ape do dhoromte colonpe jemon bedhoromko menteko dusạulepere hõ apeakʼ bhage kạmi ńelte ar bicạr dinre apeakʼ ona kạmiko iạte Isorko sarhaoe.

Titus lạgitʼ Pạul Apostolakʼ ciṭhi 3:2

Onko do okoeyakʼ hõ jemon aloko nindạu se aloko jhogṛakoma, bickom soṛa monanko hoyokʼte sanamko tulucʼ mạ̃hir salakʼ jemonko beohar.

2Timothi 2:25

Okoe uni upạrteko teṅgokʼ onko do mạ̃hir salakʼe cetʼako ma. Ona cecetʼakʼ do noa asteye emakoma, Isor do mon ạcur reakʼ ạte emakote onko do Isorakʼ sạriyakʼtetʼ reakʼ khạndritetʼ jemonko baḍae daṛeakʼ.

Philipiko lạgitʼ Pạul apostolakʼ ciṭhi 1:27

Joto khon maraṅ katha do hoyokʼ kana, ape do nonka leka jion khemaope one okaṭakʼte Mạsi reaṅ bhage sombat reakʼ lek kan. Enḍekhan iń apnarte hecʼkateń ńelpe se sạṅgiń khon apeakʼ kathań ańjom, ar iń baḍae baṅma, ape do mitʼ Jiurepe teṅgo ṭak akana mente ar bhage sombat hotete okaṭakʼ biswạs hijukʼkan ona lạgitʼ mitʼtepe khaṭaokʼ kana.

1Timothi 6:11

Menkhan am do Isorren hoṛ kanam; noako khon men ńirjoṅme. Ar dhorom, Isor bhokti, biswạs, dulạṛ, sobori, ar mạ̃hir baṛe khudạu me.

Jakob 2:18

Jãhãeko mendaṛekea, “Am do biswạs menakʼtama ar ińakʼ do kạmiko menakʼtińạ.” Kạmiko begorte amakʼ biswạs udukʼạńme ar iń do kạmi hotete ińakʼ biswạiń udukʼama.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Jakob 1:21

Onate joto lekan bedhorom ar bạṛicʼakʼko ńit hõ apeakʼ jionre menakʼ khan ona do bạgiyakʼpe. Isorakʼ katha reakʼ itạ one oka do apeakʼ ontorre rohoe akan ona baṛe mạ̃hir salakʼ ataṅpe. Ar kại khon bańcaope reakʼ ektiạri do noa katharege menakʼa.

Sosolhayic̕ 8:1

Ạkilanicʼ leka do okoe menaea? Katha reakʼ bhed bhaṅgao do okoeye baḍaea? Ạkil do manwawakʼ mẽtʼãhãe malkao ocoyetʼtaea ar uniyakʼ mẽtãhã reakʼ ṭheṭamu do pheraokʼkana.

Sereńko 107:43

Okoeye ạkilan hoṛkan uni do ona reaṅe moneyakʼma ar Probhu Isorakʼ asambheṛ dulạṛ reaṅ hõ mońjteye hetawakʼma.

1Timothi 4:12

Amakʼ koṛa umer do okoe hõ aloko neṅghaotam ma. Menkhan pạtiạuko lạgitʼ nạmuna baṛe hoyokʼme, amakʼ kathare, amakʼ cạl-colonre, amakʼ dulạṛre, amakʼ biswạsre ar sonotre.

2 Korinthiko 10:1

Mạsiyakʼ mạ̃hir ar daya reakʼ katha disại tulucʼ iń Pạul do apeń nehõrape kana. Hoṛko mena, ape ṭhen tinreń tahen unre doń nindhạnokʼ kana, menkhan tinre bạń tahen unre do dilanicʼ iń hoyokʼkana.

Mathae 11:29

Ińakʼ arãṛ gogpe ar iń ṭhen khon cetʼ joṅpe, ente iń do mạ̃hir ariń nindhạngea.

Jakob 3:1

E boehako, ape modre sanamkoge guru do alope hoyokʼa, entepe baḍaegea, abo do guru iạte eṭakʼko khon arhõ kajak bicạr hoyokʼtabona.

Ephesiko lạgitʼ Pạul Apostolakʼ ciṭhi 4:2

Apeakʼ colon do jemon purạte nindhạn ar mạ̃hir hoyokʼ. Sombhuripe ar dulạṛ monte mimitʼko tulucʼ sapahaokʼpe.

Galathiko lạgitʼ Pạul Apostolakʼ ciṭhi 6:4

Mimitʼ hoṛ do akoakʼ kạmiko biḍạuma. Enḍekhan eṭakʼko sãote apnar aloko jurikʼma bickom acʼakʼ kạmi iạteye sarhaokʼma.

Galathiko lạgitʼ Pạul Apostolakʼ ciṭhi 6:1

E boehako, ape modre jãhãe hoṛ jãhãn dosreye paṛaolenre, enḍekhan okoe sonot Jiu tabere menakʼpe ape do onkanicʼ jut ruạṛepe. Menkhan dulạṛ monte noa kạmipe ar apnartetʼ sontor tahenpe jemon ape hõ kạire alope ńurokʼ.

2 Korinthiko 8:24

Onateń mena, onko ṭhen apeakʼ dulạṛ do sodortege sạbud ocoytape ar udukʼakope cedakʼ ale do ape iạtele sarhaokʼkana, ar manḍerrenko jemon onako ńelńam.

Daniel 2:21

Unige okte ar nạpitko acʼakʼ tabereye dohoyetʼkana; unige rapajko siṅghạsonreye duṛupʼetʼkoa are ńur ocoyetʼkoa. Uni do ạkilanko ạkile danako kana ar budanko do bude emakokana.

Mathae 21:5

“Sionren hoponera metaepe, ńelme amren raj do am ṭhene darae kana; uni do mạ̃hir ar gadhare decʼakan; ar mitʼṭen gadha hopon, ladhna janwar hoponre.”

Sephaniạ 2:3

E disạmren sanam mạ̃hir hoṛko, ape okoe do Probhu Isorakʼ hukum lekape kạmikan, ape do uniyakʼ sanaleka dhoromte ar mạ̃hirte calakʼpe; enḍekhan Probhu Isorakʼ edre reakʼ dinre ape do hoedaṛeakʼa asraype ńama.

Jirimiạ 9:12

Jãhãe nonkan ạkilanicʼ menaea, okoe do onae bujhạu daṛeakʼ? Probhu Isor ṭhen khon ańjomkate okoe ona do eṭakʼkoe baḍae ocodaṛekekoa? Okaṭakʼ disạm do jarkhar iạte hahaṅkar leka roṅgo akan, ar onkate do celege bako paromokʼ kana?

Jesaea 61:1

Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombatiń danako. Uni doe kol akadińạ rạputʼ monanko bogeko lạgitʼ, bondi akanko ṭhen sạdhinokʼ reakʼ katha lại jạhir lạgitʼ; kạd oṛakʼre tol akanko ṭhen chaḍaokʼ reakʼ katha sodor lạgitʼ;

Sereńko 149:4

Ente Probhu Isor do acʼren hoṛko iạteye rạskạkʼa; uni do mạ̃hir hoṛko bańcaokateye manotkoa.

Jobakʼ 28:28

Ona tayom uni do manwae metadea, ‘Probhu Isor botoraege hoyokʼ kana ạkil do, ar bạṛicʼ khon sahaṛokʼge hoyokʼ kana buj do.

Numeri 12:3

Mose do ạḍi mạ̃hir hoṛe tahẽkana, uni do dhạrtiren sanam manwako khon hõ mạ̃hirge.

1 Patras 3:4

bickom okaṭakʼ reakʼ cehratetʼ baṅ maraokʼ, ona mạ̃hir ar nindhạn colonte apeakʼ ontor sajaotape. Isorakʼ mẽtʼãhã samaṅre onage bạ̃ṛti damanakʼ kana.

1 Korinthiko 6:5

Iń do lajao ocope lạgitʼge noa katha doń roṛeda. Ape talare akelan nonkanicʼ cetʼ jãhãe bạnuea, one okoe do apnar boehako talare gulmalkoe bicạr chinḍạu daṛeke?

Mathae 7:24

“Onateń metapekana, jãhãege noako kathae ańjom ar ona lekae calakʼ uni do nonkan budan hoṛ kanae, okoe do dhiri cetanre oṛakʼe benaoketʼ.

Jirimiạ 9:23

Probhu Isore meneda, “Ạkilan hoṛ do akoakʼ ạkil iạte aloe sarhaokʼma, ar daṛeanko hõ akoakʼ daṛe iạte aloko sarhaokʼma ar kisạ̃ṛko hõ akoakʼ dhon iạte aloko sarhaokʼma,

Jesaea 60:6

Amakʼ disạm do gạd gạd ũṭkote perejokʼa Midian ar Epharen daṛean ũṭkotege. Onko do sona ar kunduruwante Seba disạm khonko hijukʼa ar Probhu Isorakʼ sabasiko jạhira.

Sosolhayic̕ 8:5

Okoe uniyakʼ hukume dohoyetʼ uni do cetʼ bạṛicʼakʼge baṅ paṛaoaea. Ạkilan hoṛkoakʼ mon do ṭhik okte ar kạmi reakʼ dharakoe baḍae oroma.

Sereńko 45:4

Sạriyakʼ, mạ̃hir ar dhorom secʼ amakʼ ṭhonokte jitạuicʼ leka mohnḍakʼme; ar amakʼ jojom ti do botoranakʼkoe kạmima.

Sereńko 25:9

Uni do nindhạnko dhorom horteye idikoa ar acʼakʼ hor reaṅe cetʼakoa.

Ibriko 13:5

Ṭaka-poesa reakʼ laloc khon sahaṛakae tahenpe. Apeakʼ oka menakʼtape onatege dhirpur akae tahenpe. Isore meneda, “Iń do tishõ bạń alae mea ar tishõ bạń bạgi giḍimea.”

Jesaea 29:19

Mạ̃hir hoṛko do arhõ Probhu Isor iạteko rạskạkʼa, ar okoe ḍherko reṅgecʼge onko do Israelren uni sonoticʼ iạteko rạskạkʼa.

1 Patras 1:15

Ona khon bickom okoeye hohoakatʼpe ar cetʼlekae sonotge, onkage ape hõ apeakʼ sanam cạl-colonte sonotko hoyokʼpe.

Sereńko 122:8

Ińren boeha ar gatekoakʼ bhạlại lạgitʼge iń doń mena, Jerusalemre suluk tahen ma.”